ປທສ ຜົນປະໂຫຍດການນຳໃຊ້ ໄອຊີທີ ແລະ ນິຕິກຳກ່ຽວກັບການນຳໃຊ້ສື່ສັງຄົມອອນລາຍ.

23/07/2020

ປທສ ຜົນປະໂຫຍດການນຳໃຊ້ ໄອຊີທີ ແລະ ນິຕິກຳກ່ຽວກັບການນຳໃຊ້ສື່ສັງຄົມອອນລາຍ.

         ເພື່ອຕອນຮັບກອງປະຊຸມໃຫ່ຍຄັ້ງທີ່ II ຂອງອົງຄະນະພັກ ກະຊວງໄປສະນີ, ໂທລະຄົມມະນາ ຄົມ ແລະ ການສື່ສານ (ປທສ) ໃນຕອນເຊົ້າ ຂອງວັນທີ 21 ກໍລະກົດຜ່ານມານີ້,  ສູນ​ສົ່ງ​ເສີມ​ການ​ນຳ​ໃຊ້​ເຕັກ​ໂນ​ໂລ​ຊີ​ການ​ສື່ສານ​ຂໍ້​ມູນ​ຂ່າວສານ ແລະ ສູນສະກັດກັ້ນ ແລະ ແກ້ໄຂເຫດທາງທາງຄອມພິວເຕີ, ກະຊວງ ປທສ ໄດ້ຮ່ວມກັນຈັດສຳມະນາເຜີຍແຜ່ຄວາມຮູ້ ໃນຫົວຂໍ້: ຜົນປະໂຫຍດການນຳໃຊ້ ໄອຊີທີ ແລະ ນິຕິກຳກ່ຽວກັບການນຳໃຊ້ສື່ສັງຄົມອອນລາຍ ໃຫ້ແກ່ພະນັກງານ ແລະ ນັກສຶກສາວິທະຍາໄລ ຣັຕຕະນະ ບໍລິຫານທຸລະກິດຂຶ້ນ, ທີ່ວິທະຍາໄລຣັຕຕະນະ, ນະຄອນຫຼວງວຽງຈັນ.

        ທ່ານ ສຸລິຍາ ຄຳບູຣາວົງ ຫົວໜ້າສູນ​ສົ່ງ​ເສີມ​ການ​ນຳ​ໃຊ້​ເຕັກ​ໂນ​ໂລ​ຊີ​ການ​ສື່ສານ​ຂໍ້​ມູນ​ຂ່າວ ສານ ໄດ້ກ່າວວ່າ: ປະຈຸບັນການນຳໃຊ້ມືຖື ແລະ ສື່ສັງຄົມອອນລາຍ ໄດ້ກາຍເປັນໜຶ່ງປັດໃຈສຳຄັນ ໃນຊີວິດປະຈຳວັນ ແລະ ຫຼາຍຄົນກໍ່ຂາດການນຳໃຊ້ບໍ່ໄດ້ ໂດຍສະເພາະ ການນຳໃຊ້ໃນວຽກງານ, ການເຮັດທຸລະກິດ ຫຼື ການສຶກສາ-ຮ່ໍາຮຽນ. ຄຽງຄູ່ກັນນັ້ນ, ສື່ສັງຄົມອອນລາຍກໍມີຄວາມສ່ຽງ ແລະ ສາມາດສ້າງຜົນເສຍຫາຍໃຫ້ແກ່ຜູ້ໃຊ້ໄດ້ຫຼາຍເຊັ່ນກັນ ຖ້າຜູ້ໃຊ້ບໍ່ຮູ້ວິທີການນໍາໃຊ້ທີ່ຖືກຕ້ອງ, ຮູ້ເທົ່າບໍ່ເຖິງການ ຫຼື ຂາດວິຈາລະນາຍານໃນການນໍາໃຊ້ ກໍອາດຈະສົ່ງຜົນກະທົບດ້ານລົບ ຫຼື ອາດຖືກຫຼອກລວງໄດ້. ດັ່ງນັ້ນ, ກະຊວງ ປທສ ເຫັນໄດ້ເຖິງບັນຫາດັ່ງກ່າວ ຈຶ່ງໄດ້ລົງເຜີຍແຜ່ໃຫ້ທຸກຄົນໄດ້ຮັບຮູ້ເຖິງ ຜົນດີ-ຜົນຮ້າຍ ຂອງການນຳໃຊ້ສື່ສັງຄົມອອນລາຍ. ພ້ອມທັງ ເຜີຍແຜ່ນິຕິກຳ ແລະ ຄວາມຮູ້ ຄວາມເຂົ້າໃຈ ໃຫ້ແກ່ພະນັກງານ ນັກຮຽນ-ນັກສຶກສາ ກ່ຽວກັບການນໍາໃຊ້ ສື່ສັງຄົມອອນລາຍທີ່ຖືກຕ້ອງ ແລະ ສ້າງຈິດສໍານຶກທີ່ດີໃນການນໍາໃຊ້ ພ້ອມນັ້ນ, ກໍ່ໃຫ້ຮູ້ ລະບຽບກົດໝາຍ ກ່ຽວກັບການນຳໃຊ້ ສື່ສັງຄົມອອນລາຍ ເພື່ອນໍາໄປໃຊ້ເຂົ້າໃນການດໍາລົງຊີວິດປະຈໍາວັນໃຫ້ໃຫ້ເກີດປະໂຫຍດສູງສຸດ. 

        ຂ່າວ: ສູນ​ສົ່ງ​ເສີມ​ການ​ນຳ​ໃຊ້​ເຕັກ​ໂນ​ໂລ​ຊີ​ການ​ສື່ສານ​ຂໍ້​ມູນ​ຂ່າວສານ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2019
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ