ພິທີປະກາດ ໃຫ້ພະນັກງານ-ລັດຖະກອນ ເຂົ້າຮັບອຸດໜູນເບ້ຍບໍານານ.

13/01/2020

ພິທີປະກາດ ໃຫ້ພະນັກງານ-ລັດຖະກອນ ເຂົ້າຮັບອຸດໜູນເບ້ຍບໍານານ.

       ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີປະກາດໃຫ້ພະນັກງານ-ລັດຖະກອນ ເຂົ້າຮັບອຸດໜູນເບ້ຍບໍານານ ໃນງວດ I ປີ 2020 ຂຶ້ນໃນວັນທີ 09 ມັງກອນ ຜ່ານມານີ້, ທີ່ສະຖາບັນເຕັກໂນໂລຊີການສື່ສານຂໍ້ມູນຂ່າວສານ (ສຕສ). ໃຫ້ກຽດເປັນປະທານໂດຍ ທ່ານ ບຸນສະເຫຼີມໄຊ ເຄນນາວົງ ຄະນະປະຈໍາພັກ, ຮອງລັດຖະມົນຕີ ກະຊວງ ປທສ ມີບັນດາຄະນະກົມ/ທຽບເທົ່າ, ຄະນະພະແນກ ແລະ ພະນັກງານອ້ອມຂ້າງກະຊວງເຂົ້າຮ່ວມ.

        ພິທີໃນຄັ້ງນີ້, ໄດ້ປະກາດໃຫ້ພະນັກງານຂັ້ນ ຮອງຫົວໜ້າສູນສົ່ງເສີມການນໍາໃຊ້ເຕັກໂນໂລຊີການສື່ສານຂໍ້ມູນຂ່າສານ ຈໍານວນ 01 ທ່ານ ແລະ ພະນັກງານຂັ້ນພະແນກ, ກົມຄື້ນຄວາມຖີ່ 01 ທ່ານ ເພື່ອເຂົ້າຮັບອຸດໜູນເບ້ຍບໍານານຕາມ ກົດໝາຍ ວ່າດ້ວຍ ພະນັກງານ-ລັດຖະກອນ ສະບັບເລກທີ 74/ສພຊ, ລົງວັນທີ 18 ທັນວາ 2015 ແລະ ປະຕິບັດນະໂຍບາຍຕາມ ກົດໝາຍວ່າດ້ວຍການປະກັນສັງຄົມ ສະບັບເລກທີ 54/ສພຊ, ລົງວັນທີ 27 ມິຖຸນາ 2018.

        ຂ່າວ: ກົມຈັດຕັ້ງ-ພະນັກງານ.

        ພາບ: ຫ້ອງການກະຊວງ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາລະສານ ໄອຊີທີ ສະບັບທີ 13
ລະ​ບົບ​ຂື້ນ​ທະ​ບຽນ​ປະ​ຊຸມ