ປທສ ເປີດກອງປະຊຸມປະຈໍາໄຕມາດທີ III ປະຈໍາປີ 2020

06/10/2020

ປທສ ເປີດກອງປະຊຸມປະຈໍາໄຕມາດທີ III ປະຈໍາປີ 2020

         ໃນຕອນບ່າຍຂອງວັນທີ 30 ກັນຍາຜ່ານມານີ້,  ທີ່ຫ້ອງປະຊຸມ ຊັ້ນ 5 ກະຊວງ ປທສ ໄດ້ເປີດກອງປະຊຸມປະຈໍາໄຕມາດທີ III ປະຈໍາປີ 2020 ຂອງສະຫະພັນແມ່ຍິງ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ຂຶ້ນ. ພາຍໃຕ້ການເປັນປະທານຂອງທ່ານ ນາງ ເກສອນ ສຸລິວົງ ຄະນະບໍລິຫານງານສູນກາງສະຫະພັນແມ່ຍິງລາວ, ປະທານສະຫະພັນ ແມ່ຍິງ ກະຊວງ ປທສ, ມີບັນດາທ່ານຮອງປະທານ, ຄະນະບໍລິຫານງານສະຫະພັນແມ່ຍິງ ກະຊວງ ປທສ, ຄະນະໜ່ວຍ, ຄະນະຈຸ ສະຫະພັນແມ່ຍິງ ບັນດາກົມ/ທຽບເທົ່າ, ຄະນະສະຫະພັນແມ່ຍິງຮາກຖານ ພ້ອມດ້ວຍຄະນະໜ່ວຍທີ່ຂຶ້ນກັບຄະນະສະຫະພັນແມ່ຍິງຮາກຖານ ບໍລິສັດ ລັດວິສາຫະກິດ ເຂົ້າຮ່ວມຢ່າງພ້ອມພຽງ.

        ການເປີດກອງປະຊຸມໃນຄັ້ງນີ້, ກໍ່ເພື່ອເຜີຍແຜ່ເອກະສານ ມະຕິກອງປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວເປີດກວ້າງ ຄັ້ງທີ 06, ສະໄໝທີ VII ຈາກທ່ານປະທານສະຫະພັນແມ່ຍິງກະຊວງ ເພື່ອໃຫ້ບັນດາໜ່ວຍສະຫະພັນແມ່ຍິງ ອ້ອມຂ້າງກະຊວງ ປທສ ນໍາໄປຈັດຕັ້ງຜັນຂະຫຍາຍບັນດາໜ້າວຽກທີ່ໄດ້ຖືກມອບໝາຍໃຫ້ສໍາເລັດຕາມແຜນການທີ່ວາງໄວ້. ພ້ອມດຽວກັນນີ້, ຍັງໄດ້ປ່ອນບັດຄັດເລືອກເອົາຜູ້ເແທນສົມບູນ ແລະ ສໍາຮອງ ເພື່ອເຂົ້າຮ່ວມກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ VIII  ທີ່ຈະໄດ້ຖືກຈັດຂຶ້ນໃນເດືອນ ພະຈິກ 2020. ພ້ອມນັ້ນ, ກໍ່ໄດ້ປຶກສາຫາລື ກ່ຽວກັບການຈັດຕັ້ງປະຕິບັດຂໍ້ແຂ່ງຂັນ 03 ດີ, ວຽກງານກວດກາ ແລະ ວຽກງານອື່ນໆ ຕາມການຕົກລົງເຫັນດີໃນກອງປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວເປີດກວ້າງ ຄັ້ງທີ 06 ສະໄໝທີ VII ພ້ອມທັງພິຈາລະນາຮັບຮອງເອົາວຽກງານທີ່ສໍາຄັນ ເພື່ອນໍາໄປຈັດຕັ້ງຜັນຂະຫຍາຍໃນຕໍ່ໜ້າໃຫ້ສໍາເລັດຕາມຄາດໝາຍ.

          ພາບ+ຂ່າວ: ຫ້ອງການກະຊວງ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ