ເຜີຍແຜ່ນິຕິກຳກ່ຽວກັບ ການແຈ້ງຊັບສິນ ແລະ ລາຍຮັບ ຮອບພິເສດ ຂອງພະນັກງານ-ລັດຖະກອນ ທີ່ຂຶ້ນກັບການຄຸ້ມຄອງ ຂອງກະຊວງເຕັກໂນໂລຊີ ແລະ ການສື່ສານ

16/05/2022

ເຜີຍແຜ່ນິຕິກຳກ່ຽວກັບ ການແຈ້ງຊັບສິນ ແລະ ລາຍຮັບ ຮອບພິເສດ ຂອງພະນັກງານ-ລັດຖະກອນ ທີ່ຂຶ້ນກັບການຄຸ້ມຄອງ ຂອງກະຊວງເຕັກໂນໂລຊີ ແລະ ການສື່ສານ

      ໃນຕອນເຊົ້າຂອງວັນທີ 13 ພຶດສະພາ 2022 ຜ່ານມານີ້, ກົມກວດກາ, ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຈັດກອງປະຊຸມເຜີຍແຜ່ຄຳແນະນຳການແຈ້ງຊັບສິນ ແລະ ລາຍຮັບ, ລົງເຄື່ອນໄຫວຮັບແບບຟອມເອກະສານແຈ້ງຊັບສິນ ແລະ ລາຍຮັບ ຮອບພິເສດ ຂອງພະນັກງານ-ລັດຖະກອນ ບັນດາກົມ/ທຽມເທົ່າ ແລະ ພະນັກງານ ບັນດາບໍລິສັດ ລັດວິສາຫະກິດ ທີ່ຂຶ້ນກັບ ກຕສ ໂດຍພາຍໃຕ້ການເປັນປະທານຂອງສະຫາຍ ປອ. ສັນຕິສຸກ ສິມມາລາວົງ, ຮອງເລຂາຄະນະພັກ ທັງເປັນປະທານກວດກາ, ມີບັນດາກົມ, ສະຖາບັນ, ສູນ, ອົງການ, ບໍລິສັດ ລັດວິສາຫະກິດ ແລະ ພະນັກງານກ່ຽວຂ້ອງເຂົ້າຮ່ວມ.

      ຈຸດປະສົງຂອງການເຜີຍແຜ່ໃນຄັ້ງນີ້ກໍເພື່ອເຮັດໃຫ້ຈັດຕັ້ງປະຕິບັດວຽກງານ ການແຈ້ງຊັບສິນ ແລະ ລາຍຮັບ ຮອບພິເສດ, ໃຫ້ປະສົບຜົນສຳເລັດຕາມລະດັບຄາດໝາຍຂອງວຽກດັ່ງກ່າວ ພ້ອມທັງເປັນການຄົ້ນຄວ້າເຊື່ອມຊືມຄຳແນະນຳຂອງອົງການກວດກາລັດຖະບານ ສະບັບເລກທີ 15/ອກລ ໃຫ້ເລິກເຊິ່ງທົ່ວເຖິງ ແນ່ໃສ່ເພື່ອຍົກສູງວຽກງານການສະກັດກັ້ນ ແລະ ຕ້ານການສໍ້ລາດບັງຫຼວງ ເພື່ອເຫັນໄດ້ເຫດຜົນ ແລະ ຄວາມສຳຄັນຂອງການແຈ້ງຊັບສິນ ແລະ ລາຍຮັບ ຮອບພິເສດ ໃຫ້ແກ່ບັນດາພະນັກງານ-ລັດຖະກອນ ທີ່ຮັບການເລື່ອນຕຳແໜ່ງໃໝ່, ຜູ້ຈະອອກພັກຜ່ອນຮັບເບ້ຍບຳນານ ຫຼື ອອກຈາກການເປັນລັດຖະການໃນຂັ້ນຕ່າງໆ (ໃນໄລຍະປີ 2018 ຫາ ປັດຈຸບັນ) ແລະ ໃຫ້ພ້ອມກັນເຂົ້າຮ່ວມດຳເນີນການແຈ້ງຊັບສິນ ແລະ ລາຍຮັບພິເສດ ເພື່ອຄວາມເປັນເອກະພາບໃນທາງຈັດຕັ້ງປະຕິບັດ ແລະ ດຳເນີນການແຈ້ງຊັບສິນ-ລາຍຮັບ ຮອບພິເສດ ຂອງພະນັກງານ-ລັດຖະກອນ ບັນດາກົມ/ທຽມເທົ່າ ແລະ ພະນັກງານ ບັນດາບໍລິສັດ ລັດວິສາຫະກິດ ທີ່ຂຶ້ນກັບ ກຕສ ໃຫ້ຖຶກຕ້ອງຕາມລະບຽບກົດໝາຍ ແລະ ບັນລຸຜົນສຳເລັດຕາມລະດັບຄາດໝາຍ.

          ໂອກາດດຽວກັນ, ສະຫາຍ ປອ. ສັນຕິສຸກ ສິມມາລາວົງ ຍັງໄດ້ເຜີຍແຜ່ແຈ້ງການ ສະບັບເລກທີ 227/ ອກລ, ລົງວັນທີ 03 ຕຸລາ 2020, ການຈັດຕັ້ງປະຕິບັດດຳລັດ ເລກທີ 159/ລບ ວ່າດ້ວຍການແຈ້ງຊັບສິນ ແລະ ຄຳແນະນຳ ສະບັບເລກທີ 15/ອກລ, ລົງວັນທີ 27 ມັງກອນ 2021 ແລະ ໃນຕອນທ້າຍກອງປະຊຸມຍັງມີການແນະນຳການປະກອບເອກະສານແຈ້ງຊັບສິນ ຕາມບົດແນະນຳສະບັບເລກທີ 46/ອອກລ, ລົງວັນທີ 20 ກຸມພາ 2017 ການຈັດຕັ້ງປະຕິບັດ ດຳລັດ ວ່າດ້ວຍການແຈ້ງຊັບສິນ (ສະບັບປັບປຸງ) ອີກດ້ວຍ.

         ພາບ+ຂ່າວ: ພະແນກປະຊາສໍາພັນ, ຫ້ອງການກະຊວງ.

 

ຊົມເຊີຍວັນໂທລະຄົມມະນາຄົມ 157 ປີ
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 17
ສະຖິຕິຂະແໜງ ເຕັກໂນໂລຊີ ແລະ ການສື່ສານ ປີ 2020
ລະ​ບົບ​ຂື້ນ​ທະ​ບຽນ​ປະ​ຊຸມ