ປທສ ເຜີຍແຜ່ ຄຳແນະນຳຂອງ ອະນຸກຳມະການກົດລະບຽບ ແລະ ບຸກຄະລາກອນ.

15/11/2019

ປທສ ເຜີຍແຜ່ ຄຳແນະນຳຂອງ ອະນຸກຳມະການກົດລະບຽບ ແລະ ບຸກຄະລາກອນ.

         ໃນວັນທີ 13 ພະຈິກ 2019 ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມ ເຜີຍແຜ່ ຄຳແນະນຳຂອງ ອະນຸກຳມະການກົດລະບຽບ ແລະ ບຸກຄະລາກອນ ກອງປະຊຸມໃຫ່ຍ ຄັ້ງທີ XI ຂອງພັກ ສະບັບເລກທີ 13/ອກ-ບຄ, ລົງວັນທີ 29 ຕຸລາ 2019 ກ່ຽວກັບການສະຫຼຸບຕີລາຄາການຈັດ ຕັ້ງປະຕິບັດກົດລະບຽບພັກ ສະໄໝທີ X ໃນທົ່ວອົງຄະນະພັກ ແລະ ມະຕິຂອງກົມການເມືອງສູນກາງພັກ ສະບັບເລກທີ 061/ກມສພ, ລົງວັນທີ 29 ມັງກອນ 2019 ວ່າດ້ວຍການກະກຽມ ແລະ ດຳເນີນກອງປະຊຸມໃຫ່ຍ ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ;. ໃຫ້ກຽດເປັນປະທານຊີ້ນຳກອງປະຊຸມຂອງ ສະຫາຍ ປອ ທັນສະໄໝ ກົມມະສິດ ກຳມະ ການສູນກາງພັກ, ເລຂາຄະນະພັກ, ລັດຖະມົນຕີກະຊວງ, ໂດຍການເຜີຍແຜ່ ແລະ ແນະນຳເອກະສານ ໂດຍ ສະຫາຍ ທອງໃສ ຊານໄຊຍະ ຮອງເລຂາຄະນະພັກ, ຮອງລັດຖະມົນຕີກະຊວງ ປທສ, ມີບັນດາສະຫາຍຄະນະປະຈຳພັກ, ຄະນະພັກກະຊວງ, ຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກ ອ້ອມຂ້າງກະຊວງເຂົ້າຮ່ວມ.

        ສະຫາຍ ປອ ທັນສະໄໝ ກົມມະສິດ ກ່າວວ່າ: ການເຜີຍແຜ່ເອກະສານຄັ້ງນີ້ ແມ່ນເພື່ອເປັນທິດຊີ້ນຳໃນການຈັດຕັ້ງປະຕິບັດ ມະຕິກອງປະຊຸມໃຫ່ຍ ຄັ້ງທີ X ຂອງພັກ, ສ້າງຂະບວນການຂໍ່ານັບຮັບຕ້ອນ ແລະ ການດຳເນີນກອງປະຊຸມໃຫ່ຍ ຄັ້ງທີ XI ຂອງພັກໃຫ້ຟົດຟື້ນ, ແຂງແຮງຕໍ່ເນື່ອງ; ຮັບປະກັນການກະກຽມດຳເນີນໄປ ຖືກຕ້ອງ ຕາມກົດລະບຽບຂອງພັກ ກໍຄື ແຜນດຳເນີນງານຂອງສູນກາງພັກ ສະໄໝທີ X ມີເນື້ອໃນເລີກເຊີ່ງ, ຄົບຖ້ວນ, ພາວະວິໃສ ແລະ ແທດເໝາະກັບສະພາບຕົວຈິງ; ເພື່ອປະກອບຂໍ້ມູນທີ່ເປັນພື້ນຖານ ໃຫ້ແກ່ການຄົ້ນຄວ້າ, ປັບປຸງ, ດັດແປງກົດລະບຽບພັກ ທີ່ຈະສະເໜີຜ່ານກອງປະຊຸມໃຫ່ຍ ຜູ້ແທນທົ່ວປະເທດ ຄັ້ງທີ XI ຂອງພັກ; ສ່ອງແສງເຖີງພາວະຄວາມເປັນຈິງດ້ານການຈັດຕັ້ງ ແລະ ການເຄື່ອນໄຫວຂອງລະບົບການຈັດຕັ້ງພັກ ແລະ ສະມາຊິກພັກ ໃນເງື່ອນໄຂໃໝ່. ທັງນີ້ກໍ່ເພື່ອສ້າງຄວາມເປັນເອກະພາບດ້ານທັດສະນະຊີ້ນຳລວມ, ບັນດາທິດທາງຕົ້ນຕໍ ແລະ ບັນດາຄາດໝາຍ ທີ່ສຳຄັນຕ່າງໆ ໃນການພັດທະນາເສດຖະກິດ-ສັງຄົມ ກໍ່ຄືໃນການສ້າງ ແລະ ປັບປຸງພັກ, ວຽກພະນັກງານ ທັງເຮັດໃຫ້ບັນດາມະຕິ ຂອງອົງຄະນະພັກແຕ່ລະຂັ້ນ ສອດຄ່ອງ ແລະ ເປັນການຜັນຂະຫຍາຍທິດທາງຍຸດທະສາດລວມຂອງພັກ; ເພື່ອສ້າງຄວາມເຊື່ອໝັ້ນອັນໜັກແໜ້ນທົ່ວສັງຄົມ ຕໍ່ພາລະກິດປ່ຽນແປງ ໃໝ່ ພາຍໃຕ້ການນຳພາຂອງພັກ, ເຂົ້າຮ່ວມຂະບວນການຂ່ຳນັບຮັບຕ້ອນກອງປະຊຸມໃຫ່ຍ ຄັ້ງທີ XI ຢ່າງກວ້າງຂວາງ ແລະ ຟົດຟື້ນ. ພ້ອມນີ້, ຍັງໄດ້ກ່າວຕື່ມອີກວ່າ: ເພື່ອເປັນບ່ອນອີງ ພື້ນຖານໃຫ້ແກ່ການກະກຽມດຳ ເນີນກອງປະຊຸມໃຫ່ຍ ທົ່ວອົງຄະນະພັກຂອງຕົນ ແຕ່ລະຂັ້ນໃຫ້ດຳເນີນໄປຢ່າງຖືກຕ້ອງ ຕາມກົດລະບຽບຂອງພັກ, ຮັບປະກັນການຊີ້ນຳ-ນຳພາ ແລະ ມີຄວາມເປັນເອກະພາບໃນທົ່ວພັກ, ຮັບປະກັນການຄົ້ນຄວ້າເລືອກເຟັ້ນ ບຸກຄະລາກອນປະກອບເຂົ້າໃນຄະນະພັກແຕ່ລະຂັ້ນ ໃຫ້ຖືກຕ້ອງຕາມມາດຖານ, ເງື່ອນໄຂທີ່ກຳນົດໄວ້.

      ຂ່າວ: ກົມຈັດຕັ້ງ-ພະນັກງານ, ປທສ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ