ກົມເຕັກໂນໂລຊີ ແລະ ນະວັດຕະກໍາ ຮ່ວມກັບ ບໍລິສັດ ດາວທຽມເຕັກໂນໂລຊີ ຈໍາກັດ ລົງນາມສ້າງສູນຄຸ້ມຄອງ ແລະ ບໍລິການຂໍ້ມູນດາວທຽມ ແຫ່ງຊາດ

21/06/2024

ກົມເຕັກໂນໂລຊີ ແລະ ນະວັດຕະກໍາ ຮ່ວມກັບ ບໍລິສັດ ດາວທຽມເຕັກໂນໂລຊີ ຈໍາກັດ ລົງນາມສ້າງສູນຄຸ້ມຄອງ ແລະ ບໍລິການຂໍ້ມູນດາວທຽມ ແຫ່ງຊາດ

ໃນຕອນແລງຂອງວັນທີ 21 ມິຖຸນາ 2024, ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ ໄດ້ມີພິທີເຊັນສັນຍາ ວ່າດ້ວຍການຮ່ວມມືສ້າງສູນຄຸ້ມຄອງ ແລະ ບໍລິການຂໍ້ມູນດາວທຽມ ແຫ່ງຊາດ ລະຫວ່າງ ກົມເຕັກໂນໂລຊີ ແລະ ນະວັດຕະກໍາ, ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ບໍລິສັດ ດາວທຽມເຕັກໂນໂລຊີ ຈໍາກັດ. ໂດຍໃຫ້ກຽດເຂົ້າຮ່ວມ ຂອງ ທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີ ກຕສ, ທ່ານ ສຈ.ປອ ພົທ ທອງລອຍ ສິລິວົງ ຮອງລັດຖະມົນຕີ, ຫົວໜ້າກົມໃຫຍ່ການເມືອງກອງທັບ ແລະ ທ່ານ ສຈ.ປອ ພົທ ວົງຄໍາ ພົມມະກອນ ຮອງລັດຖະມົນຕີກະຊວງປ້ອງກັນປະເທດ ພ້ອມດ້ວຍທ່ານຮອງລັດຖະມົນຕີ ກຕສ, ຫົວໜ້າຫ້ອງການ, ກົມ/ທຽບເທົ່າ ອ້ອມຂ້າງ ກຕສ, ປະທານບໍລິສັດ ດາວທຽມເຕັກໂນໂລຊີ ຈໍາກັດ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.
ຈຸດປະສົງ ແມ່ນເພື່ອແນໃສ່ພັດທະນາວຽກງານ ບໍລິການຂໍ້ມູນດາວທຽມໃຫ້ແກ່ສັງຄົມ ທັງພາກລັດ ແລະ ເອກະຊົນ ເຂົ້າໃນການເຊື່ອມໂຍງ ແລະ ເຊື່ອມຈອດເຄືອຂ່າຍທາງດ້ານເຕັກໂນໂລຊີດາວທຽມ ໃຫ້ມີຄວາມສະດວກວ່ອງໄວ, ມີຄຸນນະພາບ, ລວມສູນ ແລະ ເພີ່ມປະສິດທິພາບການຄຸ້ມຄອງລັດ. ຊຶ່ງເນື້ອໃນສັນຍາທີ່ລົງນາມຮ່ວມກັນໃນຄັ້ງນີ້ ປະກອບມີ: 1) ສ້າງຕັ້ງສະຖານີ ດາວທຽມ BEIDOU ພາກພື້ນດິນ ພ້ອມດ້ວຍໂຄງລ່າງພື້ນຖານທັງໝົດ ຢູ່ ເມືອງ ວັງວຽງ, ແຂວງ ວຽງຈັນ ໃນເນື້ອທີ່ 10 ເຮັກຕາ ພ້ອມດ້ວຍໜ່ວຍບໍລິການ ຕັ້ງຢູ່ບ້ານດອນຕິ້ວ, ເມືອງ ໄຊທານີ, ນະຄອນຫຼວງວຽງຈັນ ໃນເນື້ອທີ່ 04 ເຮັກຕາ; 2) ສ້າງຊັບພະຍາກອນມະນຸດ ໄລຍະສັ້ນ, ໄລຍະກາງ ແລະ ໄລຍະຍາວ ດ້ານເຕັກໂນໂລຊີອາວະກາດ; 3) ໃຫ້ບໍລິການຂໍ້ມູນດ້ານເຕັກໂນໂລຊີອາວະກາດແກ່ສັງຄົມ, ໃຫ້ບໍລິການສ້າງລະບົບແຜນທີ່, ສ້າງລະບົບການຄວບຄຸມໄລຍະໄກ (Remote sensing), ພູມສັນຖານພື້ນທີ່ (Geography Information System (GIS)), ລະບົບບອກຕໍາແຫນ່ງທີ່ຢູ່ດ້ວຍດາວທຽມ (Gobal Navigition satellite System (GNSS)) ແລະ ໃຫ້ການບໍລິການຂໍ້ມູນດາວທຽມ BEIDOU; 4) ການບໍລິການມືຖືຜ່ານດາວທຽມ; 5) ບໍລິການເຕືອນໄພພິບັດທາງທຳມະຊາດ ໂດຍນຳໃຊ້ເຕັກໂນໂລຊີ ຂໍ້ມູນພາບຖ່າຍດາວທຽມ, ສ້າງສະຖານີກວດກາສະພາບອາກາດຢູ່ບັນດາເຂື່ອນໄຟຟ້າ ເພື່ອສະໜອງຂໍ້ມູນດ້ານອາກາດໃຫ້ແກ່ເຂື່ອນໄຟຟ້າຕ່າງໆ; 6) ການນຳໃຊ້ເຕັກໂນໂລຊີດາວທຽມ ເຂົ້າໃນການສໍາຫຼວດບໍ່ແຮ່ ໂດຍຫັນການສຳຫຼວດບໍ່ແຮ່ເປັນລະບົບດິຈິຕອນ ທີ່ທັນສະໄໝ ພ້ອມດ້ວຍກຳນົດເຂດສຳປະທານບໍ່ແຮ່; 7) ການນຳໃຊ້ດາວທຽມ ເຂົ້າໃນການບໍລິຫານຕົວເມືອງອັດສະລິຍະ; ນໍາໃຊ້ພາບຖ່າຍດາວທຽມໃນການຄຸ້ມຄອງການນໍາໃຊ້ທີ່ດິນ, ການປົກປັກຮັກສາສິ່ງແວດລ້ອມ, ການສໍາຫຼວດເນື້ອທີ່ປູກເຂົ້າ, ຢາງພາລາ, ມັນຕົ້ນ, ອ້ອຍ, ເນື້ອທີ່ນໍ້າຖ້ວມ, ເນື້ອທີ່ໄຟໄໝ້ປ່າ ແລະ ອື່ນໆ; ແລະ 9) ຄຸ້ມຄອງການດູດແຮ່ຊາຍຕາມລຳນ້ຳຕ່າງໆ. ຊຶ່ງພາຍຫຼັງເຊັນສັນຍາສະບັບນີ້ແລ້ວ ແມ່ນຈະໄດ້ເລີ່ມຕົ້ນຈັດຕັ້ງປະຕິບັດໃນກາງປີ 2024 ນີ້.
:
ລົງນາມໃນສັນຍາສະບັບນີ້ ໂດຍ ທ່ານ ວິໄລສອນ ບຸບຜາລັດ, ຫົວໜ້າກົມເຕັກໂນໂລຊີ ແລະ ນະວັດຕະກຳ, ກະຊວງເຕັກໂນໂລຊີ ແລະ ການສື່ສານ ແລະ ທ່ານ ຊູ ລິນລິນ (Mr. XU LIN LIN), ຜູ້ອໍານວຍການ ບໍລິສັດດາວທຽມເຕັກໂນໂລຊີ ຈໍາກັດ, ໂດຍໃຫ້ກຽດເຂົ້າຮ່ວມເປັນສັກຂີພິຍານຂອງ ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ແລະ ແຂກທີ່ເຂົ້າຮ່ວມທັງໝົດ.

 

ວິໄສທັດ, ຍຸດທະສາດ ແລະ ແຜນພັດທະນາເສດຖະກິດດິຈິຕອນ ແຫ່ງຊາດ
ສະຖິຕິຂະແໜງ ເຕັກໂນໂລຊີ ແລະ ການສື່ສານ ປີ2022
ຖະແຫຼ່ງການ ສະເຫຼີມສະຫຼອງ ວັນໄປສະນີໂລກ ຄົບຮອບ 149 ປີ
ວີດີໂອແນະນໍາ ການຂຶ້ນທະບຽນເລກໝາຍໂທລະສັບ
ລະ​ບົບ​ຂື້ນ​ທະ​ບຽນ​ປະ​ຊຸມ