ປທສ ຝຶກອົບຮົມທັກສະການຂຽນບົດ ແລະ ຂຶ້ນນຳສະເໜີບົດ ຢູ່ພາຍໃນ ແລະ ຕ່າງປະເທດ ຊຸດທີ II

24/06/2020

ປທສ ຝຶກອົບຮົມທັກສະການຂຽນບົດ ແລະ ຂຶ້ນນຳສະເໜີບົດ ຢູ່ພາຍໃນ ແລະ ຕ່າງປະເທດ ຊຸດທີ II

         ໃນ​ຕອນ​ເຊົ້າ​ວັນ​ທີ 23 ມິ​ຖຸ​ຸນາຜ່ານມານີ້, ກົມ​ຈັດ​ຕັ້ງ-ພະ​ນັກ​ງານ, ກະະຊວງໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ (ປທສ) ໄດ້​ເປີດຊຸດ​ຝຶກ​ອົບ​ຮົມຫຼັກ​ສູດທັກ​ສະ​ການ​ຂຽນ​ບົດ ແລະ ຂຶ້ນ​ນຳ​ສະ​ເໜີ​ບົດຢູ່​ພາຍ​ໃນ ແລະ ຕ່າງ​ປະ​ເທດ ຊຸດ​ທີ II ຂຶ້ນທີ່ສະຖາບັນເຕັກ​ໂນ​ໂລ​ຊີການ​ສື່​ສານ​ຂໍ້​ມູນ​ຂ່າວ​ສານ. ໂດຍ​ການ​ເປັນປະ​ທານຮ່ວມ ແລະ ກ່າວ​ເປີດ​ພິ​ທີ​ຂອງ ​ທ່ານ ຄຳ​ພູ ດວງ​ຖະ​ໜອມ, ຄະ​ນະ​ພັກ​ກະ​ຊວງ, ຫົວໜ້າກົມຈັດຕັ້ງ-ພະນັກງານ, ກະຊວງ ປ​ທ​ສ ແລະ ທ່ານ ສີ​ລິ​ພອນ ອິນ​ທິ​ລາດ, ຫົວ​ໜ້າ​ສະ​ຖາ​ບັນ​ຝຶກ​ອົບ​ຮົມ ໂຍ​ທາ​ທິ​ການ ແລະ ຂົນ​ສົ່ງ, ກະ​ຊວງ ໂຍ​ທາ​ທິ​ການ ແລະ ຂົນ​ສົ່ງ. ມີນັກສໍາມະນາກອນຈາກ 10 ແຂວງ ພາກ​ກາງ-ເໜືອ ​ແລະ ບັນ​ດາ​ບໍ​ລິ​ສັດອ້ອມ​ຂ້າງ​ກະ​ຊວງ ປ​ທ​ສ ເຂົ້າ​ຮ່ວມ.

          ໃນ​ຊຸດ​ຝຶກ​ອົບ​ຮົມຄັ້ງ​ນີ້ ແມ່ນໄດ້ດໍາເນີນໄປເປັນໄລຍະເວລາ 04 ວັນ (ລະຫວ່າງວັນທີ 23-26 ມິ​ຖຸ​ນາ 2020) ​ໂດຍໄດ້​ຮັບ​ການ​ຮ່ວມ​ມືທາງ​ດ້ານ​ເນື້ອ​ໃນຫຼັກ​ສູດ ແລະ ນັກ​ວິ​ທະ​ຍາ​ກອນຈາກສະ​ຖາ​ບັນ​ຝຶກ​ອົບ​ຮົມໂຍ​ທາ​ທິ​ການ ແລະ ຂົນ​ສົ່ງ, ກະ​ຊວງໂຍ​ທາ​ທິ​ການ ແລະ ຂົນ​ສົ່ງ. ​ມີ​ທັງການ​​ຂຶ້ນ​ຫ້ອງ​ຮັບ​ຟັງ, ການ​ບັນຍາຍ ແລະ ຝຶກປະ​ຕິ​ບັດ​ຕົວ​ຈິງ.

          ການ​ຝຶກ​ອົບ​ຮົມຫຼັກ​ສູດດັ່ງກ່າວນີ້ ແມ່ນວຽກງານ​ໜຶ່ງ​ທີ່​ມີ​ຄວາມໝາຍ​ຄວາມ​ສໍາຄັນ​​ ໃນ​ການ​ສ້າງ​ຄວາມ ​ໝັ້ນ​ໃຈ      ​​ຂັ້ນ​ພື້ນ​ຖານ ແລະ ກຽມຄວາມພ້ອມ​ເປັນຜູ້ບັນຍາຍແບບ​ມື​ອາ​ຊີບ, ມີຄວາມເຂັ້ມແຂງດ້ານທັກສະ, ເຕັກນິກ, ວິທີການ ແລະ ຂັ້ນຕອນຕ່າງໆ ໃນການຂຽນບົດນຳສະເໜີ, ການນໍາສະເໜີບົດໃຫ້ມີຄວາມໝັ້ນໃຈຊໍານິຊໍານານ, ຄ່ອງແຄ້ວ ໃນການປາກເວົ້າ ແລະ ອະທິບາຍຂໍ້ມູນຕ່າງໆ. ຄຽງຄູ່ກັນນັ້ນ, ກໍແມ່ນການນຳໃຊ້ພາສາທາງດ້ານຮ່າງກາຍ ເພື່ອຊ່ວຍໃນການນຳສະ ເໜີໃຫ້ຈະແຈ້ງ, ເຂົ້າໃຈດີ ແລະ ຕິດຕາມໄດ້ງ່າຍ. ອີກທັງ ເພື່ອ​ຍົກ​ລະດັບ​ຄຸນະພາບ​​​ໃຫ້​ແກ່​ພະນັກງານ-ລັດ​ຖະ​ກອນ ພະ​ແນກ ປ​ທ​ສ 10 ແຂວງ​ ພາກກາງ-ເໜືອ ແລະ ພະ​ນັກ​ງານ​ຂອງບັນ​ດາ​ບໍ​ລິ​ສັດ ​ອ້ອມ​ຂ້າງ​ກະ​ຊວງ ປ​ທ​ສ​​​ ​ເພີ່ມທັກສະໃນ​ການກະ​ກຽມ​ບົດ ຫຼື ວຽກ​ງານ ເພື່ອ​ຂຶ້ນ​ນຳ​ສະ​ເໜີບົດ ບໍ່ວ່າຈະຢູ່​ພາຍ​ໃນ ແລະ ຕ່າງ​ປະ​ເທດ ໃຫ້​ມີ​ປະສິດທິພາບ ແລະ ປະສິດທິຜົນ.

          ພາບ+ຂ່າວ: ກົມຈັດຕັ້ງ-ພະນັກງານ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ