ຝຶກອົບຮົມ ສ້າງຄວາມເຂັ້ມແຂງທາງດ້ານວຽກງານຮ່ວມມືຕ່າງປະເທດ

20/04/2021

ຝຶກອົບຮົມ ສ້າງຄວາມເຂັ້ມແຂງທາງດ້ານວຽກງານຮ່ວມມືຕ່າງປະເທດ

         ກະຊວງ ເຕັກໂນໂລຊີ ແລະ ການສື່ສານ (ຕສ) ໄດ້ຈັດຝຶກອົບຮົມຫົວຂໍ້ ‘‘ສ້າງຄວາມເຂັ້ມແຂງທາງດ້ານວຽກງານຮ່ວມມືຕ່າງປະເທດ ໃຫ້ພະນັກງານ ຕສ ແຂວງພາກເໜືອ’’ (ແຂວງບໍແກ້ວ, ແຂວງຜົ້ງສາລີ, ແຂວງອຸດົມໄຊ, ແຂວງຊຽງຂວາງ, ແຂວງໄຊສົມບູນ, ແຂວງໄຊຍະບູລີ, ແຂວງວຽງຈັນ, ແຂວງຫລວງນຳທາ, ແຂວງຫລວງພະບາງ ແລະ ແຂວງຫົວພັນ) ໃນລະຫວ່າງວັນທີ 31 ມີນາ ຫາ 01 ເມສາ 2021 ຜ່ານມານີ້, ທີ່ເມືອງວັງວຽງ, ແຂວງວຽງຈັນ. ໂດຍການເປັນປະທານຂອງ ທ່ານ ນາງ ພາວັນນາ ດວງບຸບຜາ ຮອງຫົວໜ້າກົມແຜນການ ແລະ ການຮ່ວມມື, ກະຊວງ ຕສ, ມີບັນ​ດາພະນັກງານຈາກບັນດາກົມ/ທຽບເທົ່າ, ພະນັກງານຈາກພະແນກ ຕສ 10 ແຂວງພາກເໜືອ ພ້ອມດ້ວຍນັກວິທະຍາກອນພາຍໃນກະຊວງ, ກະຊວງການຕ່າງປະເທດ, ກະຊວງແຜນການ ແລະ ການລົງທຶນເຂົ້າຮ່ວມ.

         ການຈັດຝຶກອົບຮົມໃນຄັ້ງນີ້ ກໍ່​ເພື່ອ​ແລກປ່ຽນບົດຮຽນ ກ່ຽວກັບວຽກງານຮ່ວມມືກັບຕ່າງປະເທດ ຂອງຂັ້ນສູນກາງ ກັບບັນດາພະແນກ ຕສ ແຂວງພາກເໜືອ ເພື່ອສຸມ​ໃສ່​ການ​ພັດ​ທະ​ນາ ​ທາງ​ດ້ານ​ເຕັກ​ນິກວິ​ຊາ​ການໃຫ້​ບຸກ​ຄະ​ລາ​ກອນ    ຂະ​ແໜງ​ ກຕ ໃຫ້​ມີ​ຄວາມ​ເຂັ້ມ​ແຂງ​ດ້ານວຽກ​ງານ​ຮ່ວມ​ມື​ກັບຕ່າງ​ປະ​ເທດ ໃນຂອບການຮ່ວມມືສອງຝ່າຍ, ອະນຸພາກພື້ນ ແລະ ອົງການຈັດຕັ້ງສາກົນຕ່າງໆ ໃນການ​ຍາດ​ແຍ່ງ​​ຄວາມຊ່ວຍ​ເຫຼືອ​ທາງ​ດ້ານ​ເຕັກ​ນິກວິ​ຊາ​ການ ແລະ ໂຄງ​ການ​ຊ່ວຍ ເຫລືອ​ຕ່າງໆໃນອານາຄົດ ເວົ້າລວມ, ເວົ້າສະເພາະ ກໍ່ເພື່ອເປັນການສ້າງຄວາມເຂັ້ມແຂງທາງດ້ານບຸກຄະລະກອນ ເພື່ອຮອງຮັບກັບຄວາມຕ້ອງການຂອງການພັດທະນາໃນໄລຍະໃໝ່. ຄຽງຄູ່ກັນນັ້ນ, ຍັງໄດ້ເຜີຍແຜ່ຜົນຂອງກອງປະຊຸມທາງໄກ ລັດຖະມົນຕີ ດິຈີຕອນ ອາຊຽນ ຄັ້ງ ທີ່ 1 ແລະ ກອງປະຊຸມ ປິ່ນອ້ອມກໍຄືນຜົນສຳເລັດໃນການເປັນປະທານ ລັດຖະມົນຕີ ດິຈິຕອນ ແລະ ເຈົ້າໜ້າທີ່ ອາວຸໂສ ດິຈິຕອນອາຊຽນ ໃນສົກປີ 2019-2020 ຂອງ ກະຊວງ. ພ້ອມນີ້, ຜູ້ເຂົ້າຮ່ວມຍັງໄດ້ຮັບຟັງກ່ຽວກັບແຜນແມ່ບົດ ອາຊຽນ ດິຈິຕອນ 2025 (ADM2025), ການຜັນຂະຫຍາຍວຽກງານ ເຊື່ອມຈອດອາຊຽນ 2025 ທີ່ຕິດພັນກັບຂະແໜງການ (MPAC2025) ແລະ ບັນດາ ຜົນສຳເລັດ ຂອງການຮ່ວມມືກັບ ສສ. ຫວຽດນາມ, ສປ ຈີນ, ອິນເດຍ, ຍີ່ປຸ່ນ,​ ສ. ເກົາຫຼີ, ອົງການໂທລະຄົມມະນາຄົມອາຊີ-ປາຊີຟິກ, ສູນຝຶກອົບຮົມເຕັກໂນໂລຊີຂໍ້ມູນຂ່າວສານ ແລະ ການສື່ສານ ເພື່ອການພັດທະນາ ອາຊີ-ປາຊີຟິກ (APCICT) ແລະ ບັນດາຄູ່ຮ່ວມມືອື່ນໆ ເພື່ອຍາດແຍ່ງການຊ່ວຍເຫຼືອ, ບົດຮຽນມານຳໃຊ້ເຂົ້າໃນການພັດທະນາ - ສ້າງສາປະເທດຊາດຂອງຂະແໜງການ ພ້ອມທັງເປັນການຍົກສູງບົດບາດ ຂອງ ສປປ ລາວ ໃນເວທີພາກພື້ນ ແລະ ສາກົນ ໃຫ້ສູງເດັ່ນຂຶ້ນ ບົນພື້ນຖານທິດທາງ, ນະໂຍບາຍຂອງພັກ - ລັດຖະບານລາວ

           ຂ່າວໂດຍ:   ກົມແຜນການ ແລະ ການຮ່ວມມື.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ