ປທສ ເຜີຍແຜ່ຜົນປະໂຫຍດການນຳໃຊ້ ໄອຊີທີ ແລະ ນິຕິກຳ ກ່ຽວກັບການນຳໃຊ້ສື່ສັງຄົມອອນລາຍ

21/02/2020

ປທສ ເຜີຍແຜ່ຜົນປະໂຫຍດການນຳໃຊ້ ໄອຊີທີ ແລະ ນິຕິກຳ ກ່ຽວກັບການນຳໃຊ້ສື່ສັງຄົມອອນລາຍ

          ໃນຕອນເຊົ້າ ຂອງວັນທີ 21 ກຸມພານີ້, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດສຳມະນາເຜີຍແຜ່ຄວາມຮູ້ໃນຫົວຂໍ້: ຜົນປະໂຫຍດການນຳໃຊ້ ໄອຊີທີ ແລະ ນິຕິກຳ ກ່ຽວກັບການນຳໃຊ້ສື່ສັງຄົມອອນລາຍ ໃຫ້ແກ່ພະນັກງານ ແລະ ນັກສຶກສາສະຖາບັນ ເສດຖະກິດການເງິນດົງຄຳຊ້າງ, ທີ່ສະຖາບັນເສດຖະກິດການເງິນດົງຄຳຊ້າງ  ເພື່ອຕ້ອນຮັບກອງປະຊຸມໃຫ່ຍຄັ້ງທີ່ II ຂອງອົງຄະນະພັກ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ. ໃຫ້ກຽດກ່າວເປີດພິທີໂດຍ ທ່ານ ສຸລິຍາ ຄຳບູຣາວົງ ຫົວໜ້າສູນ​ສົ່ງ​ເສີມ​ການ​ນຳ​ໃຊ້​ເຕັກ​ໂນ​ໂລ​ຊີ​ການ​ສື່ສານ​ຂໍ້​ມູນ​ຂ່າວສານ, ກະຊວງ ປທສ, ເຜີຍແຜ່ເອກະສານໂດຍ ດຣ ພັນປະກິດ ອ່ອນພັນດາລາ ຮອງຫົວໜ້າສູນຄົ້ນຄວ້ານະໂຍບາຍພັດທະນາວິສາຫະກິດ ແລະ ການເຊື່ອມໂຍງສາກົນ, ສະຖາບັນຄົ້ນຄວ້າເສດຖະກິດແຫ່ງຊາດ ແລະ  ທ່ານ ທຽນໄຊ ບໍລິບຸນ ຫົວໜ້າພະແນກເຕັກນິກຄວາມປອດໄພ, ສູນສະກັດກັ້ນ ແລະ ແກ້ໄຂເຫດສຸກເສີນທາງຄອມພິວເຕີ, ກະຊວງ ປທສ ມີພະນັກງານຄູອາຈານ ແລະ ນັກສຶກສາອ້ອມຂ້າງສະຖາບັນເສດຖະກິດການເງີນດົງຄໍາຊ້າງເຂົ້າຮ່ວມ.

          ທ່ານ ສຸລິຍາ ຄໍາບູຣາວົງ ໄດ້ກ່າວວ່າ: ການນຳໃຊ້ມືຖື ແລະ ສື່ສັງຄົມອອນລາຍ ໃນປັດຈຸບັນໄດ້ກາຍເປັນໜຶ່ງປັດໃຈສຳຄັນ ໃນຊີວິດປະຈຳວັນ ແລະ ຫຼາຍຄົນກໍ່ຂາດການນຳໃຊ້ບໍ່ໄດ້ ໂດຍສະເພາະການນຳໃຊ້ເຂົ້າໃນວຽກງານ, ການເຮັດທຸລະກິດ ຫຼື ການສຶກສາ-ຮຳຮຽນ ຄຽງຄູ່ກັນນັ້ນ ສື່ສັງຄົມອອນລາຍກໍມີຄວາມສ່ຽງ ແລະ ສາມາດສ້າງຜົນເສຍຫາຍໃຫ້ແກ່ຜູ້ໃຊ້ໄດ້ຫຼາຍເຊັ່ນກັນ ຖ້າຜູ້ໃຊ້ບໍ່ຮູ້ວິທີການນໍາໃຊ້ທີ່ຖືກຕ້ອງ, ຮູ້ເທົ່າບໍ່ເຖິງການ ຫຼື ຂາດວິຈາລະນາຍານໃນການນໍາໃຊ້ ກໍອາດຈະສົ່ງຜົນກະທົບດ້ານລົບ ຫຼື ອາດຖືກຫຼອກລວງໄດ້. ສະນັ້ນ, ກະຊວງ ປທສ ເຫັນໄດ້ເຖິງບັນຫາດັ່ງກ່າວ ຈຶ່ງໄດ້ຈັດສຳມະນາໃນຄັ້ງນີ້ຂຶ້ນ  ເພື່ອເຜີຍແຜ່ນິຕິກຳ ແລະ ຄວາມຮູ້ ຄວາມເຂົ້າໃຈ ໃຫ້ແກ່ພະນັກງານ ນັກຮຽນ-ນັກສຶກສາ ກ່ຽວກັບການນໍາໃຊ້ ສື່ສັງຄົມອອນລາຍທີ່ຖືກຕ້ອງ, ສ້າງຈິດສໍານຶກທີ່ດີໃນການນໍາໃຊ້ ແລະ ລະບຽບກົດໝາຍ ກ່ຽວກັບການນຳໃຊ້ ສື່ສັງຄົມອ່ອນລາຍ. 

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາລະສານ ໄອຊີທີ ສະບັບທີ 14
ລະ​ບົບ​ຂື້ນ​ທະ​ບຽນ​ປະ​ຊຸມ