ກອງປະຊຸມສາມັນຄົບຄະນະບໍລິຫານງານ ສປຊລ ຄັ້ງທີ 5 ສະໄໝທີ VII ພິທີວາງກະຕາດອກໄມ້ຕໍ່ໜ້າຮູບຫຼໍ່ປະທານ ໄກສອນ ພົມວິຫານ

20/12/2019

ກອງປະຊຸມສາມັນຄົບຄະນະບໍລິຫານງານ ສປຊລ ຄັ້ງທີ 5 ສະໄໝທີ VII ພິທີວາງກະຕາດອກໄມ້ຕໍ່ໜ້າຮູບຫຼໍ່ປະທານ ໄກສອນ ພົມວິຫານ

ໃນຕອນເຊົ້າຂອງວັນທີ 18 ທັນວາ 2019, ທີ່ອະນຸສອນສະຖານ ໄກສອນ ພົມວິຫານ, ຄະນະບໍລິຫານງານຊາວໝຸ່ມ ປະຊາຊົນ ປະຕິວັດນລາວ (ຄຊປປລ) ກະຊວງ ປທສ ພ້ອມທັງບັນດາຄະນະບໍລິຫານງານຊາວໜຸ່ມຮາກຖານ ໜ່ວຍຮາກຖານ ທີ່ຂຶ້ນກັບ ຄຊປປລ ກະຊວງ ປທສ ຈຳນວນ 50 ກວ່າສະຫາຍ, ໄດ້ພ້ອມພາກັນຈັດຕັ້ງພິທີ ວາງກະຕ່າດອກໄມ້ຕໍ່ໜ້າຮູບຫຼໍ່ປະທານ ໄກສອນ ພົມວິຫານ. ການວາງກະຕ່າດອກໄມ້ໃນຄັ້ງນີ້ ແມ່ນເນື່ອງໃນໂອກາດວັນຄ້າຍວັນເກີດຄົບຮອບ 99ປີ (13 ທັນວາ 1920 – 13 ທັນວາ 2019) ທັງເປັນການສະແດງເຖິງຄວາມກະຕັນຍູ, ຮູ້ບຸນຄຸນຕໍ່ ປະທານ ໄກສອນ ພົມວິຫານ, ຜູ້ນໍາທີ່ແສນເຄົາລົບຮັກຂອງປະຊາຊົນລາວ ແລະ ເພື່ອລະນຶກເຖິງຄຸນງາມຄວາມດີຂອງທ່ານ ປະທານ ທີ່ໄດ້ເສຍສະຫຼະ ແລະ ອຸທິດເຫື່ອແຮງເພື່ອການຕໍ່ສູ້ອັນພິລະອາດຫານ ແລະ ບໍ່ຍອມຈຳນົນຕໍ່ການຮຸກຮານຂອງພວກຕ່າງດ້າວ, ນຳພາປະຊາຊົນລາວບັນດາເຜົ່າ ຕໍ່ສູ້ຈົນໄດ້ຮັບໄຊຊະນະ ເພື່ຶອກອບກູ້ເອົາຜືນແຜ່ນດິນອັນຫວງແຫນມາສູ່ປະຊາຊົນລາວທັງຊາດ ແລະ ສະຖາປະນາເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ.

ຫຼັງຈາກນັ້ນ ຄຊປປລ ກະຊວງ ປທສ ໄດ້ຈັດເຜີຍແຜ່ປະຫວັດ ແລະ ມູນເຊື້ອ ຂອງ ປະທານ ໄກສອນ ພົມວິຫານ ໃນ ກອງປະຊຸມເຊື່ອມຊຶມ ມະຕິກອງປະຊຸມສາມັນຄົບຄະນະບໍລິຫານງານ ສປຊລ ຄັ້ງທີ 5 ສະໄໝທີ VII ຂຶ້ນ ທີ່ຫ້ອງປະຊຸມໃຫຍ່ ຊັ້ນ 05 ຂອງກະຊວງ ປທສ, ເຊິ່ງເຜີຍແຜ່ໂດຍ ສະຫາຍ ພວງປະເສີດ ແກ້ວສຸວັນ ກໍາມະການສູນກາງ ຊປປລ, ເລຂາຄະນະບໍລິຫານງານ ຊາວໝຸ່ມ ກະຊວງໄປສະນີ, ໂທລະຄົມມະນາຄົມ ແລະ ການສື່ສານ, ມີບັນດາສະຫາຍຮອງເລຂາ ແລະ ກໍາມະການ ຄະນະບໍລິຫານງານຊາວໜຸ່ມກະຊວງ ປທສ, ຄະນະບໍລິຫານງານຊາວໜຸ່ມຮາກຖານ ແລະ ໜ່ວຍຮາກຖານ ທີ່ຂຶ້ນກັບ ຄຊປປລ ກະຊວງ ປທສ ພ້ອມດ້ວຍສະມາຊິກຊາວໝຸ່ມຈາກບັນດາຮາກຖານ ແລະ ໜ່ວຍຮາກຖານ ບັນດາກົມ/ທຽບເທົ່າ ແລະ ບັນດາບໍລິສັດ ລັດວິສາຫະກິດເຂົ້າຮ່ວມຈໍານວນ 200 ກ່ວາສະຫາຍ.

ໃນໂອກາດນີ້ ສະຫາຍ ພວງປະເສີດ ແກ້ວສຸວັນ ໄດ້ຍົກໃຫ້ເຫັນຄວາມສຳຄັນຂອງກອງປະຊຸມສາມັນຄົບຄະນະຄັ້ງດັ່ງກ່າວ ທີ່ໄດ້ຈັດຂຶ້ນ ເປັນເວລາ 3 ວັນເຕັມ ນັບແຕ່ວັນທີ 28 ຫາ 30 ຕຸລາ 2018 ທີ່ສຳນັກງານສູນກາງຊາວໜຸ່ມປະຊາຊົນປະຕິວັດລາວ ພາຍໃຕ້ການເປັນປະທານຂອງ ສະຫາຍ ອາລຸນໄຊ ສູນນະລາດ ກຳມະການສຳຮອງສູນກາງພັກ, ເລຂາຄະນະບໍລິຫານງານພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ສະມາຊິກສະພາແຫ່ງຊາດ ຊຸດທີ VIII. ພິເສດ ກອງປະຊຸມຄັ້ງດັ່ງກ່າວນີ້ ໄດ້ຮັບກຽດຢ່າງສູງຈາກ ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານ ສູນກາງພັກ ປະທານປະເທດແຫ່ງ ສປປ ລາວ ມາພົບປະ ແລະ ໂອ້ລົມຕໍ່ການນຳຊາວໜຸ່ມຂັ້ນສູນກາງ, ຂະແໜງການ, ທ້ອງຖິ່ນ ແລະ ຕົວແທນຊາວໜຸ່ມ-ເຍົາວະຊົນ ຈຳນວນ 1.000 ກວ່າສະຫາຍ ທີ່ຫໍປະຊຸມແຫ່ງຊາດ ໃນຫົວຂໍ້ “ເສີມຂະຫຍາຍມູນເຊື້ອອັນອົງອາດຂອງຊາວໜຸ່ມຮຸ່ນກ່ອນ ຍົກສູງຄວາມຮັບຜິດຊອບຂອງຊາວໜຸ່ມ ເຂົ້າໃນການພັດທະນາແບບຍືນຍົງ”.

ກອງປະຊຸມສາມັນຄົບຄະນະບໍລິຫານງານ ສປຊລ ຄັ້ງທີ 5 ສະໄໝທີ VII ຄັ້ງນີ້ ເປັນຂີດໝາຍສຳຄັນໃນລະບົບການຈັດຕັ້ງ ແລະ ຊີວິດການເມືອງຂອງ ຄຊປປລ ແລະ ຊາວໜຸ່ມ-ເຍົາວະຊົນລາວບັນດາເຜົ່າ ແລະ ເປັນກອງປະຊຸມຜັນຂະຫຍາຍກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 9 ສະໄໝທີ X ທີ່ສຳເລັດລົງໃນເດືອນຕຸລາ 2019, ທັງເປັນໄລຍະສຸມໃສ່ປະຕິບັດບັນດາຄາດໝາຍໃຫຍ່ ຂອງກອງປະຊຸມໃຫຍ່ຄັ້ງທີ VII ຂອງຊາວໜຸ່ມ ແລະ ພວມຂຸ້ນຂ້ຽວສຸມໃສ່ກອງປະຊຸມໃຫຍ່ ຄຊປປລ ແຕ່ລະຂັ້ນ ເພື່ອກຽມສູ່ກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ແລະ ພິທີສະເຫຼີມສະຫຼອງວັນສ້າງຕັ້ງ ຄຊປປລ ຄົບຮອບ 65ປີ ໃນປີ 2020, ຜູ້ແທນກອງປະຊຸມ ໄດ້ຍົກສູງຄວາມຮັບຜິດຊອບ ລົງເລິກຄົ້ນຄວ້າ, ປຶກສາຫາລືບັນຫາຕ່າງໆ ດ້ວຍບັນຍາກາດສ້າງສັນ, ກົງໄປກົງມາ ແລະ ພິຈາລະນາຮັບຮອງເອົາວຽກງານທີ່ສຳຄັນ ເພື່ອສະຫຼຸບຕີລາຄາໝາກຜົນຂອງການຈັດຕັ້ງປະຕິບັດມະຕິກອງປະຊຸມສາມັນຄົບຄະນະບໍລິຫານງານ ສຊປລ ຄັ້ງທີ 4 ແລະ ວາງທິດທາງແຜນກຳນົດຈຖດສຸມໃນການເຄື່ອນໄຫວຄັ້ງທີ 5 ສະໄໝທີ VII ເພື່ອພ້ອມກັນຄົ້ນຄວ້າແຜນພັດທະນາຊາວໜຸ່ມ-ເຍົາວະຊົນ 5ປິ ຄັ້ງທີ II ທີ່ຕິດພັນກັບການເຄື່ອນໄຫວໃນສະໄໝກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ