ຄຊປປລ ກະຊວງ ປທສ ເຂົ້າພົບ ແລະ ລາຍງານວຽກ ຕໍ່ກັບຜູ້ຊີ້ນຳວຽກງານອົງການຈັດຕັ້ງມະຫາຊົນ ຂອງກະຊວງ ແລະ ຈັດກອງປະຊຸມຄົບຄະນະບໍລິຫານງານຊາວໜຸ່ມກະຊວງໄປສະນີ, ໂທລະຄົມມະນາຄົມ ແລະ ການສື່ສານ ຄັ້ງທີ່ IV ສະໄໝທີ່ II

14/09/2020

ຄຊປປລ ກະຊວງ ປທສ ເຂົ້າພົບ ແລະ ລາຍງານວຽກ ຕໍ່ກັບຜູ້ຊີ້ນຳວຽກງານອົງການຈັດຕັ້ງມະຫາຊົນ ຂອງກະຊວງ ແລະ ຈັດກອງປະຊຸມຄົບຄະນະບໍລິຫານງານຊາວໜຸ່ມກະຊວງໄປສະນີ, ໂທລະຄົມມະນາຄົມ ແລະ ການສື່ສານ ຄັ້ງທີ່ IV ສະໄໝທີ່ II

     ໃນຕອນເຊົ້າຂອງວັນທີ 3 ກັນຍາ 2020, ທີ່ຫ້ອງປະຊຸມຊັ້ນ 3 ຕຶກກະຊວງ ປທສ  ຄະນະບໍລິຫານງານຊາວໝຸ່ມ ປະຊາຊົນ ປະຕິວັດນລາວ (ຄຊປປລ) ກະຊວງ ປທສ ຊື່ງນຳໂດຍ ສະຫາຍ ພວງປະເສີດ ແກ້ວສຸວັນ ກໍາມະການສູນກາງ ຊປປລເລຂາຄະນະບໍລິຫານງານຊາວໜຸ່ມກະຊວງ ປທສ ແລະ ຄະນະ ຈຳນວນທັງໝົດ 11 ສະຫາຍ, ໄດ້ເຂົ້າພົບ ແລະ ລາຍງານວຽກການຈັດຕັ້ງປະຕິບັດທີ່ຜ່ານມາ ແລະ ແຜນການ 06 ເດືອນທ້າຍປີ 2020 ພ້ອມທັງຂໍທິດຊີ້ນຳເນື່ອງໃນໂອການຈະເປີດກອງປະຊຸມຄົບຄະນະບໍລິຫານງານຊາວໜຸ່ມກະຊວງ ປທສ. ຕໍ່ ສະຫາຍ ທອງໃສ ຊານໄຊຍະ ຮອງເລຂາ ຄະນະພັກ ກະຊວງ ປທສ, ຜູ້ຊີ້ນຳວຽກງານອົງການຈັດຕັ້ງມະຫາຊົນ.

ໃນວັນທີ 4 ກັນຍາ 2020 ຄຊປປລ ກະຊວງ ປທສ ໄດ້ຈັດກອງປະຊຸມຄົບຄະນະບໍລິຫານງານຊາວໜຸ່ມກະຊວງໄປສະນີ, ໂທລະຄົມມະນາຄົມ ແລະ ການສື່ສານ ຄັ້ງທີ່ IV ສະໄໝທີ່ II ຂຶ້ນ ທີ່ຫ້ອງປະຊຸມ ຊັ້ນ 01 ຂອງ ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ພາຍໃຕ້ການເປັນປະທານກອງປະຊຸມໂດຍ ສະຫາຍ ພວງປະເສີດ ແກ້ວສຸວັນ ກໍາມະການສູນກາງ ຊປປລ, ເລຂາຄະນະບໍລິຫານງານ ຊາວໝຸ່ມ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ມີບັນດາສະຫາຍຮອງເລຂາ ແລະ ກໍາມະການ ຄະນະບໍລິຫານງານຊາວໜຸ່ມກະຊວງ ປທສ, ຄະນະບໍລິຫານງານຊາວໜຸ່ມຮາກຖານ ແລະ ໜ່ວຍຮາກຖານ ບັນດາກົມ/ທຽບເທົ່າ ແລະ ບັນດາບໍລິສັດ ລັດວິສາຫະກິດທີ່ຂຶ້ນກັບ ຄຊປປລ ຂອງກະຊວງ ປທສ ເຂົ້າຮ່ວມຈໍານວນ 25 ສະຫາຍ.

      ກອງປະຊຸມຄັ້ງນີ້ ເປັນກອງປະຊຸມເພື່ອທົບທວນຄືນບັນດາໜ້າວຽກທີສຳເລັດ ແລະ ພົ້ນເດັ່ນທີ່ຜ່ານມາ, ຕິດຕາມກວດກາວຽກງານຄົງຄ້າງ, ຄົ້ນຄ້ວາກຳນົດແຜນວຽກສຸມໃສ່ໃນ 06 ເດືອນທ້າຍປີ 2020 ໃຫ້ສຳເລັດຕາມຄາດໝາຍເປັນຕົ້ນປະເມີນຂະບວນການ 4 ບຸກແຕ່ລະວຽກງານ, ວຽກເຂົ້າຮ່ວມຂະບວນການກິລາຊີງຂັນທ່ານ ຮອງປະທານປະເທດ ແລະ ວຽກອື່ນໆ, ກອງປະຊຸມຍັງໄດ້ຮັບການເຜີຍແຜ່ເອກະສານຜົນສຳເລັດກອງປະຊຸມວິສາມັນຄົບຄະນະບໍລິຫານງານສູນກາງຊາວໜຸ່ມ ສະໄໝທີ VII ຈາກ ສະຫາຍ ເລຂາ, ກອງປະຊຸມຍັງໄດ້ມອບໃບຍ້ອງຍໍໃຫ້ແກ່ຊາວໝຸ່ມທີ່ມີຜົນງານດີເດັ່ນໃນການເຂົ້າຮ່ວມຂະບວນການຄາລະວານ, ວຽກວິຊາສະເພາະ ຄຽງຄູ່ກັບການເຄື່ອນໄຫວສ້າງຜົນງານຂ່ຳນັບຮັບຕ້ອນກອງປະຊຸມໃຫຍ່ອົງຄະນະພັກກະຊວງ ປທສ, ທັງເປັນໄລຍະສຸມໃສ່ປະຕິບັດບັນດາຄາດໝາຍໃຫຍ່ ຂອງກອງປະຊຸມໃຫຍ່ຄັ້ງທີ VII ຂອງຊາວໜຸ່ມ, ຊື່ງຜູ້ເຂົ້ົາຮ່ວມກອງປະຊຸມ ໄດ້ຍົກສູງຄວາມຮັບຜິດຊອບ ລົງເລິກຄົ້ນຄວ້າ, ປຶກສາຫາລືບັນຫາຕ່າງໆ ດ້ວຍບັນຍາກາດສ້າງສັນ, ກົງໄປກົງມາ ແລະ ພິຈາລະນາຮັບຮອງເອົາວຽກງານທີ່ສຳຄັນ ເພື່ອສະຫຼຸບຕີລາຄາໝາກຜົນຂອງການຈັດຕັ້ງປະຕິບັດວຽກງານຊາວໜຸ່ມໃນໄລະ 9 ເດືອນຜ່ານມາ ແລະ ວາງທິດທາງແຜນກຳນົດຈຸດສຸມໃນການເຄື່ອນໄຫວໄຕມາດ 4 ປະຈຳປີ 2020.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ