ກອງປະຊຸມເປີດກວ້າງຂອງໜ່ວຍພັກ ອົງການດັດສົມໂທລະຄົມມະນາຄົມ

23/12/2019

ກອງປະຊຸມເປີດກວ້າງຂອງໜ່ວຍພັກ ອົງການດັດສົມໂທລະຄົມມະນາຄົມ

        ໂດຍປະຕິບັດຕາມມະຕິຕົກລົງຂອງຄະນະປະຈໍາພັກກະຊວງ ສະບັບເລກທີ: 290/ຄພ.ປທສ ລົງວັນທີ 11 ທັນວາ 2019, ໜ່ວຍພັກອົງການດັດສົມໂທລະຄົມມະນາຄົມ (ອດທ), ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມ ເປີດກວ້າງຂອງໜ່ວຍພັກຕົນຂຶ້ນ ເມື່ອບໍ່ດົນມານີ້. ໂດຍການໃຫ້ກຽດເຂົ້າຮ່ວມ ແລະ ເປັນປະທານຂອງ ສະຫາຍ ບຸນສະເຫລີມໄຊ ເຄນນາວົງ, ຄະນະປະຈໍາພັກ, ຮອງລັດຖະມົນຕີກະຊວງ ປທສ ມີພະນັກງານພາຍໃນອົງການ ແລະ ແຂກຖືກເຊີນຈາກບັນດາໜ່ວຍພັກອອ້ມຂ້າງກະຊວງເຂົ້າຮ່ວມ.

        ສະຫາຍ ບັນຈົງ ເພັດສີແດງ ເລຂາໜ່ວຍພັກ ອດທ, ກະຊວງ ປທສ ໄດ້ຜ່ານບົດລາຍງານການເມືອງ ຊຶ່ງທ່ານໄດ້ຍົກໃຫ້ເຫັນຜົນງານໃນໄລຍະຜ່ານມາ ແລະ ທິດທາງແຜນການຕໍ່ໜ້າ (2020-2024). ພ້ອມດຽວກັນນັ້ນ, ສະຫາຍ ພວງປະເສີດ ແກ້ວສຸວັນ ກໍ່ໄດ້ຂຶ້ນຜ່ານບົດສໍາຫຼວດການນໍາພາລວມຂອງຄະນະໜ່ວຍພັກອົງການດັດສົມໂທລະຄົມ ຕໍ່ກອງປະຊຸມເປີດກວ້າງ. ພ້ອມນີ້, ກອງປະຊຸມ ຍັງໄດ້ຜ່ານມະຕິຕົກລົງວ່າດ້ວຍການບົ່ງຕົວແຕ່ງຕັ້ງຄະນະໜ່ວຍພັກອົງການດັດສົມໂທລະຄົມມະນາຄົມ ຊຸດໃໝ່ ຈໍານວນ 03 ສະຫາຍຄື: ສະຫາຍ ສຸດໃຈ ລໍລອນສີ ເປັນເລຂາ, ສະຫາຍ ພວງປະເສີດ ແກ້ວສຸວັນ ເປັນຮອງເລຂາ, ທັງເປັນປະທານກວດກາ, ສະຫາຍ ປອ ນ.ໃຈມາລີ ພະກະຊຸມ ເປັນກໍາມະການ ເພື່ອສືບຕໍ່ນໍາພາ ວຽກງານໃຫ້ເກີດຜົນປະໂຫຍດສູງສຸດ.

       ໃນຕອນທ້າຍ ສະຫາຍ ບຸນສະເຫລີມໄຊ ເຄນນາວົງ ໄດ້ໃຫ້ກຽດໂອ້ລົມຕໍ່ພິທີ ຊຶ່ງກ່ອນອຶ່ນໝົດສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຂອງໜ່ວຍພັກທີ່ຍາດມາໄດ້ ແລະ ໄດ້ເນັ້ນໃຫ້ ຄະນະໜ່ວຍພັກອົງການດັດສົມໂທລະຄົມ ຊຸດໃໝ່ ສືບຕໍ່ເອົາໃຈໃສ່ຊີ້ນໍາ-ນໍາພາ ສະມາຊິກພັກ-ພະນັກງານ ເພື່ອເຮັດໃຫ້ວຽກງານຂອງ ອົງການດັດສົມໂທລະຄົມ ບັນລຸຜົນສໍາເລັດຕາມແຜນການທີ່ກໍານົດໄວ້.

         ພາບ+ຂ່າວ: ອດທ, ປທສ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາລະສານ ໄອຊີທີ ສະບັບທີ 13
ລະ​ບົບ​ຂື້ນ​ທະ​ບຽນ​ປະ​ຊຸມ