ປທສ ເຜີຍແຜ່ ຄຳສັ່ງແນະນຳ ການດຳເນີນຄະດີຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ.

30/09/2020

ປທສ ເຜີຍແຜ່ ຄຳສັ່ງແນະນຳ ການດຳເນີນຄະດີຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ.

         ໃນຕອນເຊົ້າ ຂອງວັນທີ 30 ກັນຍານີ້, ກະຊວງໄປສະນີ ໂທລະຄົມມະນາຄົມ ແລະ ການນສື່ສານ (ປທສ) ໄດ້ຈັດກອງປະຊຸມ ເຜີຍແຜ່ ຄຳສັ່ງແນະນຳ ວ່າດ້ວຍ ການດຳເນີນຄະດີຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ, ດຳລັດ ວ່າດ້ວຍ ຄວາມຮັບຜິດຊອບໃນການຕ້ານ ສະກັດກັ້ນການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ແລະ ຄຳສັ່ງ ວ່າດ້ວຍ ການກັກ, ການຍຶດ ແລະ ການອາຍັດ ທຶນທີ່ພົວພັນກັບຜູ່ກໍ່ການຮ້າຍ ຫຼື ການສະໜອງທຶນ ໃຫ້ແກ່ການກໍ່ການຮ້າຍ (ສະບັບປັບປຸງ) ຂຶ້ນທີ່ຫ້ອງປະຊຸມໃຫຍ່ ສູນຝຶກອົບຮົມຄື້ນຄວາມຖີ່, ສະຖາບັນ ເຕັກໂນໂລຊີການສື່ສານຂໍ້ມູນຂ່າວສານ (ສຕສ). ໂດຍການເປັນປະທານຂອງ ທ່ານ ທອງໃສ ຊານໄຊຍະ ປະທານຄະນະກວດກາພັກ, ຮອງລັດຖະມົນຕີ ກະຊວງ ປທສ, ຂຶ້ນເຜີຍແຜ່ເອກະສານໂດຍ ທ່ານ ພົມສຸວັນ ພິລາຈັນ ຫົວໜ້າຄະນະສານການຄ້າ, ສານປະຊາຊົນສູງສຸດ ແລະ ທ່ານ ຈິນດາໄມ ວິໄລຫົງສ໌ ຮອງຫົວໜ້າສໍານັກງານ ຂໍ້ມູນຕ້ານການຟອກເງີນ ມີສະມາຊິກພັກ, ພະນັກງານ ຜູ້ເຮັດວຽກງານກວດກາ ຂອງບັນດາກົມ/ທຽບເທົ່າ, ບໍລິສັດ ລັດວິສາຫະກິດ ທີ່ຂຶ້ນກັບ ກະຊວງ ປທສ ແລະ ພະແນກ ປທສ ນະຄອນຫຼວງວຽງຈັນເຂົ້າຮ່ວມ.

         ທ່ານ ທອງໃສ ຊານໄຊຍະ ໄດ້ກ່າວວ່າ: ການຈັດກອງປະຊຸມໃນຄັ້ງນີ້, ກໍ່ເພື່ອເຜີຍແຜ່ ເຊື່ອມຊຶມໃຫ້ ທົ່ວສັງຄົມໄດ້ຄວາມຮັບຮູ້ ເຂົ້າໃຈ ວຽກງານການຕ້ານ ສະກັດກັ້ນການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ຢ່າງກວ້າງຂວາງ ທົ່ວເຖິງ ແລະ ເລິກເຊິ່ງ, ເຮັດໃຫ້ເຫັນໄດ້ເຖິງຄວາມສໍາຄັນ ແລະ ຜົນກະທົບ ຂອງໄພຂົ່ມຂູ່ ຈາກການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ຊຶ່ງຖືວ່າ ເປັນອາຊະຍາກໍາ ທີ່ຮ້າຍແຮງ ອາດຈະກໍ່ໃຫ້ເກີດຜົນກະທົບ ຢ່າງໃຫຍ່ຫຼວງ ແລະ ເປັນໄພອັນຕະລາຍ ຕໍ່ການພັດທະນາເສດຖະກິດ-ສັງຄົມ ຂອງຊາດ. ໃນໄລຍະຜ່ານມາ, ລັດຖະບານຂອງ ສປປ ລາວ ໄດ້ຮັບຮອງ ແລະ ຈັດຕັ້ງປະຕິບັດ ນິຕິກໍາຫຼາຍສະບັບ ເພື່ອຕ້ານການຟອກເງີນ ແລະ ສະໜອງທຶນໃຫ້ແກ່ການກໍ່ການຮ້າຍ. ພ້ອມທັງເຜີຍແຜ່ ສ້າງຄວາມຮັບຮູ້, ເຂົ້າໃຈ ທັງໃນລວງກວ້າງ ແລະ ລວງເລີກ, ມີການແລກປ່ຽນຂໍ້ມູນທີ່ຕິດພັນກັບວຽກງານດັ່ງກ່າວ ລະຫວ່າງພາກສ່ວນທີ່ກ່ຽວຂ້ອງ, ພາກສ່ວນຜູ້ຄູ້ມຄອງ ແລະ ຫົວໜ່ວຍທີ່ມີໜ້າທີ່ລາຍງານ ຊຶ່ງໄດ້ຄ່ອຍໆພັດທະນາ ແລະ ຫັນເປັນລະບົບທັນສະໄໝຂຶ້ນເລື້ອຍໆເວົ້າລວມ, ເວົ້າສະເພາະ ແມ່ນການເຜີຍແຜ່, ເຊື່ອມຊຶມ ດໍາລັດ ວ່າດ້ວຍ ຄວາມຮັບຜິດຊອບໃນການຕ້ານ ສະກັດກັ້ນການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ສະບັບເລກທີ 127/ລບ, ລົງວັນທີ 20/02/2020, ຄຳສັ່ງແນະນຳ ວ່າດ້ວຍ ການດໍາເນີນຄະດີຟອກເງິນ ແລະ  ການສະໜອງທຶນໃຫ້ແກ່ການກໍ່ການຮ້າຍ ສະບັບເລກທີ 01/ຄຕຟງ, ລົງວັນທີ 08/01/2020 ແລະ ຄຳສັ່ງ ວ່າດ້ວຍ ການກັກ, ການຢຶດ ແລະ ການອາຍັດທຶນ ທີ່ພົວພັນກັບຜູ່ກໍ່ການຮ້າຍ ຫຼື ການສະໜອງທຶນ ໃຫ້ແກ່ການກໍ່ການຮ້າຍ (ສະບັບປັບປຸງ) ສະບັບເລກທີ 03/ນຍ, ລົງວັນທີ 11/02/2016 ໃຫ້ໄດ້ຮັບການຈັດຕັ້ງປະຕິບັດຢ່າງມີປະສິດທິພາບ ແລະ ປະສິດທິຜົນ, ສາມາດຕອບສະໜອງ ໄດ້ຕາມຄວາມຮຽກຮ້ອງຕ້ອງການ ຂອງວຽກງານ ແລະ ເປັນບ່ອນອີງ ໃຫ້ແກ່ພະນັກງານທີ່ກ່ຽວຂ້ອງ ໃນການດຳເນີນຄະດີຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ໄດ້ຮັບຮູ້ເຖິງຫຼັກການ, ຂັ້ນຕອນ ແລະ ວິທີຈັດຕັ້ງປະຕິບັດ ຢ່າງເປັນເອກະພາບ ໃນຂອບເຂດທົ່ວປະເທດ. ພ້ອມນີ້, ທ່ານຍັງໄດ້ເນັ້ນໜັກໃຫ້ຜູ້ເຂົ້າຮ່ວມ ຍົກສູງຄວາມຮັບຜິດຊອບ, ເອົາໃຈໃສ່ຮັບຟັງ, ຄົ້ນຄວ້າ, ແລກປ່ຽນຄວາມຄິດເຫັນ ພ້ອມທັງນໍາເອົາຄວາມຮູ້ດັ່ງກ່າວ ໄປຈັດຕັ້ງປະຕິບັດ ເຂົ້າໃນໜ້າທີ່ວຽກງາຂອງຕົນໃຫ້ໄດ້ຮັບຜົນດີ.

              ຂ່າວ+ພາບ: ຫ້ອງການກະຊວງ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ