ກອງປະຊຸມລາຍງານສະພາບການຈັດໂປຣໂມຊັນປະຈຳໄຕມາດ ll ປະຈຳປີ 2020

30/07/2020

ກອງປະຊຸມລາຍງານສະພາບການຈັດໂປຣໂມຊັນປະຈຳໄຕມາດ ll ປະຈຳປີ 2020

          ໃນວັນທີ່ 24 ກໍລະກົດຜ່ານມານີ້, ອົງການດັດສົມໂທລະຄົມມະນາຄົມ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມລາຍງານສະພາບການຈັດໂປຣໂມຊັນປະຈຳໄຕມາດ ll ປະຈຳປີ 2020 ຂຶ້ນ, ທີ່ຫ້ອງປະຊຸມຕຶກ F ຂອງຕຶກສາຖາບັນເຕັກໂນໂລຊີການສື່ສານຂໍ້ມູນຂ່າວສານ. ໂດຍການເປັນປະທານຂອງທ່ານ ທ່ານ ປອ ໃຈມາລີ ພະກະຊຸມ ຮອງຫົວໜ້າອົງການດັດສົມໂທລະຄົມມະນາຄົມ ມີຕາງໜ້າຈາກບັນດາບໍລິສັດໂທລະຄົມ ແລະ ອິນເຕີເນັດ (ລາວໂທລະຄົມ, ອີທີແອລ, ສະຕາໂທລະຄົມ, ທີພຣັດດິຈິຕອນ, ບໍລິສັດດາວທຽມລາວເອເຊຍປາຊີຟິກ ຈຳກັດ, ບໍລິສັດລັດສະກາຍໂທລະຄົມ ແລະ ບໍລິສັດພຣາເນັດ) ເຂົ້າຮ່ວມ.

          ການຈັດກອງປະຊຸມຄັ້ງນີ້ ກໍ່ເພື່ອເປັນການລາຍງານຜົນການຕິດຕາມກວດກາ ແລະ ສະພາບການຈັດໂປຣໂມຊັນຂອງບັນດາບໍລິສັດໂທລະຄົມມະນາຄົມກ່ຽວກັບບັນດາແພັກເກັດສຳລັບ, Voice, Data, SMS ແລະ ບໍລິການໃໝ່ໆໃນໄລຍະເດືອນ 4, 5, 6 ຜ່ານມາ. ພ້ອມນີ້, ຍັງມີການແລກປ່ຽນຂໍ້ມູນທີ່ສຳຄັນໃນການປະຕິບັດວຽກງານ ການແຂ່ງຂັນດ້ານການບໍລິການໂທລະຄົມມະນາຄົມ. ພ້ອມທັງເປັນການກຽມຄວາມພ້ອມ ຊຸກຍູ້ເຜີຍແຜ່ບັນດາລະບຽບຫຼັກການໃຫ້ກັບບັນດາບໍລິສັດ ເພື່ອຄວາມເປັນເອກະພາບກັນຈັດຕັ້ງປະຕິບັດໃຫ້ສອດຄ່ອງກັບລະບຽບການ, ຮັບປະກັນໃຫ້ມີການບໍລິການທີ່ມີຄຸນນະພາບໃນລາຄາທີ່ສົມເຫດສົມຜົນ ແລະ ຫຼາກຫຼາຍ ເພື່ອຮັບໃຊ້ປະຊາຊົນ.

             ຂ່າວໂດຍ: ອົງການດັດສົມໂທລະຄົມມະນາຄົມ

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ