ຫົວເຫວີຍມອບຜ້າອັດປາກໃຫ້ກະຊວງ ຕສ ເພື່ອປ້ອງກັນພະຍາດ ໂຄວິດ-19.

01/06/2021

ຫົວເຫວີຍມອບຜ້າອັດປາກໃຫ້ກະຊວງ ຕສ ເພື່ອປ້ອງກັນພະຍາດ ໂຄວິດ-19.

       ໃນຕອນເຊົ້າວັນທີ 1 ມິຖຸນາ 2021 ນີ້້, ບໍລິສັດຫົວເຫວີຍ ເຕັກໂນໂລຊີ (ລາວ) ຈຳກັດຜູ້ດຽວ ໄດ້ມອບຜ້າອັດປາກອະນາໄມ ຈຳນວນ 38,000 ແຜ່ນ, ຖົງມື 1000 ຖົງ ແລະ ເຄື່ອງວັດອຸນຫະພູມແບບຕັ້ງ 02 ເຄື່ອງໃຫ້ກະຊວງ ເຕັກໂນໂລຊີ ແລະ ການສື່ສານ (ຕສ). ຕ່າງໜ້າມອບໂດຍ ທ່ານ ຫູເຫວີ້ຍຫົວ ຜູ້ອຳນວຍການໃຫຍ່ ບໍລິສັດຫົວເຫວີຍ ເຕັກໂນໂລຊີ (ລາວ) ຈຳກັດຜູ້ດຽວ ແລະ ກ່າວຮັບໂດຍ ທ່ານ ປອ ສັນຕິສຸກ ສິມມາລາວົງ ຮອງລັດຖະມົນຕີກະຊວງ ຕສ ເພື່ອນໍາໃຊ້ເຂົ້າໃນວຽກງານສະກັດກັ້ນ ແລະ ປ້ອງກັນການລະບາດຂອງພະຍາດ ໂຄວິດ-19 ພາຍໃນ ກະຊວງ ຕສ.

        ໃນໂອກາດນີ້, ທ່ານ ປອ ສັນຕິສຸກ ສິມມາລາວົງ ຮອງລັດຖະມົນຕີກະຊວງ ຕສ ໄດ້ສະແດງຄວາມຂອບໃຈຕໍ່ ບໍລິສັດຫົວເຫວີຍ ເຕັກໂນໂລຊີ (ລາວ) ຈຳກັດຜູ້ດຽວ ທີ່ໄດ້ໃຫ້ການຊ່ວຍເຫຼືອດ້ານອຸປະກອນ ປ້ອງກັນພະຍາດໂຄວິດ 19 ແລະ ຫວັງວ່າ ສອງປະເທດ ກໍ່ຄື ສປປ ລາວ - ສປ ຈີນ ຈະຜ່ານຜົ້ນຈາກການລະບາດ ຂອງພະຍາດດັ່ງກ່າວໄດ້ໂດຍໄວ.

        ຂ່າວ: ພະແນກເລຂານຸການ-ພິທີການ, ຫ້ອງການ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ