ປທສ ປະກາດໃຫ້ພະນັກງານ ຂັ້ນສູນກາງຄຸ້ມຄອງ ອອກພັກການ-ຮັບອຸດໜູນບໍານານ

21/07/2020

ປທສ ປະກາດໃຫ້ພະນັກງານ ຂັ້ນສູນກາງຄຸ້ມຄອງ ອອກພັກການ-ຮັບອຸດໜູນບໍານານ

       ໃນວັນທີ 15 ກໍລະກົດຜ່ານມານີ້, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີປະກາດໃຫ້ພະນັກງານ ຂັ້ນສູນກາງຄຸ້ມຄອງ ອອກພັກການ-ຮັບເບ້ຍບໍານານ ຈໍານວນ 03 ທ່ານ. ໃຫ້ກຽດເປັນປະທານພິທີໂດຍ ທ່ານ ທອງໃສ ຊານໄຊຍະ ຮອງລັດຖະມົນຕີກະຊວງ ປທສ ມີຄະນະປະຈໍາພັກ, ຄະນະກົມ/ທຽບເທົ່າ, ຄະນະອໍານວຍການ ພ້ອມດ້ວຍພະນັກງານອ້ອມຂ້າງກະຊວງເຂົ້າຮ່ວມ.

        ທ່ານ ຄໍາພູ ດວງຖະໜອມ ຫົວໜ້າກົມຈັດຕັ້ງ-ພະນັກງານ, ກະຊວງ ປທສ ໄດ້ຜ່ານດໍາລັດຂອງທ່ານນາຍົກລັດຖະມົນຕີ ແຫ່ງ ສປປ ລາວ ວ່າດ້ວຍການອະນຸມັດໃຫ້ ທ່ານ ສົມບູນ ອິນສີລາພັນ ຫົວໜ້າກົມການເງີນ ອອກພັກການ-ຮັບອຸດໜູນບໍານານ ສະບັບເລກທີ 306/ນ.ຍ, ລົງວັນທີ 08 ມິຖຸນາ 2020, ທ່ານ ບັນຈົງ ເພັດສີແດງ ຫົວໜ້າອົງການດັດສົມໂທລະຄົມ, ສະບັບເລກທີ 349/ນ.ຍ, ລົງວັນທີ 23 ມິຖຸນາ 2020, ທ່ານ ຄໍາຝັ້ນ ສຸວັນນາຄະ ຫົວໜ້າກົມກວດກາ, ສະບັບເລກທີ 380/ນ.ຍ, ລົງວັນທີ 31 ຕຸລາ 2019.

        ໃນໂອກາດນີ້, ທ່ານ ທອງໃສ ຊານໄຊຍະ ໄດ້ສະແດງຄວາມຍ້ອງຍໍ, ຊົມເຊີຍຕໍ່ຜູ້ທີ່ໄດ້ຮັບການອຸດໜູນ-ບໍານານ ທີ່ໄດ້ສໍາເລັດໜ້າທີ່ວຽກງານ, ໄດ້ເສຍສະຫຼະເຫື່ອແຮງສະຕິປັນຍາ ເຂົ້າໃນການພາລະກິດປົກປັກຮັກສາ-ສ້າງສາປະເທດຊາດ ກໍ່ຄື ການປະກອບສ່ວນເຂົ້າໃນການປະຕິບັດວຽກງານ ແລະ ການຊີ້ນໍາ-ນໍາພາໃນຕະຫຼອດໄລຍະຜ່ານມາ ໃຫ້ມີຄວາມເຕີບໃຫຍ່ເຂັ້ມແຂງຂຶ້ນເລື້ອຍໆ. ພ້ອມທັງເຊື້ອໝັ້ນວ່າ, ທ່ານທີ່ໄດ້ຮັບບໍານານ ຈະສືບຕໍ່ສຶກສາອົບຮົມພະນັກງານຫຼັກແຫຼ່ງ ໃຫ້ເປັນພະນັກງານສືບຕໍ່-ປ່ຽນແທນ ແລະ ເປັນກໍາລັງແຮງສໍາຄັນໃນການປະຕິບັດວຽກງານໃຫ້ດີຂຶ້ນເປັນກ້າວໆ.

          ຂ່າວ: ກົມຈັດຕັ້ງ-ພະນັກງານ

          ພາບ+ກວດແກ້: ຫ້ອງການ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ