ທ່ານ ບຸນສະເຫຼີມໄຊ ເຄນນາວົງ ລົງເຄື່ອນໄຫວຊຸກຍູ້ວຽກງານ ຢູ່ 07 ແຂວງພາກໃຕ້.

12/11/2019

ທ່ານ ບຸນສະເຫຼີມໄຊ ເຄນນາວົງ ລົງເຄື່ອນໄຫວຊຸກຍູ້ວຽກງານ ຢູ່ 07 ແຂວງພາກໃຕ້.

            ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ຊຸກຍູ້ວຽກງານວິຊາການ ຢູ່ ພະແນກ ປທສ 07 ແຂວງພາກໃຕ້ (ແຂວງບໍລິຄໍາໄຊ, ແຂວງຄໍາມ່ວນ, ແຂວງສະຫວັນນະເຂດ, ແຂວງສາລະວັນ, ແຂວງຈໍາປາສັກ, ແຂວງເຊກອງ ແລະ ແຂວງອັດຕະປື). ໃນລະຫວ່າງວັນທີ 30 ຕຸລາ - 12 ພະຈິກ 2019 ນີ້, ໂດຍໃຫ້ກຽດຕ້ອນຮັບຂອງບັນດາພະແນກ ປທສ ແຂວງ ຢ່າງອົບອຸ່ນ.

           ບັນດາທ່ານຫົວໜ້າ ພະແນກ ປທສແຂວງ ໄດ້ສະຫຼຸບລາຍງານສະພາບໂດຍລວມໃນການຈັດຕັ້ງເຄື່ອນໄຫວວຽກງານຮອບດ້ານ ເປັນຕົ້້ນແມ່ນດ້ານວຽກງານ ສົ່ງເສີມການພັດທະນາພື້ນຖານໂຄງລ່າງ ດ້ານລະບົບໂທລະຄົມ, ການຂະຫຍາຍເຄືອຂ່າຍອິນເຕີເນັດຄວາມໄວສູງ, ການຄຸ້ມຄອງ ແລະ ການຕິດຕາມການຂຶ້ນທະບຽນເລກໝາຍໂທລະສັບມືຖື. ພ້ອມນີ້, ຍັງໄດ້ລາຍງານບາງບັນຫາທີ່ຍັງຄົງຄ້າງ ເພື່ອສະເໜີຂໍທິດຊີ້ນຳ.

          ໃນໂອກາດນີ້, ທ່ານຮອງລັດຖະມົນຕີ ໄດ້ມີຄໍາເຫັນ ແລະ ໂອ້ລົມຕໍ່ບັນດາພະແນກ ປທສ ແຂວງ. ຊຶ່ງກ່ອນອຶ່ນໝົດ ທ່ານໄດ້ຄວາມຍ້ອງຍໍຊົມເຊີຍ ຕໍ່ຜົນງານທີ່ພະ​ແນ​ກ ປທສ ​ແຂວງ ຍາດມາໄດ້ໃນ​ໄລຍະຜ່ານມາ ເປັນຕົ້ນແມ່ນດ້ານການເມືອງ-ແນວຄິດ, ດ້ານກົງຈັກການຈັດຕັ້ງ, ພະນັກງານໄດ້​ຮັບ​ການ​ບໍາລຸງ-ກໍ່ສ້າງ ຍົກ​ລະດັບ​ທາງທິດສະດີການເມືອງ ແລະ ​ວິຊາສະເພາະ, ການ​ຄຸ້ມ​ຄອງ​ບັນດາ​ບໍລິສັດລັດ​ວິ​ສາ​ຫະກິດ, ການດຳເນີນທຸລະກິດ ຂອງບັນດາສາຂາ ປທສ ​ພາຍໃນແຂວງ ສ່ວນຫຼາຍແມ່ນເຮັດໄດ້ດີ, ສາມາດສ້າງ​ລາຍ​ຮັບ ແລະ ມອບພັນທະໃຫ້ລັດ​ໄດ້​ຫຼາຍ​ພໍສົມ​ຄວນ. ພ້ອມນັ້ນ, ທ່ານຍັງໄດ້ເນັ້ນໜັກໃຫ້ ບັນດາພະແນກ ປທສ ແຂວງ ສືບຕໍ່ເຮັດວຽກ​ງານສຶກສາ​ອົບຮົມ ​ການ​ເມືອງ-​ແນວຄິດ ໃຫ້ສະມາຊິກພັກ-ພະນັກງານທຸກຄົນ ມີຄວາມຮັບຮູ້, ເຊື່ອມຊືມ ຢ່າງໜັກແໜ້ນ ຕໍ່ແນວທາງນະໂຍບາຍຂອງພັກ, ກົດໝາຍຂອງລັດ, ເອົາ​ໃຈ​ໃສ່​ ບໍາລຸງ-ກໍ່ສ້າງ​ ຍົກລະດັບພະນັກງານ ​ໃຫ້​ມີ​​ຄວາມ​ຮູ້, ຄວາມ​ສາມາດ ທາງດ້ານວິຊາສະເພາະ ສາມາດ​ຮອງ​ຮັບ​ໜ້າ​ທີ່​ວຽກ​ງານ​ໃນ​​ໄລຍະ​ໃໝ່, ປັບປຸງກົງຈັກການຈັດຕັ້ງໃຫ້ກະທັດ​ຮັດ,​ ຖືກຕ້ອງ ​ແລະ ສອດຄ່ອງກັບ​ຄວາມເປັນຈິງ, ການແບ່ງງານ, ​ແບ່ງຄວາມຮັບຜິດຊອບໃຫ້ສົມຄູ່ກັນ ລະຫວ່າງມາດຖານຕໍາ​ແໜ່​ງງານກັບລະດັບຄວາມຮູ້, ຄວາມສາ ມາດ ແລະ ຖືກກັບໜ້າທີ່ວິຊາສະເພາະຂອງພະນັກງານ. ຈັດຕັ້ງປະຕິບັດ ນິຕິກໍາທັງກົດໝາຍ ແລະ ລຸ່ມກົດໝາຍຢ່າງເຂັ້ມງວດ. ເອົາໃຈໃສ່ ເຜີຍແຜ່ໃຫ້ສັງຄົມມີຄວາມຮັບຮູ້ ແລະ ເຂົ້າໃຈ ຢ່າງກວ້າງຂວາງ, ທົ່ວເຖິງ, ເລິກເຊິ່ງ ກ່ຽວກັບ ການຄຸ້ມຄອງ ແລະ ນໍາໃຊ້ສື່ສັງຄົມອອນລາຍ. ຊຸກຍູ້ ບັນດາຫົວໜ່ວຍບໍລິສັດລັດວິສາຫະກິດພາຍໃນແຂວງ ໃນການຂະ ຫຍາຍເຄື່ອຂ່າຍການບໍລິການໄດ້ຢ່າງທົ່ວເຖິງ ເພື່ອ​ຜັນ​ຂະຫຍາຍ ມະຕິ​ກອງ​ປະຊຸມ​ໃຫຍ່​ຄັ້ງທີ I ຂອງ ອົງຄະ​ນະ​ພັກ​ກະ ຊວງ, ​ແຜນ​ພັດທະນາ​ຂະ​ແໜງ​​ ປທສ 5 ປີ ຄັ້ງທີ II ສົມທົບ​ແໜ້ນ​ກັບ​ການ​ຜັນ​ຂະຫຍາຍ​ມະຕິ​ກອງ​ປະຊຸມ​ໃຫຍ່​ຂອງ​ອົງຄະ​ນະ​ພັກ​ແຂວງ ​ໃນວຽກ​ງານ ປທສ ກໍ​ຄື ສູ້​ຊົນ​ປະຕິບັດ​ໃຫ້​ໄດ້ ຕາມ​ທິດ​ທາງ​ແຜນການ ທີ່​ທາງ​ພະ​ແນ​ກ ປທສ ​ໄດ້​ກໍານົດ​ໄວ້ ​ໃນ​ສົກ​ປີ 2019 ໃຫ້ປາກົດຜົນເປັນຈິງ.

        ໃນໂອກາດດຽວກັນນີ້, ກໍ່ໄດ້ເດີນທາງໄປເຂົ້າພົບປະການນໍາປະຈໍາແຕ່ລະແຂວງ ເພື່ອປຶກສາຫາລື ແລະ ລາຍງານການພດທະນາພື້ນຖານໂຄງລ່າງວຽກງານ ໄອຊີທີ, ການນໍາໃຊ້ ໄອຊີທີ ທີ່ນັບມືນັບເຕີບໃຫຍ່ຂະຫຍາຍຕົວ ຢ່າງວ່ອງໄວ, ທີ່ສາມາດຊ່ວຍໃຫ້ການພົວພັນສື່ສານມີຄວາມສະດວກສະບາຍຂຶ້ນ ຊຶ່ງປັດຈຸບັນ ກໍ່ກຳລັງສຸມໃສ່ ຄົ້ນຄວ້າ ການນຳໃຊ້ລະບົບເງິນເອເລັກໂຕຣນິກເທິງໂທລະສັບມືຖື (Mobile Money) ເພື່ອເຮັດໃຫ້ລັດມີລາຍຮັບເພີ່ມຂຶ້ນ, ປະຊາຊົນ ກໍຄືຜູ້ຊົມໃຊ້ທົ່ວໄປໄດ້ໄດ້ຮັບຜົນປະໂຫຍດຢ່າງເຕັມສ່ວນ, ໂປງໃສ, ກວດສອບໄດ້ ແລະ ກ້າວເຂົ້າສູ່ຍຸກອຸດສະຫະກຳ 4.0. ຜົນສຳເລັດກອງປະຊຸມລັດຖະມົນຕີໄອຊີທີອາຊຽນຄັ້ງທີ 19, ກອງປະຊຸມເຈົ້າໜ້າທີ່ອາວຸດໂສ ໄອຊີທີ ອາຊຽນ ຄັ້ງທີ 20 ແລະ ກອງປະຊຸມປິ່ນອ້ອມ ໃນລະຫວ່າງວັນທີ 21-25 ຕຸລາ 2019 ຜ່ານມານີ້ ທີ່ກະຊວງ ປທສ ໄດ້ຮັບກຽດເປັນເຈົ້າພາບຈັດກອງປະຊຸມດັ່ງກ່າວ, ດ້ວຍຜົນສຳເລັດທີ່ໜ້າເພິ່ງພໍໃຈ. ຄຽງຄູ່ກັນນັ້ນ, ໃນງານປະກວດ ອາຊຽນ ໄອຊີທີ ອາວອດ ລາວເຮົາ ສາມາດ ຍາດໄດ້ 01 ຫຼຽນຄຳ ໃນໝວດແຂ່ງຂັນ Public sector ຊື່ຜະລິດຕະພັນແມ່ນ Road Tax ແລະ 01 ຫຼຽນທອງ ໃນໝວດແຂ່ງຂັນ Start up ຊື່ຜະລິດຕະພັນແມ່ນ Gotedy ເຊິ່ງເປັນການສ້າງບົດບາດ ກຽດຊື່ສຽງໃຫ້ແກ່ຊາດລາວເຮົາ ໃນກຸ່ມປະເທດອາຊຽນ, ພາກພື້ນ ແລະ ສາກົນ.

       ໃນຕອນທ້າຍ, ທ່ານໄດ້ ຂໍສະເໜີໃຫ້ການນໍາແຂວງ ສືບຕໍ່ຊຸກຍູ້ສົ່ງເສີມ ສະມາຊິກພັກ-ພະນັກງານ ພະແນກ ປທສ ພ້ອມດ້ວຍ ສາຂາບໍລິສັດລັດວິສາຫະກິດໄປສະນີ,ໂທລະຄົມມະນາຄົມ ແລະ ການສື່ສານ ພາຍໃນແຂວງ ຈັດຕັ້ງປະຕິບັດໜ້າທີ່ວຽກງານໃຫ້ບັນລຸຜົນສຳເລັດໄປໄດ້ໂດຍດີ.

          ພາບ+ຂ່າວ: ພະແນກເລຂານຸການ-ພິທີການ, ປທສ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາ​ລະ​ສານ ໄອ​ຊີ​ທີ 15
ລະ​ບົບ​ຂື້ນ​ທະ​ບຽນ​ປະ​ຊຸມ