ກະຊວງ ຕສ ມອບເງີນຊ່ວຍເຫຼືອ ນໍາໃຊ້ເຂົ້າໃນການຕ້ານ ແລະ ສະກັດກັ້ນ ການແຜ່ລະະບາດພະຍາດ ໂຄວິດ-19.

01/05/2021

ກະຊວງ ຕສ ມອບເງີນຊ່ວຍເຫຼືອ ນໍາໃຊ້ເຂົ້າໃນການຕ້ານ ແລະ ສະກັດກັ້ນ ການແຜ່ລະະບາດພະຍາດ ໂຄວິດ-19.

        ຕອນແລງຂອງວັນທີ 30 ເມສາ 2021 ຜ່ານມານີ້, ທີ່ສຳນັກງານນາຍົກລັດຖະມົນຕີ ໄດ້ມີພິທີ ມອບ-ຮັບ ເງິນຊ່ວຍເຫຼືອ ຈາກກະຊວງເຕັກໂນໂລຊີ ແລະ ການສື່ສານ (ຕສ) ຈຳນວນ  33.000.000 ກີບ ແລະ ມອບໂດຍ ທ່ານ ບັນດິດ ສຈ. ບໍ່ວຽງຄໍາ ວົງດາລາ ລັດຖະມົນຕີ,  ພ້ອມດ້ວຍຄະນະສະເພາະກິດຕ້ານການລະບາດພະຍາດ ໂຄວິດ-19 ຂອງກະຊວງ ເຕັກໂນໂລຊີ ແລະ ການສື່ສານ  ເພື່ອນຳໃຊ້ເຂົ້າໃນການຕ້ານ ແລະ ສະກັດກັ້ນ ການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ. ພ້ອມທັງສະເໜີ ລະບົບການຕິດຕາມ Lao KYC Application ຕິດຕັ້ງເທິງລະບົບມືຖື ໃນຂັ້ນພື້ນຖານ ທີ່ກະຊວງໄດ້ຄົ້ນຄວ້າ ແລະ ທົດລອງນຳໃຊ້ ເພື່ອໃຊ້ໃນການຕິດຕາມປະຫວັດການເຄື່ອນໄຫວ (Time line) ຂອງບຸກຄົນ ແລະ ແຈ້ງເຕືອນ ເມື່ອເຂົ້າໃກ້ສະຖານທີ່ ທີ່ມີຄວາມສ່ຽງໃນການແຜ່ເຊື້ອ, ແລະ ຮັບໂດຍ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ, ຫົວໜ້າຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂ ການແຜ່ລະບາດຂອງພະຍາດໂຄວິດ-19 ພ້ອມດ້ວຍຄະນະເຂົ້າຮ່ວມ .

        ໂອກາດດັ່ງກ່າວ, ທ່ານ ຮອງນາຍົກລັດຖະມົນຕີ ໄດ້ສະແດງຄວາມຂອບໃຈ ແລະ ຊົມເຊີຍ ຕໍ່ກະຊວງ ຕສ ທີ່ໄດ້ປະກອບສ່ວນມອບເງິນຊ່ວຍເຫຼືອ ເຂົ້າໃນການຈັດຕັ້ງປະຕິບັດວຽກງານປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ. ການປະກອບສ່ວນດັ່ງກ່າວ ແມ່ນສອດຄ່ອງກັບຄວາມຮຽກຮ້ອງຕ້ອງການຕົວຈິງ ຂອງສະພາບການໃນປະຈຸບັນ, ຊຶ່ງໄດ້ສະແດງເຖິງຫົວຄິດປະດິດສ້າງ ຮູ້ໝູນໃຊ້ທ່າແຮງ ທີ່ຕິດພັນກັບໜ້າທີ່ການເມືອງ ຂອງການຈັດຕັ້ງຕົນ ປະກອບສ່ວນເຂົ້າໃນການປະຕິບັດພາລະກິດລວມ ຂອງປະເທດຊາດ ໃຫ້ເກີດປະໂຫຍດສູງສຸດ, ທັງເປັນການສະແດງເຖິງຄວາມເສຍສະຫຼະ, ຄວາມເອື້ອເຟື້ອເພື່ອແຜ່, ຄວາມເປັນຫ່ວງເປັນໃຍ, ຄວາມສາມັກຄີເປັນເອກະພາບ, ຄວາມເປັນແບບຢ່າງທີ່ດີ ແລະ ກາຍເປັນກຳລັງແຮງ-ກຳລັງໃຈອັນໃຫຍ່ຫຼວງ ໃຫ້ແກ່ພັກ-ລັດ ແລະ ປວງຊົນລາວທັງຊາດ ໂດຍສະເພາະ ພະນັກງານແພດໝໍ ແລະ ເຈົ້າໜ້າທີ່ທຸກຄົນ ທີ່ພວມປະຕິບັດໜ້າທີ່ ຕ້ານການແຜ່ລະບາດ ຂອງພະຍາດໂຄວິດ-19 ຢູ່ໃນທົ່ວປະເທດ.

          (ພາບ-ຂ່າວ: ກົມປະຊາສຳພັນ ຫສນຍ).

          ກວດແກ້: ພະແນກເລຂານຸການ-ພິທີການ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ