ອດທ ລາຍງານສະພາບການຈັດໂປຣໂມຊັນປະຈຳ 06 ເດືອນທ້າຍປີ 2021 ແລະ ວາງທິດທາງແຜນການປີ 2022

27/12/2021

ອດທ ລາຍງານສະພາບການຈັດໂປຣໂມຊັນປະຈຳ 06 ເດືອນທ້າຍປີ 2021 ແລະ ວາງທິດທາງແຜນການປີ 2022

       ໃນວັນທີ່ 17 ທັນວາ ປີ 2021 ຜ່ານມານີ້, ອົງການດັດສົມໂທລະຄົມ (ອດທ), ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຈັດກອງປະຊຸມລາຍງານສະພາບການຈັດໂປຣໂມຊັນປະຈຳ 06 ເດືອນທ້າຍປີ 2021 ແລະ ວາງທິດທາງແຜນໃນປີ 2022 ຂຶ້ນ, ຜ່ານຮູບແບບລະບົບອອນລາຍ. ໂດຍການເປັນປະທານຂອງ ທ່ານ ປອ ໃຈມາລີ ພະກະຊຸມ ຮອງຫົວໜ້າ ອດທ ມີບັນດາຄະນະກົມ/ທຽບເທົ່າອ້ອມຂ້າງ ກະຊວງ ຕສ ແລະ ບັນດາບໍລິສັດທີ່ໃຫ້ບໍລິການດ້ານໂທລະຄົມ ແລະ ອິນເຕີເນັດເຊັ່ນ: ບໍລິສັດ ລາວໂທລະຄົມ, ບໍລິສັດ ອີທີແອລ, ບໍລິສັດ ສະຕາໂທລະຄົມ, ບໍລິສັດ ທີພຣັດດິຈິຕອນ, ບໍລິສັດ ດາວທຽມລາວເອເຊຍປາຊີຟິກ ຈຳກັດ, ບໍລິສັດ ເດີເບສ ເທເລຄົມ ແລະ ບໍລິສັດ ພຣາເນັດ ເຂົ້າຮ່ວມ.

         ການຈັດກອງປະຊຸມຄັ້ງນີ້ ແມ່ນເພື່ອລາຍງານສະພາບການຈັດໂປຣໂມຊັນຂອງບັນດາບໍລິສັດທີ່ໃຫ້ບໍລິການດ້ານໂທລະຄົມມະນາຄົມ ກ່ຽວກັບບັນດາແພັກເກັດສຳລັບ Voice, Data, SMS ແລະ ບໍລິການໃໝ່ໆໃນໄລຍະເດືອນ ມິຖຸນາ ຫາ ເດືອນທັນວາ. ພ້ອມດຽວກັນນີ້, ໄດ້ວາງທິດທາງການຈັດໂປໂມຊັນໃນປີຕໍ່ຫນ້າ  ແລະ ປຶກສາຫາລືກ່ຽວກັບທິດທາງຂອງການແຂ່ງຂັນດ້ານການຈັດໂປຣໂມຊັນ ໃຫ້ສອດຄ່ອງກັບລະບຽບການ ເພື່ອຮັບປະກັນໃຫ້ມີການບໍລິການທີ່ຫຼາກຫຼາຍ ຮັບໃຊ້ປະຊາຊົນ. ໃນໂອກາດດຽວກັນນີ້, ຍັງໄດ້ເຜີຍແຜ່ບັນດານິຕິກຳທີ່ກ່ຽວຂ້ອງກັບການແຂ່ງຂັນ ແລະ ບໍລິການ ເພື່ອເປັນການຈັດຕັ້ງປະຕິບັດລະບຽບການ ແລະ ແນວທາງໃນການປະຕິບັດແຜນງານໃນຕໍ່ໜ້າ.

          ຂ່າວໂດຍ: ອົງການດັດສົມໂທລະຄົມມະນາຄົມ, ກຕສ.

 

ຊົມເຊີຍວັນໂທລະຄົມມະນາຄົມ 157 ປີ
ສະຖິຕິຂະແໜງ ເຕັກໂນໂລຊີ ແລະ ການສື່ສານ ປີ2021
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບຫຼ້າສຸດ
ວາ​ລະ​ສານ ໄອ​ຊີ​ທີ 17
ລະ​ບົບ​ຂື້ນ​ທະ​ບຽນ​ປະ​ຊຸມ