ປະທານຄະນະບໍລິຫານງານສູນກາງສະຫະພັນກໍາມະບານລາວ ຊຸກຍູ້ວຽກງານກໍາມະບານ ຢູ່ ກະຊວງເຕັກໂນໂລຊີ ແລະ ການສື່ສານ

01/07/2022

ປະທານຄະນະບໍລິຫານງານສູນກາງສະຫະພັນກໍາມະບານລາວ  ຊຸກຍູ້ວຽກງານກໍາມະບານ ຢູ່ ກະຊວງເຕັກໂນໂລຊີ ແລະ ການສື່ສານ

       ໃນວັນທີ 30 ມິຖຸນາ 2022, ສະຫະພັນກໍາມະບານ ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ເປັນກຽດຕ້ອນຮັບ ສະຫາຍ ນາງ ອາລີ ວົງໜໍ່ບຸນທຳ, ກຳມະການສູນກາງພັກ, ປະທານຄະນະບໍລິຫານງານ ສູນກາງສະຫະພັນກໍາມະບານລາວ ພ້ອມດ້ວຍຄະນະ ເນື່ອງໃນໂອກາດລົງເຄື່ອນໄຫວຊຸກຍູ້ວຽກງານກໍາມະບານ ຢູ່ ກຕສ ໂດຍໃຫ້ການຕ້ອນຮັບຂອງ ສະຫາຍ ປອ. ສັນຕິສຸກ ສິມມາລາວົງ, ຮອງເລຂາຄະນະພັກ, ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ. ໃນວາລະການພົບປະ ສະຫາຍ ນາງ ອາລີ ວົງໜໍ່ບຸດ ໄດ້ກ່າວສະແດງຈຸດປະສົງໃນການລົງເຄື່ອນໄຫວຊຸກຍູ້ວຽກງານໃນຄັ້ງນີ້ ພ້ອມທັງໄດ້ຍົກໃຫ້ເຫັນ ຄວາມໝາຍຄວາມສໍາຄັນຂອງວຽກງານກໍາມະບານໃນຂົງເຂດ ວຽກງານ ເຕັກໂນໂລຊີ ແລະ ການສື່ສານ ເປັນຕົ້ນແມ່ນ: ວຽກງານສຶກສາອົບຮົມການເມືອງ-ແນວຄິດ ແລະ ການປົກປ້ອງສິດຜົນປະໂຫຍດອັນຊອບທໍາ ຂອງສະມາຊິກກຳມະບານ, ກໍາມະກອນ ແລະ ຜູ້ອອກແຮງງານ.

     ໃນໂອກາດເຄື່ອນໄຫວຊຸກຍູ້ວຽກງານຄັ້ງນີ້ ສະຫາຍ ສຸດໃຈ ພິມມະສີ, ປະທານສະຫະພັນກໍາມະບານ ກະຊວງເຕັກໂນໂລຊີ ແລະ ການສື່ສານ ໄດ້ລາຍງານສະພາບການເຄື່ອນໄຫວວຽກງານທີ່ພົ້ນເດັ່ນ ລວມທັງຂໍ້ສະດວກ ແລະ ຂໍ້ຫຍຸ້ງຍາກ, ບົດຮຽນທີ່ຖອດຖອນໄດ້ໃນໄລຍະຜ່ານມາ ຂອງສະຫະພັນກຳມະບານກະຊວງ ເຕັກໂນໂລຊີ ແລະ ການສື່ສານ ໂດຍມີຄະນະບໍລິຫານງານສະຫະພັນກຳມະບານ, ປະທານຮາກຖານ ແລະ ໜ່ວຍກໍໍາມະບານ ບັນດາກົມ/ທຽບເທົ່າ ພາຍໃນ ກຕສ ແລະ ສະມາຊິກກໍາມະບານບໍລິສັດອ້ອມຂ້າງກະຊວງເຂົ້າຮ່ວມ.

       ພ້ອມດຽວກັນນີ້, ທ່ານ ນາງ ອາລີ ວົງໜໍ່ບຸນທຳ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ວຽກງານກຳມະບານ ແລະ ຢ້ຽມຢາມ ບັນດາສະຫະພັນກຳມະບານຮາກຖານ ແລະ ໜ່ວຍກຳມະບານ ທີ່ຂຶ້ນກັບ ສະຫະພັນກຳມະບານກະຊວງ ເຕັກໂນໂລຊີ ແລະ ການສື່ສານ ເຊັ່ນ: (1) ກໍາມະບານຮາກຖານ ສູນອິນເຕີເນັດ ແຫ່ງຊາດ; (2) ສະຫະພັນກໍາມະບານຮາກຖານບໍລິສັດ ອີທີແອລ ຈຳກັດ;(3) ສະຫະພັນກໍາມະບານ ຮາກຖານ ບໍລິສັດ ລາວ ໂທລະຄົມມະນາຄົມ ມະຫາຊົນ; (4) ກຳ​ມະ​ບານຮາກຖານ ກົມ​ຄື້​ນ​ຄວາມ​ຖີ່ວິ​ທະ​ຍຸ​ສື່​ສານ ແລະ  (5)  ໜ່ວຍກຳມະບານລັດວິສາຫະກິດດາວທຽມລາວ ເພື່ອຮັບຟັງລາຍງານ ແລະ ຕິດຕາມການເຮັດວຽກຂອງຄະນະກໍາມະບານຮາກຖານ.

         ຂຽນຂ່າວໂດຍ: ສະຫະພັນກໍາມະບານ ກຕສ

 

ຊົມເຊີຍວັນໂທລະຄົມມະນາຄົມ 157 ປີ
ສະຖິຕິຂະແໜງ ເຕັກໂນໂລຊີ ແລະ ການສື່ສານ ປີ2021
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບຫຼ້າສຸດ
ວາ​ລະ​ສານ ໄອ​ຊີ​ທີ 17
ລະ​ບົບ​ຂື້ນ​ທະ​ບຽນ​ປະ​ຊຸມ