ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 449
  • ມື້ວານ1,359
  • ອາທິດນີ້1,808
  • ອາທິດກ່ອນ7,501
  • ເດືອນນີ້18,576
  • ເດືອນກ່ອນ43,980
  • ທັງໝົດ301,408
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ການນໍາ ກະຊວງ ປທສ ເຂົ້າຮ່ວມ ກອງປະຊຸມສະຫຼຸບວຽກງານປະຈໍາປີ 2016 ຂອງ ແຂວງຫຼວງພະບາງ.

ໃນວັນທີ 11 ກຸມພາ 2017 ຜ່ານມານີ້, ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມການເຄື່ອນໄຫວວຽກງານໄປສະນີ, ໂທລະຄົມມະນາ ຄົມ ແລະ ການສື່ສານ ປະຈໍາສົກປີ 2015-2016 ແລະ ທິດທາງການເຄື່ອນໄຫວ ສົກປີ 2017 ຂອງພະແນກ ປທສ ແຂວງຫຼວງພະບາງ (ປທສ.ຫຼບ), ທີ່ ຫຼວງພະບາງ. ໂດຍເປັນປະທານຮ່ວມກັບ ທ່ານ ວົງສະຫວັນ ແສງພະຈັນ ຮອງເຈົ້າແຂວງແຂວງຫຼວງພະບາງ ຊຶ່ງມີບັນດາທ່ານເຈົ້້າເມືອງ, ພະແນກອ້ອມຂ້າງແຂວງ ແລະ ບັນດາບໍລິສັດເຂົ້າຮ່ວມ.

ກອງປະຊຸມໃນຄັ້ງ ນີ້ໄດ້ສະຫຼຸບຕີລາຄືນການຈັດຕັ້ງປະຕິບັດວຽກງານໃນ 1 ປີທີ່ຜ່ານມາ (2015-2016) ຊຶ່ງສາມາດຂະຫຍາຍລະບົບ 2G ແລະ 3G ກວມເອົາ 95% ຂອງບ້ານທັງໝົດໃນທົ່ວແຂວງ, ລະບົບ 4G ກວມເອົາ 70% ຂອງຈໍານວນບ້ານໃນຕົວເມືອງ, ໃຫ້ບໍລິການຮັບຝາກຈົດໝາຍໄດ້ 26.330 ສະບັບ, ຂ້ືນທະບຽນໂຟນີໄດ້ 82 ໜ່ວຍ, ໂທລະສັບຕັ້ງໂຕະແບບມີສາຍ ແລະ ບໍ່ມີສາຍລວມທັງໝົດ 88,447 ເລກໝາຍ, ໂທລະສັບມືຖື 181,874 ເລກໝາຍ, ມີຜູ້ໃຊ້ອິນເຕີເນັດທັງໝົດ 40,720 ເລກໝາຍ. ພ້ອມດຽວກັນນີ້ ກໍຍັງມີວຽກງານທີ່ຄົງຄ້າງ ທີ່ຈະຕ້ອງໄດ້ສຶບຕໍ່ສູ້ຊົນຈັດຕັ້ງປະຕິບັດບັນດາໜ້າວຽກຕ່າງໆໃຫ້ສໍາເລັດ ພ້ອມນັ້ນ ກອງປະຊຸມຍັງໄດ້ ຄົ້ນຄວ້າ ແລະ ປະກອບຄໍາຄິດຄໍາເຫັນໃສ່່ບົດສະຫຼຸບສົກປີ 2015-2016 ແລະ ແຜນການປີ 2017 ໃຫ້ມີເນື້ອໃນສົມບູນ.

ໂອກາດດັ່ງກ່າວ ທ່ານ ຮອງລັດຖະມົນຕີກະຊວງ ປທສ ໄດ້ໃຫ້ກຽດໂອ້ລົມ ແລະ ເນັ້ນໜັກຫຼາຍບັນຫາໃຫ້ກັບພະແນກ ປທສ ແຂວງ ໃຫ້ເພີີ່ມທະວີບົດບາດການຄຸ້ມຄອງມະຫາພາກໃຫ້ນັບມື້ນັບສູງຂຶ້ນ ດ້ວຍການນໍາພາຈັດຕັ້ງປະຕິບັດນິຕິກໍາຕ່າງໆທັງກົດໝາຍ ແລະ ລຸ່ມກົດໝາຍ ໃນຂະແໜງການ ປທສ ຊຶ່ງວ່າ ໃນປະຈຸບັນ ທາງກະຊວງກໍາລັງສ້າງກົດໝາຍ 2 ສະບັບໃໝ່ຄື: ກົດໝາຍວ່າດ້ວຍ ຄື້ນຄວາມຖີ່ ແລະ ກົດໝາຍວ່າດ້ວຍ ການປົກປ້ອງຂໍ້ມູນເອເລັກໂຕຣນິກ, ນອກນັ້ນ ຕ້ອງເອົາໃຈໃສ່ເຜີຍແຜ່ໂຄສະນາ ໃຫ້ສັງຄົມໄດ້ຮັບຮູ້ ແລະ ເຂົ້າໃຈຢ່າງທົ່ວເຖິງ ໂດຍສະເພາະແມ່ນການຄຸ້ມຄອງ ແລະ ນໍາໃຊ້ສື່ສັງຄົມອອນລາຍ ແລະ ຊຸກຍູ້ໃຫ້ບັນດາບໍລິສັດໄປສະນີ ໂທລະຄົມ ມະນາຄົມ ແລະ ການສື່ສານ ພາຍໃນແຂວງ ຕ້ອງຂະຫຍາຍເຄືອຂ່າຍການບໍລິການໃຫ້ທົ່ວເຖິງ ແລະ ໃຫ້ຮັບປະກັນຄຸນນະພາບ, ເອົາໃຈໃສ່ ເພີ່ມທະວີວຽກງານສຶກສາອົບຮົມແນວຄິດ-ການເມືອງ, ປັບປຸງກົງຈັກການຈັດຕັ້ງໃຫ້ສອດຄ່ອງກັບຄວາມຕ້ອງ ການຂອງວຽກງານໃນໄລຍະໃໝ່ ແລະ ມີປະສິດທິຜົນຕາມທີ່ວາງໃວ້. ພ້ອມນັ້ນ ທ່ານຍັງໄດ້ເນັ້ນໃສ່ ການພັດທະນາບຸກຄະລາກອນ ແລະ ການນໍາໃຊ້ດາວທຽມຂອງ LAO SAT ໃຫ້ເກີດຜົນປະໂຫຍດສູງສຸດ.

ໂດຍ: ຫ້ອງການ, ພະແນກປະຊາສໍາພັນ.