ລັດຖະມົນຕີ ປທສ ຕ້ອນຮັບທູດ ຣັດເຊຍ ເຂົ້າຢ້ຽມຂໍ່ານັບອໍາລາໜ້າທີ່.

14/08/2019

ລັດຖະມົນຕີ ປທສ ຕ້ອນຮັບທູດ ຣັດເຊຍ ເຂົ້າຢ້ຽມຂໍ່ານັບອໍາລາໜ້າທີ່.

        ທ່ານ ທັນສະໄໝ ກົມມະສິດ ລັດຖະມົນຕີກະຊວງ ໄປສະນີ, ໂທລະຄົມມນາຄົມ ແລະ ການສື່ສານ (ປທສ) ຕ້ອນຮັບການເຂົ້າຢ້ຽມຂໍ່າຂອງ ທ່ານ ມິຄາ ເອວ ບາຣານ໋ອບ (Mikhail BARANOV) ເອກອັກຄະລັດຖະທູດ ແຫ່ງສະຫະພັນຣັດເຊຍ ປະຈໍາ ສປປ ລາວ, ໃນວັນທີ 14 ສິງຫານີ້ ເນື່ອງໃນໂອກາດສໍາເລັດໜ້າທີ່ການທູດຢູ່ ສປປ ລາວ ໃນທ້າຍເດືອນກັນຍາ 2019.

          ໃນໂອກາດນີ້, ທ່ານ ທັນສະໄໝ ກົມມະສິດ ລັດຖະມົນຕີກະຊວງ ປທສ ໄດ້ສະແດງຄວາມຕ້ອນຮັບ, ຊົມເຊີຍ ຕໍ່ການເຂົ້າຢ້ຽມຂໍ່ານັບຂອງທ່ານ ມິຄາເອວ ບາຣານ໋ອບ. ພ້ອມທັງຕີລາຄາສູງ ຕໍ່ການພົວພັນການຮ່ວມມືໃນໄລຍະຜ່ານມາ ແລະ ແລກປ່ຽນຄໍາຄິດຄໍາເຫັນ ກ່ຽວກັບທິດທາງໃນຕໍ່ໜ້າ ໃນການເພີ່ມທະວີການຮ່ວມມືທາງດ້ານໄອຊີທີ ກໍ່ຄືຂະ   ແໜງການ ປທສ ເພື່ອປະກອບ ສ່ວນເຂົ້າການພັດທະນາເສດຖະກິດ-ສັງຄົມ, ນໍາເອົາຜົນປະໂຫຍດຕົວຈິງ ມາສູ່ປະຊາຊົນສອງຊາດໃນອານາຄົດ. ລາວ-ຣັດເຊຍ ມີສາຍພົວພັນການຮ່ວມມືກັນມາຍາວນານ ແລະ ສອງຝ່າຍ ໄດ້ມີການຊ່ວຍເຫລືອເຊື່ງກັນຕະຫລອດມາ ບໍ່ວ່າຈະເປັນ ການຈັດຝຶກອົບຮົມສຳມະນາກັບ ສ.ຣັດເຊຍ ກ່ຽວກັບວຽກງານການປະສານງານຄື້ນຄວາມຖີ່ຕາມຊາຍແດນ, ການຮ່ວມມື ກັບ​ອົງການ​ສື່ສານ​ທາງ​ອາ​ວະ​ກາດ​ສາກົນ (Intersputnik) ສ.ຣັດ​ເຊຍ. ພ້ອມນີ້, ສອງຝ່າຍ ຍັງໄດ້ປຶກສາຫາລືການພົວພັນຮ່ວມມືຊ່ວຍເຫຼືອຊຶ່ງກັນ ແລະ ກັນ ໃນຕໍ່ໜ້າໃຫ້ນັບມື້ນັບຂະຫຍາຍ ຕົວຍິ່ງໆຂື້ນ.

          ໃນຕ້ອນທ້າຍ ທ່ານ ມິຄາເອວ ບາຣານ໋ອບ ໄດ້ສະແດງຄວາມຂອບໃຈ ຕໍ່ທ່ານລັດຖະມົນຕີ ທີ່ໄດ້ສະຫຼະເວລາ ອັນມີຄ່າ ຕ້ອນຮັບການເຂົ້າຢ້ຽມຂໍ່ານັບໃນຄັ້ງນີ້ ຢ່າງອົບອຸ່ນ, ເປັນກັນເອງ ແລະ ໄດ້ມີການແລກປ່ຽນຄຳຄິດຄຳເຫັນ ຢ່າງກົງໄປກົງມາ. ພ້ອມທັງສະແດງຄວາມຂອບໃຈຕໍ່ພັກ-ລັດຖະບານລາວ ທີ່ອຳນວຍຄວາມສະດວກ ແລະ ໃຫ້ການສະໜັບສະໜູນຕໍ່ການປະຕິບັດໜ້າທີ່ການທູດຢູ່ ສປປ ລາວ ຈົນສຳເລັດຢ່າງຈົບງາມ.

          ພາບ+ຂ່າວ: ຫ້ອງການ, ພະແນກເລຂານຸການພິທີການ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາລະສານ ໄອຊີທີ ສະບັບທີ 13
ລະ​ບົບ​ຂື້ນ​ທະ​ບຽນ​ປະ​ຊຸມ