ຊາວໜຸ່ມຍົກສູງຄຸນນະພາບ ຜ່ານລະບົບດິຈິຕອນ IR 4.0

13/09/2021

ຊາວໜຸ່ມຍົກສູງຄຸນນະພາບ ຜ່ານລະບົບດິຈິຕອນ IR 4.0

       ໃນຕອນບ່າຍຂອງວັນທີ 8 ກັນຍາ 2021 ຜ່ານມານີ້, ທີ່ສູນກາງຊາວໜຸ່ມປະຊາຊົນປະຕິວັດລາວ ຮ່ວມກັບຄະນະບໍລິຫານງານຊາວໜຸ່ມ ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຈັດກອງປະຊຸມຍົກສູງຄຸນນະພາບ ວຽກງານຊາວໜຸ່ມໃຫ້ສະດວກ, ວ່ອງໄວ, ຊັດເຈນ ແລະ ທັນສະໄໝ ຜ່ານລະບົບດິິຈິຕອນ  IR 4.0 ຂຶ້ນ. ໂດຍໄດ້ຮັບກຽດກ່າວເປີດພິທີ  ແລະ ເປັນປະທານກອງປະຊຸມ ໂດຍ ສະຫາຍ ອາລຸນໄຊ ສຸນນະລາດ ກຳມະການສຸນກາງພັກ, ເລຂາຄະນະພັກ, ເລຂາຄະນະບໍລິຫານງານ ສປປລ, ເຂົ້າຮ່ວມໂດຍສະຫາຍ ພວງປະເສີດ ແກ້ວສຸວັນ ກຳມະການສູນກາງຊາວໜຸ່ມປະຊາຊົນປະຕິວັດລາວ,​ ເລຂາຄະນະບໍລິຫານງານຊາວໜຸ່ມ ກະຊວງ ຕສ ແລະ ບັນດາທ່ານຫົວໜ້າກົມຮອງກົມ/ທຽບເທົ່າ ອ້ອມຂ້າງສູນກາງຊາວໜຸ່ມ ພ້ອມດ້ວຍຄະນະຮັບຜິດຊອບຈາກກະຊວງ ຕສ.

        ໃນກອງປະຊຸມຄັ້ງນີ້ ແມ່ນເພື່ອຍົກສູງຄຸນນະພາບວຽກງານຊາວໜຸ່ມໃຫ້ສະດວກ, ວ່ອງໄວ, ຊັດເຈນ ແລະ ທັນສະໄໝ ຜ່ານລະບົບດິິຈິຕອນ  IR 4.0 ໂດຍສະເພາະ ແມ່ນບັນດາລະບົບທີ່ໃຫ້ບໍລິການພາກລັດ ເພື່ອໃຫ້ສະມາຊິກຊາວໜຸ່ມພາຍໃນສູນກາງຊາວໜຸ່ມໄດ້ນຳເອົາໄປຜັນຂະຫຍາຍ ແລະ ນຳໃຊ້ເຂົ້າໃນການປະຕິບັດວຽກງານຂອງຕົນ ໃນການຫັນເປັນທັນສະໄໝ, ທັງເປັນການ ປະຢັດເວລາ, ມີຄວາມປອດໄພ, ເຮັດໃຫ້ວຽກງານໄດ້ຮັບໝາກຜົນ ແລະ ມີປະສິດທິພາບສູງສຸດ. ຊຶ່ງໄດ້ມີການນຳສະເໜີ 3 ຫົວຂໍ້ຫຼັກຄື : (1)ລະບົບການສື່ສານພາກລັດ G-Chat, (2)ລະບົບຈັດການເອກະສານ ແລະ ການນຳໃຊ້ເອກະສານຮ່ວມກັນ G-Share/G-Drive ແລະ (3)ລະບົບກອງປະຊຸມທາງໄກສະມາຊິກຊາວໜຸ່ມ ໂດຍນັກວິທະຍາກອນຈາກສູນບໍລິຫານລັດດ້ວຍເອເລັກໂຕຣນິກ, ກະຊວງ ຕສ.

          ພາບ+ຂ່າວ: ຄຊປປລ ກະຊວງ ຕສ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 17
ລະ​ບົບ​ຂື້ນ​ທະ​ບຽນ​ປະ​ຊຸມ