ປທສ ລົງຕິດຕາມກວດກາ ແລະ ເກັບກຳຂໍ້ມູນການຈັດໂປຣໂມຊັນບັນດາການໃຫ້ບໍລິການອິນເຕີເນັດ

22/07/2020

ປທສ ລົງຕິດຕາມກວດກາ  ແລະ ເກັບກຳຂໍ້ມູນການຈັດໂປຣໂມຊັນບັນດາການໃຫ້ບໍລິການອິນເຕີເນັດ

        ໃນລະຫວ່າງເດືອນກໍລະກົດຜ່ານມານີ້, ຄະນະກວດກາສະເພາະກິດໄດ້ລົງຕິດຕາມກວດກາ  ແລະ ເກັບກຳຂໍ້ມູນການໃຫ້ໂປຣໂມຊັນຂອງບັນດາບໍລິສັດຜູ້ໃຫ້ບໍລິການດ້ານໂທລະຄົມ ເຊັ່ນ: ການບໍລິການອິນເຕີເນັດໃນມືຖືຂອງຊີມເນັດ, ຊີມໂທ ແລະ ບໍລິການອື່ນໆຂອງບັນດາບໍລິສັດໂທລະຄົມມະນາຄົມທີ່ກ່ຽວຂ້ອງ. ດັ່ງນັ້ນ, ເມື່ອບໍ່ດົນມານີ້ ຄະນະສະເພາະກິດ ຈຶ່ງໄດ້ຈັດກອງປະຊຸມປຶກສາຫາຫລືກໍານົດທິດທາງ ແລະ ແຜນການລົງກວດກາຕົວຈີງ. ໂດຍການເປັນປະທານຂອງ ທ່ານ ນາງ ປອ ໃຈມາລີ ພະກະຊຸມ ຮອງຫົວຫນ້າອົງການດັດສົມໂທະຄົມ, ກະຊວງ ປທສ, ຫົວໜ້າຄະນະສະເພາະກິດ, ມີຄະນະຮັບຜິດຊອບ ຕາງຫນ້າຈາກບໍລິສັດຜູ້ໃຫ້ບໍລິການດ້ານໂທລະຄົມເຂົ້າຮ່ວມ.

         ຊື່ງກອງປະຊຸມຄັ້ງນີ້, ໄດ້ເຫັນດີເປັນເອກະພາບ ຮັບຮອງເອົາແຜນເຄື່ອນໄຫວ, ວີທີການກວດກາ ແລະ ກໍານົດເວລາເຮັດວຽກຮ່ວມກັນໃນວັນທີ 13 ກໍລະກົດ 2020, ຢູ່ບໍລິສັດ ລາວໂທລະຄົມມະນາຄົມ ເປັນສະຖານທີ່ລົງເຮັດວຽກກວດກາຕົວຈິງ. ການລົງກວດກາຕົວຈີງສາມາດເກັບກຳຂໍ້ມູນທີ່ສຳຄັນກ່ຽວກັບການກຳນົດລາຄາຂາຍຜະລິດຕະພັນ ແລະ ເຕັກນິກໃນລະບົບເຄືອຂ່າຍໃນການສ້າງແພັກເກັດຕ່າງໆ ຂອງການບໍລິການອິນເຕີເນັດໃນມືຖືຊີມເນັດ, ຊີມໂທ ແລະ ການບໍລິການອື່ນໆ ຂອງບໍລິສັດເພື່ອຮັບປະກັນການບໍລິການທຸກລະບົບ ໃຫ້ດຳເນີນໄປຕາມລະບຽບການທີ່ ກະຊວງ ປທສ ໄດ້ກຳນົດໃນແຕ່ລະໄລຍະຢ່າງມີປະສິດຕິພາບ ແລະ ປະສິດຕິຜົນສູງ.

           ພາບ ແລະ ຂ່າວໂດຍ: ອົງການ ດັດສົມໂທລະຄົມ

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ