ກຕສ ແລະ ກຸ່ມບໍລິສັດ ໂຄລາວ ຮ່ວມລົງນາມບົດບັນທຶກຄວາມເຂົ້າໃຈ ສ້າງ ແອັບພລິເຄເຊິນ ກ໋ອກ ກ໋ອກ ແຊັດ

01/07/2022

ກຕສ ແລະ ກຸ່ມບໍລິສັດ ໂຄລາວ ຮ່ວມລົງນາມບົດບັນທຶກຄວາມເຂົ້າໃຈ ສ້າງ ແອັບພລິເຄເຊິນ ກ໋ອກ ກ໋ອກ ແຊັດ

       ໃນຕອນແລງ ຂອງວັນທີ 30 ມິຖຸນາ 2022, ທີ່ຫ້ອງປະຊຸມໃຫຍ່ ຂອງກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ມີພິທີເຊັນບົດບັນທຶກຄວາມເຂົ້າໃຈ (MOU) ກ່ຽວກັບໂຄງການຮ່ວມມືສ້າງ ແອັບພລິເຄເຊິນ ກ໋ອກ ກ໋ອກ ແຊັດ (KOK KOK Chat Application) ລະຫວ່າງ ກະຊວງເຕັກໂນໂລຊີ ແລະ ການສື່ສານ ແລະ ກຸ່ມບໍລີສັດ ໂຄລາວ (ບໍລິສັດ ກ໋ອກກ໋ອກ ໂຊລູຊັນ ຈໍາກັດ).

ຈຸດປະສົງຂອງການເຊັນບົດບັນທຶກໃນຄັ້ງນີ້ ແມ່ນເພື່ອເປັນການຮ່ວມມືສຶກສາຄວາມເປັນໄປໄດ້ ກ່ຽວກັບ ໂຄງການສ້າງແອັບພລິເຄເຊິນ ກ໋ອກ ກ໋ອກ ແຊັດ ຢູ່ ສປປ ລາວ ຊຶ່ງໂຄງການດັ່ງກ່າວແມ່ນແນ່ໃສ່ເພື່ອຄົ້ນຄ້ວາ, ພັດທະນາ ແລະ ບໍລິການ ດ້ານການສື່ສານ ແລະ ແລກປ່ຽນຂໍ້ມູນ ທາງດິຈິຕ໋ອນ ເຊັ່ນ: ການສົ່ງຂໍ້ຄວາມ, ຂໍ້ຄວາມສຽງ, ວີດີໂອ, ຮູບພາບ, ສະແດງສະຖານະພາບສ່ວນຕົວ-ທຸລະກິດ, ການໂທລະສັບຜ່ານອິນເຕີເນັດ, ການໄລຟ໌ສົດ, ປະຊຸມທາງໄກ ແລະ ອື່ນໆ.

ຕ່າງໜ້າລົງນາມໃຫ້ແກ່ ກະຊວງເຕັກໂນໂລຊີ ແລະ ການສື່ສານ ໂດຍ ທ່ານ ພູຂົງ ຈິດຮູບໂລກ, ຫົວໜ້າຫ້ອງການ ກະຊວງເຕັກໂນໂລຊີ ແລະ ການສື່ສານ ແລະ ຕາງໜ້າລົງນາມໃຫ້ແກ່ ກຸ່ມບໍລິສັດ ໂຄລາວ ໂດຍ ທ່ານ​ ປອ​. ຄຳຂັນ ນະພາວົງ, ຮອງປະທານ​ໃຫຍ່ ກຸ່ມບໍລິສັດ ໂຄລາວ (ບໍລິສັດ ກ໋ອກກ໋ອກ ໂຊລູຊັນ ຈຳກັດ), ຊຶ່ງໃຫ້ກຽດເຂົ້າຮ່ວມໂດຍ ​ທ່ານ ບັນດິດ ສຈ. ບໍ່ວຽງຄຳ ວົງ​ດາລາ, ລັດຖະມົນຕີ ​ກະຊວງ​ເຕັກໂນໂລຊີ ແລະ ການສື່ສານ ພ້ອມດ້ວຍ ຮອງລັດຖະມົນຕີ, ຫົວໜ້າ/ຮອງຫົວໜ້າກົມ, ສູນ, ອົງການ, ພ້ອມດ້ວຍປະທານ ຄະນະບໍລິຫານ ແລະ ພະນັກງານຂອງບໍລິສັດ ເຂົ້າຮ່ວມປັນສັກຂີພະຍານ.

       ພາບ+ຂ່າວ: ຫ້ອງການ, ພະແນກປະຊາສໍາພັນ

 

ຊົມເຊີຍວັນໂທລະຄົມມະນາຄົມ 157 ປີ
ສະຖິຕິຂະແໜງ ເຕັກໂນໂລຊີ ແລະ ການສື່ສານ ປີ2021
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບຫຼ້າສຸດ
ວາ​ລະ​ສານ ໄອ​ຊີ​ທີ 17
ລະ​ບົບ​ຂື້ນ​ທະ​ບຽນ​ປະ​ຊຸມ