ປທສ ເຜີຍແຜ່ຜົນປະໂຫຍດການນຳໃຊ້ ໄອຊີທີ ໃນຊີວິດປະຈຳວັນ

21/11/2019

ປທສ ເຜີຍແຜ່ຜົນປະໂຫຍດການນຳໃຊ້ ໄອຊີທີ ໃນຊີວິດປະຈຳວັນ

       ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ)ໄດ້ເປີດສຳມະນາເຜີຍແຜ່ຄວາມຮູ້ໃນຫົວຂໍ້: ຜົນປະໂຫຍດການນຳໃຊ້ ໄອຊີທີ ໃນຊີວິດປະຈຳວັນ ຂຶ້ນໃນວັນທີ 21 ພະຈິກນີ້, ທີ່ສະຖາບັນເຕັກໂນໂລຊີການສື່ສານຂໍ້ມູນຂ່າວສານ (ສຕສ), ໃຫ້ແກ່ພະນັກງານ ແລະ ນັກສຶກສາ ອ້ອມຂ້າງກະຊວງ ປທສ.ໃຫ້ກຽດກ່າວເປີດ ແລະ ເຜີຍແຜ່ເອກະສານໂດຍ ທ່ານ ນ ເກສອນ ສຸລິວົງ ຮອງຫົວໜ້າ ສູນ​ສົ່ງ​ເສີມ​ການ​ນຳ​ໃຊ້​ເຕັກ​ໂນ​ໂລ​ຊີ​ການ​ສື່ສານ​ຂໍ້​ມູນ​ຂ່າວສານ, ມີແຂກທີ່ຖືກເຊີນເຂົ້າຮ່ວມ.

        ທ່ານ ນາງເກສອນ ສຸລິວົງ ໄດ້ກ່າວບາງຕອນວ່າ: ປະຈຸບັນ ການນຳໃຊ້ມືຖື ແລະ ສື່ສັງຄົມອອນລາຍ ໄດ້ກາຍເປັນໜຶ່ງປັດໃຈສຳຄັນ ໃນຊີວິດປະຈຳວັນ ແລະ ຫຼາຍຄົນກໍ່ຂາດການນຳໃຊ້ບໍ່ໄດ້ ໂດຍສະເພາະການນໍາໃຊ້ເຂົ້າໃນວຽກງານ, ການເຮັດທຸລະກິດ ຫຼື ການສຶກສາ-ຮໍ່າຮຽນ ແຕ່ຄຽງຄຸ່ກັນນັ້ນ ສື່ສັງຄົມອອນລາຍກໍມີຄວາມສ່ຽງ ແລະ ສາມາດສ້າງຜົນເສຍຫາຍໃຫ້ແກ່ຜູ້ໃຊ້ໄດ້ຫຼາຍເຊັ່ນກັນ ຖ້າຜູ້ໃຊ້ບໍ່ຮູ້ວິທີການນໍາໃຊ້ທີ່ຖືກຕ້ອງ, ຮູ້ເທົ່າບໍ່ເຖິງການ ຫຼື ຂາດວິຈາລະນາຍານໃນການນໍາໃຊ້ ກໍອາດຈະສົ່ງຜົນກະທົບດ້ານລົບ ຫຼື ອາດຖືກຫຼອກລວງໄດ້. ສະນັ້ນ, ກະຊວງ ປທສ ເຫັນໄດ້ເຖິງບັນຫາດັ່ງກ່າວຈຶ່ງໄດ້ເປີດການເຜີຍແຜ່ຄັ້ງນີ້ຂຶ້ນ ເພື່ອໃຫ້ຮັບຮູ້, ເຂົ້າໃຈເຖິງ ຜົນດີ-ຜົນຮ້າຍຂອງການນຳໃຊ້ສື່ສັງຄົມອອນລາຍ. ຊຶ່ງກໍ່ເປັນເປົ້າໝາຍຫຼັກໃນການເຜີຍແຜ່ນິຕິກຳ ແລະ ຄວາມຮູ້ ຄວາມເຂົ້າໃຈ ໃຫ້ແກ່ພະນັກງານ ນັກຮຽນ-ນັກສຶກສາ ກ່ຽວກັບການນໍາໃຊ້ທີ່ຖືກຕ້ອງ, ລະບຽບ, ຫຼັກການ ແລະ ສ້າງຈິດສໍານຶກທີ່ດີໃນການນໍາໃຊ້ສື່ສັງຄົມອອນລາຍໃຫ້ເກີດປະໂຫຍດສູງສຸດ. 

        ຂ່າວ: ສູນ​ສົ່ງ​ເສີມ​ການ​ນຳ​ໃຊ້​ເຕັກ​ໂນ​ໂລ​ຊີ​ການ​ສື່ສານ​ຂໍ້​ມູນ​ຂ່າວສານ, ປທສ.

        ກວດແກ້: ຫ້ອງການ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາລະສານ ໄອຊີທີ ສະບັບທີ 13
ລະ​ບົບ​ຂື້ນ​ທະ​ບຽນ​ປະ​ຊຸມ