ປທສ ເຜີຍແຜ່ກ່ຽວກັບວິທີການຈັດຕັ້ງປະຕິບັດແຂ່ງຂັນ 4 ບຸກ

13/08/2019

ປທສ ເຜີຍແຜ່ກ່ຽວກັບວິທີການຈັດຕັ້ງປະຕິບັດແຂ່ງຂັນ 4 ບຸກ

          ເມື່ອບໍ່ດົນມານີ້, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມເຜີຍແຜ່ກ່ຽວກັບວິທີການຈັດຕັ້ງປະຕິບັດແຂ່ງຂັນ 4 ບຸກ ປະ­ຈຳ​ປີ 2019 ຂຶ້ນທີ່ສະຖາບັນເຕັກໂນໂລຊີການສື່ສານຂໍ້ມູນຂ່າວສານ (ສຕສ), ໂດຍການເປັນປະທານຮ່ວມຂອງ ສະຫາຍ ພວງປະເສີດ ແກ້ວສຸວັນ ຮອງເລ­ຂາ​ຄະ­ນະ​ບໍ­ລິ­ຫານ​ງານ ຊປປ ກະຊວງ ປທສ ແລະ ສະຫາຍ ນາງ ປານີ ກິນດາວົງ ຮອງຫົວຫນ້າກົມຂະບວນການ, ສູນກາງຊາວໜຸ່ມ ຄຊປປລ ມີ​ບັນ­ດາ​ທ່ານ​​ເລ­ຂາ​ໜ່ວຍ/ຮາກຖານ, ຄະນະຜູ້ຊີ້ນຳວຽກ 4 ບຸກ ພ້ອມດ້ວຍສະມາຊິກຊາວໜຸ່ມອ້ອມຂ້າງກະຊວງ ​ເຂົ້າ​ຮ່ວມ.

          ໂອ­ກາດ​ນີ້ ສະຫາຍ ພວງປະເສີດ ແກ້ວສຸວັນ ໄດ້​ກ່າວ​ວ່າ: ການ​ຈັດ​ກອງປະຊຸມເຜີຍແຜ່ໃນ​ຄັ້ງ​ນີ້ ແມ່ນ​ເພື່ອ​ເປັນການຜັນຂະຫຍາຍ ຜົນສຳເລັດທີ່ ຄະນະບໍລິຫານງານຊາວໜຸ່ມ ກະຊວງ ປທສ ໄດ້ຮັບນາມມະຍົດຊາວໜຸ່ມ 4 ບຸກ ປະຈໍາປີ 2018 ຜ່ານມາ, ເປັນການສ້າງ​ຂະ​ບວນ​ການໃຫ້ໜ່ວຍ/ຮາກຖານຊາວໜຸ່ມ ພາຍໃນກະຊວງ ປທສ ມີຄວາມເຂົ້າໃຈຢ່າງເລິກເຊິ່ງ ກ່ຽວກັບວິທີການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງສູນກາງ​ຊາວ​ໜຸ່ມ ປປລ ທີ່ໄດ້ວາງອອກ ໃຫ້ຖືກຕ້ອງ, ສອດຄ່ອງກັບເນື້ອໃນຂໍ້ແຂ່ງຂັນໃນດ້ານຕ່າງໆໃຫ້ໄດ້ເປັນລັກສະນະອັນລະອຽດ ເພື່ອຍາດໄດ້ນາມມະຍົດຊາວໜຸ່ມ 4 ບຸກໃນປີນີ້ ກ້າວໄປເຖິງຍາດໄດ້ ທຸງໄຊນໍາໜ້າ 4 ບຸກ ໃນອານາຄົດ.

          ພາບ+ຂ່າວ: ຄະນະບໍລິຫານງານຊາວໜຸ່ມ.

 

ສະຖິຕິຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ ປີ2018
ວິໃສທັດ,ແຜນຍຸດທະສາດ ແລະ ແຜນການ 5 ປີ ຄັ້ງທີ2 (2016-2020) ສະບັບລ່າສຸດ
ວາລະສານ ໄອຊີທີ ສະບັບທີ 13
ລະ​ບົບ​ຂື້ນ​ທະ​ບຽນ​ປະ​ຊຸມ