ປທສ ສະຫຼຸບຕີລາຄາການຈັດຕັ້ງປະຕິບັດ ແລະ ປະກອບຄຳເຫັນປັບປຸງເນື້ອໃນກົດລະບຽບພັກ ສະໄໝທີ X.

02/01/2020

ປທສ ສະຫຼຸບຕີລາຄາການຈັດຕັ້ງປະຕິບັດ ແລະ ປະກອບຄຳເຫັນປັບປຸງເນື້ອໃນກົດລະບຽບພັກ ສະໄໝທີ X.

        ເມື່ອບໍ່ດົນມານີ້, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມ ສະຫຼຸບຕີລາຄາການຈັດຕັ້ງປະຕິບັດ ແລະ ປະກອບຄຳເຫັນປັບປຸງເນື້ອໃນກົດລະບຽບພັກ ສະໄໝທີ X ໃຫ້ກຽດເປັນປະທານຊີ້ນຳກອງປະຊຸມຂອງ ສະຫາຍ ປອ ທັນສະໄໝ ກົມມະສິດ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງ ປທສ ມີບັນດາສະຫາຍຄະນະປະຈຳພັກ, ຄະນະພັກກະຊວງ, ຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກ ອ້ອມຂ້າງກະຊວງເຂົ້າຮ່ວມ.

         ສະຫາຍ ທັນສະໄໝ ກົມມະສິດ ກ່າວວ່າ: ກອງປະຊຸມຄັ້ງນີ້ ແມ່ນມີຄວາມໝາຍຄວາມສຳຄັນເປັນຢ່າງຍິ່ງ ການສະຫຼຸບຕີລາຄາດ້ານດີ, ຂໍ້ຫຍຸ້ງຍາກໃນການຈັດຕັ້ງປະຕິບັດກົດລະບຽບພັກ ສະໄໝທີ X  ແລະ ຄົ້ນຄວ້າປະກອບຄຳເຫັນ ທີ່ເປັນຂໍ້ມູນພື້ນຖານໃຫ້ແກ່ການປັບປຸງ ດັດແປງກົດລະບຽບພັກ ສະໄໝທີ XI ຂອງພັກ ເພື່ອການກະກຽມດຳເນີນກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ XI  ແລະ ກອງປະຊຸມໃຫຍ່ ຄັ້ງທີ II ຂອງອົງຄະນະພັກຕົນ ໃຫ້ເປັນຂະບວນຟົດຟື້ນ, ແຂງແຮງຕໍ່ເນື່ອງ; ຖືກຕ້ອງ ຕາມກົດລະບຽບຂອງພັກ ກໍຄື ແຜນການເຄື່ອນໄຫວດຳເນີນງານຂອງສູນກາງພັກ ສະໄໝທີ X ໃຫ້ມີເນື້ອໃນເລີກເຊີ່ງ, ຄົບຖ້ວນ, ພາວະວິໃສ ແລະ ແທດເໝາະກັບສະພາບຕົວຈິງ; ເພື່ອປະກອບເປັນຂໍ້ມູນທີ່ເປັນພື້ນຖານ ໃຫ້ແກ່ການຄົ້ນຄວ້າ, ປັບປຸງ, ດັດແປງກົດລະບຽບພັກ ທີ່ຈະສະເໜີຜ່ານກອງປະຊຸມໃຫ່ຍ ຜູ້ແທນທົ່ວປະເທດ ຄັ້ງທີ XI ຂອງພັກ; ສ່ອງແສງເຖີງສະພາວະຄວາມເປັນຈິງດ້ານການຈັດຕັ້ງ ແລະ ການເຄື່ອນໄຫວຂອງລະບົບການຈັດຕັ້ງພັກ ແລະ ສະມາຊິກພັກ ໃນເງື່ອນໄຂໃໝ່. ທັງນີ້ກໍ່ເພື່ອສ້າງຄວາມເປັນເອກະພາບດ້ານທັດສະນະຊີ້ນຳລວມ, ບັນດາທິດທາງຕົ້ນຕໍ ແລະ ບັນດາຄາດໝາຍ ທີ່ສຳຄັນຕ່າງໆ ໃນການພັດທະນາເສດຖະກິດ-ສັງຄົມ ກໍ່ຄືການສ້າງ ແລະ ປັບປຸງພັກ, ທັງເຮັດໃຫ້ບັນດາມະຕິ ຂອງອົງຄະນະພັກແຕ່ລະຂັ້ນ ສອດຄ່ອງ ແລະ ເປັນການຜັນຂະຫຍາຍທິດທາງຍຸດທະສາດລວມຂອງພັກ ເພື່ອເປັນບ່ອນອີງ ພື້ນຖານໃຫ້ແກ່ການກະກຽມດຳເນີນກອງປະຊຸມໃຫ່ຍ ທົ່ວອົງຄະນະພັກຕົນ ແຕ່ລະຂັ້ນໃຫ້ດຳເນີນໄປຢ່າງຖືກຕ້ອງ ຕາມກົດລະບຽບຂອງພັກ, ຮັບປະກັນການຊີ້ນຳ-ນຳພາ ແລະ ມີຄວາມເປັນເອກະພາບໃນທົ່ວພັກ, ຮັບປະກັນການຄົ້ນຄວ້າເລືອກເຟັ້ນ ບຸກຄະລາກອນປະກອບເຂົ້າໃນຄະນະພັກແຕ່ລະຂັ້ນ ໃຫ້ຖືກຕ້ອງຕາມມາດຖານ, ເງື່ອນໄຂທີ່ກຳນົດໄວ້.

           ຂ່າວ: ກົມຈັດຕັ້ງ-ພະນັກງານ

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາລະສານ ໄອຊີທີ ສະບັບທີ 13
ລະ​ບົບ​ຂື້ນ​ທະ​ບຽນ​ປະ​ຊຸມ