ໃນຕອນບ່າຍຂອງວັນທີ 13 ກັນຍາ 2024, ທ່ານ ສຸພົນ ຈັນທະວີໄຊ, ຄະນະພັກ ກະຊວງເຕັກໂນໂລຊີ ແລະ ການສື່ສານ, ຜູ້ອໍານວຍການໃຫຍ່ ບໍລິສັດ ລາວ ໂທລະຄົມມະຫາຊົນ ພ້ອມດ້ວຍຄະນະ, ຕາງໜ້າ 3 ອົງການຈັດຕັ້ງມະຫາຊົນ ເເລະ ອ້າຍເອື້ອຍນ້ອງພະນັກງານ ລາວໂທລະຄົມ ໄດ້ລົງພື້ນທີ່ໄດ້ຮັບຜົນກະທົບຈາກໄພນໍ້າຖ້ວມຢູ່ບ້ານຫາດກັນຊາ, ບ້ານ ພ້າວ, ບ້ານ ບໍ່ໂອ, ບ້ານ ເເກ້ງຢາງ, ບ້ານ ຖິ່ນເພຍ, ບ້ານ ສໍາພັນນາ ເເລະ ເຂດອ້ອມຂ້າງທີ່ໄດ້ຮັບຜົນກະທົບໃນນະຄອນຫຼວງວຽງຈັນ ເພື່ອກວດສອບດ້ານລະບົບເຄືອຂ່າຍ ໃນເຂດໄພພິບັດ ເພື່ອຮັບປະກັນຄຸນນະພາບການໃຊ້ງານ ພ້ອມທັງເເຈກຢາຍນ້ຳດື່ມໃຫ້ກັບບັນດາປະຊາຊົນ ເເລະ ອ້າຍນ້ອງທະຫານທີ່ຮ່ວມເເຮງຮ່ວມໃຈກັນຂົນເປົ໋າດິນຊາຍເຮັດຄູກັ້ນນ້ຳ.

ລາວ ໂທລະຄົມ ຂໍເປັນກຳລັງໃຈໃຫ້ປະຊາຊົນທີ່ໄດ້ຮັບຜົນກະທົບໄພນ້ຳຖ້ວມຄັ້ງນີ້ໃຫ້ຜ່ານໄປໄດ້ດ້ວຍດີ.

ແຫຼ່ງຂໍ້ມູນ: Lao Telecom