ປທສ ສຳມະນາການໃຫ້ວັກຊິນ MR ກັນພະຍາດໝາກແດງໃຫ່ຍ ແລະ ໝາກແດງນ້ອຍ

28/02/2020

ປທສ ສຳມະນາການໃຫ້ວັກຊິນ MR ກັນພະຍາດໝາກແດງໃຫ່ຍ ແລະ ໝາກແດງນ້ອຍ

        ຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ  (ປທສ) ໄດ້ຈັດກອງປະຊຸມສຳມະນາການ​ໃຫ້​ວັກ​ຊິນ MR ກັນ​ພະ​ຍາດ​ໝາກ​ແດງ​​ໃຫ່​ຍ, ໝາກ​ແດງ​ນ້ອຍ​ ເພື່ອຫຼຸດຜ່ອນອັດຕາການຕາຍຂອງເດັກນ້ອຍ ອາຍຸລຸ່ມ 05 ປີ ແລະ ​​ວິ​ທີ​ການ​ປ້ອງ​ກັນ​ພະ​ຍາດ​ແຜ່​ລະ​ບາດ”. ຂຶ້ນເມື່ອບໍ່ດົນມານີ້. ໃຫ້ກຽດຂຶ້ນ ບັນຍາຍເອກະສານ ໂດຍທ່ານ ດ​ຣ ຈັນ​ທະ​ວົງ ສະ​ຫວັດ​ຈິ​ລັງ ຮອງ​ຫົວ​ໜ້າ​ຂະ​ແໜງ ກັນ​ພະ​ຍາດ​ດ້ວຍ​ວັກ​ຊິນ ສູນ​ສຸ​ຂະ​ພາບ​ແມ່ ແລະ ເດັກ ກະ​ຊວງ ສາ​ທາ​ລະ​ນະ​ສຸກ ພ້ອມ​ດ້ວຍ​ຄະ​ນະ ມີຄະນະກົມ/ທຽບເທົ່າ, ຄະນະ​ພະແນກ ​ແລະ ພະນັກງານ-ລັດຖະກອນ ອ້ອມຂ້າງກະຊວງ ປທສເຂົ້າຮ່ວມ.

        ການຈັດປະຊຸມສຳມະນາໃນຄັ້ງນີ້ ກໍ່ເພື່ອເປັນການຊຸກຍູ້ສົ່ງເສີມໃຫ້ພະນັກງານ-ລັດ​ຖະ​ກອນ ອອ້ມ​ຂ້າງ​ກະ​ຊ​ວງ ປ​ທ​ສ ໄດ້ຮັບຮູ້ ແລະ ເຂົ້າໃຈ​ເລິກ​ເຊິ່ງກ່ຽວກັບວິທີການ ປ້ອງກັນ​​ພະ​ຍາດ​ໝາກ​ແດງ ໂດຍ​ສະ​ເພາະ​ເດັກ​ນ້ອຍ​ທີ່​ມີ​ອາ​ຍຸ 05 ປີ ​ລົງ​ມາ  ແລະ ​​​ຮຽນ​ຮ​ູ້​ວິ​ທີ​ການ​ປ້ອງ​ກັນ​ພະ​ຍາດທີ່​ກຳ​ລັງ​ແຜ່​ລະ​ບາດ​ໃນ​ຍຸກ​ປັດ​ຈຸ​ບັນ.

        ທ່ານ ດ​ຣ ຈັນ​ທະ​ວົງ ສະ​ຫັວດ​ຈິ​ລັງ ກ່າວ​ວ່າ: ໃນ​ປັດຈຸ​ບັນ​ພະ​ຍາດ​ໝາກ​ແດງໄດ້​ແຜ່ລາມ​ອອກ​ໄປຫຼາຍ​ໆທ້ອງ​ຖິ່ນບໍ່​ສະ​ເພາະ​ແຕ່​ຢູ່​ພາຍ​ໃນ​ນະ​ຄອນຫຼວງວຽງ​ຈັນ ແລະ​ ແຂວງ​ຕ່າງໆ​ໃນ​ຂອບ​ເຂດ​ທົ່​ວ​ປະ​ເທດ ​ກໍ​ສາ​ມາດ​ເກີດ​ພະ​ຍາດ​ດັ່ງ​ກ່າວ​ໄດ້ ໂດຍ​ສະ​ເພາະ​ເດັກ​ນ້ອຍ​ທີ່​ມີ​ອາ​ຍຸ 05 ປີ​ລົງ​ມາ, ໄດ້ກາຍ​ເປັນ​ສິ່ງ​ທີ່​ທ້າ​ທາຍຕໍ່​ສຸ​ຂະ​ພາບ​ຂອງປະ​ຊາ​ຊົນ ແລະ​ ສ້າງ​ຄວາມ​ກັງ​ວົນ​ໃຫ້​ແກ່​ລັດ​ຖະ​ບານ​ຂອງ​ປະ​ເທດ​ຕ່າງໆ​ໃນ​ທົ່ວ​ໂລກ, ສໍາລັບ ສ​ປ​ປ ລາວ ກໍ​ເປັນ​ໜຶ່ງ​ໃນ​ບັນ​ດາ​ປະ​ເທດ​ທີ່​ປະ​ເຊີນ​ໜ້າ​ກັບ​ການ​ເກີດ​ພະ​ຍາດ​ດັ່ງ​ກ່າວ. ຕໍ່​ກັບ​ບັນ​ຫາ​ນີ້ ຫຼາຍ​ພາກ​ສ່ວນ ກໍໄດ້​ສົມ​ທົບ​ກັນ​ເພື່ອ​ວາງ​ມາດ​ຕະ​ການ​ຕອບ​ໂຕ້ ແລະ ຫາ​ວິ​ທີ​ປ້ອງ​ກັນ​ຢ່າງວ່ອງ​ໄວ​.

            ຂ່າວ: ພະແນກຄວາມກ້າວໜ້າຂອງແມ່ຍິງ ແລະ ແມ່-ເດັກ, ປທສ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາລະສານ ໄອຊີທີ ສະບັບທີ 14
ລະ​ບົບ​ຂື້ນ​ທະ​ບຽນ​ປະ​ຊຸມ