ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,044
  • ມື້ວານ998
  • ອາທິດນີ້4,194
  • ອາທິດກ່ອນ6,922
  • ເດືອນນີ້17,576
  • ເດືອນກ່ອນ30,760
  • ທັງໝົດ223,043
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ງານສໍາມະນາເຜີຍແຜ່ ການຄຸ້ມຄອງ ແລະ ການບໍລິການ ລະຫັດຊື່ອີນເຕີເນັດສູງສຸດ ແຫ່ງຊາດ ດ໋ອດລາ (.La) ແລະ ສູນຂໍ້ມູນແຫ່ງຊາດ

ໃນຕອນເຊົ້າ ຂອງວັນທີ 23 ມັງກອນ 2017 ນີ້, ທີ່ ສູນອິນເຕີເນັດແຫ່ງຊາດ (ສອຊ), ກະຊວງ ໄປສະນີ, ໂທລະຄົມມະນາຄົມ ແລະການສື່ສານ (ປທສ) ຮ່ວມກັບ ໂຄງການສື່ສານຮັບໃຊ້ການນໍາ ແລະ ພາກລັດບໍລິຫານ (ຄກສພ), ກະຊວງ ປ້ອງກັນປະເທດ, ໄດ້ຈັດງານ ສໍາມະນາເຜີຍແຜ່ “ການຄຸ້ມຄອງ ແລະ ການບໍລິການ ລະຫັດຊື່ອີນເຕີເນັດສູງສຸດ ແຫ່ງຊາດ ດ໋ອດລາ (.LA) ແລະ ສູນຂໍ້ມູນແຫ່ງຊາດ”. ໂດຍການເປັນປະທານຂອງ ທ່ານ ບຸນສະເຫຼີມໄຊ ເຄນນາວົງ, ຮອງລັດຖະມົນຕີກະຊວງ ປທສ, ມີບັນດາທ່ານ ຫົວໜ້າກົມ, ຮອງກົມ, ສູນ, ສະຖາບັນ, ບັນດາບໍລິສັດຜູ້ໃຫ້ບໍລິການດ້ານໂທລະຄົມມະນາຄົມ ແລະ ໄອຊີທີ ພ້ອມດ້ວຍແຂກທີ່ຖືກເຊີນເຂົ້າຮ່ວມ ຫຼາຍກວ່າ 100 ທ່ານ.

ກະຊວງ ປທສ ເຊິ່ງມີໜ້າທີ່ຄຸ້ມຄອງມະຫາພາກທັງໝົດກ່ຽວກັບວຽກງານ ໄປສະນີ, ໂທລະຄົມມະນາຄົມ ແລະ ເຕັກໂນໂລຊີສື່ສານຂໍ້ມູນຂ່າວສານ (ໄອຊີທີ) ໃນຂອບເຂດທົ່ວປະເທດ ເປັນຕົ້ນແມ່ນ ໂຄງລ່າງພື້ນຖານເຕັກໂນໂລຊີການສື່ສານຂໍ້ມູນຂ່າວສານ, ສູນຂໍ້ມູນຂ່າວສານ, ໂຄງລ່າງພື້ນຖານລະຫັດຄວາມປອດໄພ, ເຜີຍແຜ່ບັນດານິຕິກໍາປິ່ນອ້ອມ ແລະ ການພັດທະນາ ໂຄ່ງລ່າງພື້ນຖານທີ່ຈໍາເປັນດ້ານ ໄອຊີທີ ເຊັ່ນ: ດໍາລັດ ວ່າດ້ວຍ ສູນຂໍ້ມູນຂ່າວສານຜ່ານອິນເຕີເນັດແຫ່ງຊາດ, ການຄຸ້ມຄອງນໍາໃຊ້ລະຫັດຊື່ອິນເຕີເນັດແ່ງຊາດ .LA, ການຄຸ້ມຄອງນໍາໃຊ້ສູນຂໍ້ມູນຂ່າວສານແຫ່ງຊາດ, ການຄຸ້ມຄອງນໍາໃຊ້ລະບົບສາຍສົ່ງແຫ່ງຊາດ ແລະ ວຽກງານການຮັບປະກັນຄວາມປອດໄພດ້ານໄອຊີທີ ທີ່ໄດ້ຮັບອະນຸຍາດຈາກສູນໃບຮັບຮອງເອເລັກໂຕຣນິກສູງສຸດແຫ່ງຊາດ.

ໃນໂອກາດນີ້, ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີ ກະຊວງ ປທສ, ໄດ້ໃຫ້ກຽດເປີດໂຕລະຫັດ ຊື່ອິນເຕີເນັດສູງສຸດ ແຫ່ງຊາດ .LA ຢ່າງເປັນທາງການ, ພາຍຫຼັງ ທີ່ໄດ້ສໍາເລັດການຍົກຍ້າຍລະບົບມາ ສປປ ລາວ ແລະ ສາມາດຄຸ້ມຄອງເອງຢ່າງສົມບູນ ນັບຕັ້ງແຕ່ວັນທີ 26 ກໍລະກົດ 2016 ເປັນຕົ້ນມາ ແລະ ໄດ້ມອບໃຫ້ສູນອິນເຕີເນັດແຫ່ງຊາດ ເປັນຜູ້ຄຸ້ມຄອງ, ສົ່ງເສີມ, ພັດທະນາການນໍາໃຊ້ ໃຫ້ເກີດໝາກຜົນສູງສຸດ. ພ້ອມດຽວກັນນີ້, ບັນດາແຂກທີ່ເຂົ້າຮ່ວມ ກໍ່ໄດ້ມີໂອກາດຢ້ຽມຊົມ ສູນຂໍ້ມູນແຫ່ງຊາດ ທີ່ໄດ້ຜ່ານການຮັບຮອງດ້ານມາດຕະຖານ IOS/IEC 27001:2013, ຊຶ່ງ ນອກຈາກຈະໃຊ້ສໍາລັບລະບົບຄຸ້ມຄອງລະຫັດຊື່ອິນເຕີເນັດສູງສຸດແຫ່ງຊາດ .LA ແລ້ວ, ຍັງສາມາດສະໜອງລະບົບ ຄຣາວຄອມພິວຕິງ (Cloud Computing),ໃຫ້ບໍລິການສະໜອງສະຖານທີ່ຝາກອຸປະກອນ (co-location), ສະໜອງຝາກເວັບໄຊ໌ (web hosting) ແລະ ເປັນພື້ນຖານໂຄງລ່າງທີ່ສໍາຄັນໃຫ້ແກ່ການສ້າງລະບົບບໍລິຫານລັດດ້ວຍເອເລັກໂຕຣນິກ (e-Government) ໃນອານາຄົດ.

ພາຍໃນງານ, ຍັງໄດ້ມີການຈັດວາງສະແດງ ໃຫ້ບໍລິການຈົດທະບຽນ .LA ທັງແບບເປັນອັກສອນລາວ ແລະ ອັກສອນໂຣມັນ (ຕົວຢ່າງ: www.ຕົວຢ່າງ.la, www.example.la) ຜ່ານຜູ້ໃຫ້ບໍລິການຈົດທະບຽນພາຍໃນປະເທດ ເຊັ່ນ: ບໍລິສັດ ລັດວິສາຫະກິດ ລາວໂທລະຄົມ (LTC), ບໍລິສັດ ວັອດໂດເມນແນມ (ສາມາດຈົດຜ່ານເວັບໄຊ໌ www.whatdomain.la) ແລະ ບໍລິສັດ ລາວໂຮສ (www.laohosts.la) ຊຶ່ງຈະມີເພີ່ມຂຶ້ນອີກໃນອານາຄົດ.

ໂດຍ: ສູນອິນເຕເນັດແຫ່ງຊາດ.