ລາວ-ອິນເດຍ ເປີດຫຼັກສູດການສອນ Data Analytics & R-program.

08/10/2019

ລາວ-ອິນເດຍ ເປີດຫຼັກສູດການສອນ Data Analytics & R-program.

            ໃນວັນທີ 7 ຕຸລາ 2019 ນີ້,  ສູນພັດທະນາ ແລະ ຝຶກອົບຮົມຊອບແວ (CESDT) ລາວ-ອິນເດຍ,  ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີເປີດຫຼັກສູດການສອນ Data Analytics & R-Program ຂຶ້ນ. ໂດຍຜ່ານລະບົບ ກອງປະຊຸມທາງໄກ (Video Conference) ຮ່ວມກັບ 4 ປະເທດຄື:​ ອິນເດຍ, ໂມຣ໋ອກໂກ, ມຽນມ້າ ແລະ ຫວຽດນາມ. ຊຶ່ງໃຫ້ກຽດເຂົ້າຮ່ວມ ໂດຍ ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ, ທ່ານ ດິນກາ ອາຊຕານາ (Dinkar Ashthana) ເອກະອັກຄະລັດຖະທູດອິນເດຍ ປະຈຳ ສປປ ລາວ, ທ່ານ ສາຍຝົນ ບຸດຈັນທະລາດ ຫົວໜ້າສະຖາບັນ ເຕັກໂນໂລຊີ ການສື່ສານຂໍ້ມູນຂ່າວສານ ພ້ອມດ້ວຍນັກຝຶກພາຍໃນ ກະຊວງ ປທສ ແລະ ພາກສ່ວນທີ່ກ່ຽວຂ້ອງ. ຊຶ່ງການຝຶກອົບຮົມໃນຄັ້ງນີ້ ຈະດຳເນີນໄປເປັນເວລາທັງໝົດ 8 ອາທິດ (ລະຫວ່າງວັນທີ 09  ຕຸລາ 2019 ເຖິງວັນທີ 16 ທັນວາ 2019)

          ຫຼັກສູດ ການວິເຄາະຂໍ້ມູນ ແລະ ຂຽນໂປແກມດ້ວຍພາສາ R (Data Analytics & R-Program) ເປັນຫຼັກສູດທີ່ຈັດການ ການຮຽນການສອນ ຜ່ານລະບົບ ກອງປະຊຸມທາງໄກ ຜ່ານສູນ CESDT ລາວ-ອິນເດຍ ໂດຍມີອາຈານສອນຈາກມະຫາວິທະຍາໄລ India Institute of Technology – Madras (IIT-M), ເຊິ່ງເປັນໜຶ່ງໃນມະຫາວິທະຍາໄລຊັ້ນນຳໃນ ຂະແໜງການໄອທີ ຂອງປະເທດ ອິນເດຍ. ການຝຶກອົບຮົມໃນຄັ້ງນີ້, ເປັນຄັ້ງທຳອິດຂອງ ສູນ CESDT ລາວ-ອິນເດຍ ທີ່ໄດ້ຮ່ວມ ຈັດຕັ້ງປະຕິບັດ ຫຼັກສູດ ການຮຽນການສອນທາງໄກ ຫຼັງຈາກການເປີດນຳໃຊ້ສູນ ຢ່າງເປັນ ທາງການໃນທ້າຍປີ 2018 ທີ່ຜ່ານມາ. ຊຶ່ງຫຼັກສູດດັ່ງກ່າວ ແມ່ນໄດ້ຮັບຄວາມສົນໃຈ ຈາກຫຼາຍພາກສ່ວນ ແລະເປັນໜຶ່ງໃນຫຼາຍຫຼັກສູດ ທີ່ໄດ້ຮັບການ ສະໜັບສະໜູນ ຈາກລັດຖະບານອິນເດຍ, ເວົ້າສະເພາະແມ່ນຈາກ ກະຊວງ ການຕ່າງປະເທດອິນເດຍ ໂດຍຜ່ານໂຄງການຮ່ວມ ມືທາງດ້ານວິຊາການ ແລະ ເສດຖະກິດ ຂອງອິນເດຍ

            ຂ່າວ: ສຕສ, ປທສ.

 

ວາ​ລະ​ສານ ໄອ​ຊີ​ທີ
ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ລະ​ບົບ​ຂື້ນ​ທະ​ບຽນ​ປະ​ຊຸມ