ປທສ ເຜີຍແຜ່ຂໍ້ຕົກລົງວ່າດ້ວຍມາດຕະຖານ ເຕັກນິກເວັບໄຊຂອງພາກລັດ

22/07/2020

ປທສ ເຜີຍແຜ່ຂໍ້ຕົກລົງວ່າດ້ວຍມາດຕະຖານ ເຕັກນິກເວັບໄຊຂອງພາກລັດ

         ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດສຳມະນາເຜີຍແຜ່ ກ່ຽວກັບ ຂໍ້ຕົກລົງວ່າດ້ວຍມາດຕະຖານເຕັກນິກເວັບໄຊ ຂອງພາກລັດ ຂຶ້ນໃນວັນທີ 21 ກໍລະກົດ 2020 ນີ້, ທີ່ຫ້ອງປະຊຸມໃຫຍ່ສະຖາບັນເຕັກໂນໂລຊີການສື່ສານຂໍ້ມູນຂ່າວສານ (ສຕສ). ໂດຍການເປັນປະທານຂອງ ທ່ານ ປອ. ສົມໄພວັນ ແສງສຸຣິຍະ, ຮອງຫົວໜ້າສູນບໍລິຫານລັດດ້ວຍເອເລັກໂຕຣນິກ, ກະຊວງ ປທສ ມີຕາງໜ້າຈາກບັນດາອົງການຈັດຕັ້ງພັກ-ລັດ ແລະ ບັນດາກົມ/ທຽບເທົ່າອ້ອມຂ້າງ ກະຊວງ ປທສ ເຂົ້າຮ່ວມ.

        ການຈັດສຳມະນາໃນຄັ້ງນີ້ ກໍເພື່ອເປັນການເຜີຍແຜ່ ແລະ ສ້າງຄວາມເຂົ້າໃຈ ກ່ຽວກັບ ຂໍ້ຕົກລົງວ່າດ້ວຍມາດຕະຖານເຕັກນິກເວັບໄຊຂອງພາກລັດ ໃຫ້ແກ່ບັນດາອົງການຈັດຕັ້ງພາກ-ລັດ  ເພື່ອເປັນບ່ອນອີງ ແລະ ເປັນພື້ນຖານ ໃນການພັດທະນາ, ຄຸ້ມຄອງລະບົບ ໃຫ້ມີປະສິດທິພາບ, ຮັບປະກັນຄວາມປອດໄພ ໃນການພັດທະນາວຽກງານດັ່ງກ່າວ ເວົ້້າລວມ ເວົ້າສະເພາະ ກໍ່ເພື່ອແນໃສ່ຊຸກຍູ້ສົ່ງເສີມການບໍລິການ ຂໍ້ມູນຂ່າວສານພາກລັດ ຜ່ານທາງເວັບໄຊ ອອກສູ່ສັງຄົມໃຫ້ກ້ວາງຂວາງ ແລະ ກ້າວໄປສູ່ມາດຕະຖານສາກົນ.

        ໃນໂອກາດດຽວກັນນີ້, ຍັງໄດ້ເຜີຍແຜ່ບັນດານິຕິກຳ ຂອງລະບົບບໍລິຫານລັດດ້ວຍເອເລັກໂຕຣນິກ ເປັນຕົ້ນ: ຂໍ້ຕົກລົງວ່າດ້ວຍ ການຄຸ້ມຄອງ ແລະ ນຳໃຊ້ລະບົບກອງປະຊຸມທາງໄກ (Video Conference), ລະບຽບການຄຸ້ມຄອງ ແລະ ນຳໃຊ້ຈົດໝາຍເອເລັກໂຕຣນິກຂອງລັດຖະບານ (e-Mail)  ໃຫ້ກັບບັນດາເປົ້າໝາຍຜູ້ຊົມໃຊ້ ຂອງແຕ່ລະຫ້ອງການພັກ-ລັດ ໄດ້ຮັບຮູ້ ພ້ອມນຳເອົາໄປໃຊ້ເຂົ້າໃນວຽກງານຂອງຕົນໃຫ້ຖືກຕາມເປົ້າໝາຍ ແລະ ເກີດປະໂຫຍດສູງສຸດ. ພ້ອມນີ້, ຜູ້ເຂົ້າຮ່ວມ ໄດ້ມີການປຶກສາຫາລື, ແລກປ່ຽນຄໍາຄິດເຫັນຢ່າງສ້າງສັນ ເພື່ອເຮັດໃຫ້ການພັດທະນາລະບົບບໍລິຫານລັດດ້ວຍເອເລັກໂຕຣນິກ ໄດ້ຖືກນໍາໃຊ້ເຂົ້າໃນທຸກຂະແໜງການ, ພ້ອມທັງມີການຊົມໃຊ້ຢ່າງກ້ວາງຂວາງ ແລະ ມີປະສິດທິຜົນສູງສຸດ.

        ຂ່າວ: ສູນບໍລິຫານລັດດ້ວຍເອເລັກໂຕຣນິກ.

        ກວດແກ້+ພາບ: ຫ້ອງການ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ