ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 461
  • ມື້ວານ1,359
  • ອາທິດນີ້1,820
  • ອາທິດກ່ອນ7,501
  • ເດືອນນີ້18,588
  • ເດືອນກ່ອນ43,980
  • ທັງໝົດ301,420
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປາຖະກະຖາ ລະນຶກວັນສາກົນລຶບລ້າງການໃຊ້ຄວາມຮຸນແຮງຕໍ່ແມ່ຍິງ

ໃນວັນທີ 21 ທັນວາ 2016 ນີ້, ເວລາ 08:30 ໂມງ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ( ປທສ ) ໄດ້ຈັດພິທິປາຖະກະຖາ “ລະນຶກວັນສາກົນລຶບລ້າງການໃຊ້ຄວາມຮຸນແຮງຕໍ່ແມ່ຍິງ ວັນທີ 25 ພະຈິກ 2016” ໃຫ້ແກ່ພະນັກງານ-ລັດຖະກອນອ້ອມຂ້າງກະຊວງ ປທສ ໂດຍການເປັນປະທານຂອງ ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງ ປທສ, ຜູ້ຊີ້ນໍາ ແລະ ວຽກງານສົ່ງເສີມຄວາມກ້າວໜ້າຂອງແມ່ຍິງ, ແມ່ ແລະເດັກ ກະຊວງ ປທສ. ໃຫ້ກຽດບັນຍາຍເອກະສານໃນຄັ້ງນີ້ ໂດຍ ທ່ານ ນາງ ມະນີວອນ ຫຼວງສົມບັດ ຮອງຫົວໜ້າກອງເລຂາຄະນະກຳມາເພື່ອຄວາມກ້າວໜ້າຂອງແມ່ຍິງແຫ່ງຊາດ, ມີບັນດາທ່ານຫົວໜ້າກົມ, ຮອງຫົວໜ້າກົມ, ຄະນະຜູ້ອໍານວຍການ, ຫົວໜ້າພະແນກ, ຮອງຫົວໜ້າພະແນກ, ບໍລິສັດ ລັດວິສາຫະກິດ ໄປສະນີ, ໂທລະຄົມມະນາຄົມ ພ້ອມດ້ວຍພະນັກງານອ້ອມຂ້າງກະຊວງເຂົ້າຮ່ວມຈໍານວນ 190 ກວ່າທ່ານ.

ໃນການຈັດປາຖະກະຖາຄັ້ງນີ້ແມ່ນ ເພື່ອໂຄສະນາປູກຈິດສຳນຶກໃຫ້ແກ່ພະນັກງານລັດຖະກອນໃຫ້ມີຄວາມຮັບຮູ້, ເຂົ້າໃຈກ່ຽວກັບບັນຫາຂອງການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ, ຜົນກະທົບຂອງຄວາມຮຸນແຮງຕໍ່ແມ່ຍິງ, ປ່ຽນແປງທັດສະນະຄະຕິຈາກຈິນຕະນາການແບບເກົ່າ ແລະ ໃຫ້ອະໄພຕໍ່ຜູ້ທີ່ໃຊ້ຄວາມຮຸນແຮງຕໍ່ແມ່ຍິງ ໄປສູ່ຈິນຕະນາການແບບໃໝ່ທີ່ຖືກຕ້ອງໄດ້ຮັບຮູ້ເຖິງຄວາມຮຸນແຮງຕໍ່ແມ່ຍິງ ແລະ ເດັກ ເປັນການລ່ວງລະເມີດສິດທິມະນຸດ ແລະ ເປັນການຈຳແນກຕໍ່ແມ່ຍິງ ແລະ ເດັກ. ເຊື່ອມຊຶມກ່ຽວກັບບົດບາດຍິງ-ຊາຍ, ບັນດານິຕິກຳພາຍໃນ, ສົນທິສັນຍາຕ່າງໆທີ່ກ່ຽວພັນກັບການປົກຄອງ, ສິດ ແລະຜົນປະໂຫຍດ, ໂດຍສະເພາະໃຫ້ມີຄວາມເຂົ້າໃຈແຈ້ງຕໍ່ກັນການລະນຶກວັນສາກົນເພື່ອລຶບລ້າງການໃຊ້ຄວາມຮຸນແຮງຕໍ່ແມ່ຍິງໃນວັນທີ 25 ພະຈິກ 2016.

ຜ່ານການປະຖະກະຖາບັນດາຜູ້ເຂົ້າຮ່ວມສາມາດເຊື່ອມຊຶມ ແລະ ກໍາແໜ້ນແນວທາງນະໂຍບາຍຂອງພັກ- ລັດກ່ຽວກັບການສົ່ງເສີມຄວາມສະເໝີພາບຍິງ-ຊາຍ ແລະ ການມອບສິດເປັນເຈົ້າໃຫ້ແກ່ແມ່ຍິງໄດ້ມີສ່ວນຮ່ວມຫຼາຍກວ່າໃນຂົງເຂດການເມືອງ, ເສດຖະກິດ, ວັດທະນະທຳ-ສັງຄົມ ແລະ ຄອບຄົວ, ຮັບປະກັນໃຫ້ວຽກງານສົ່ງເສີມຄວາມສະເໝີພາບຍິງ-ຊາຍ ໄດ້ຖືກເຊື່ອມເຂົ້າໃນທຸກການເຄື່ອນໄຫວຂອງຂະແໜງການຕົນ ແລະ ໄດ້ຮັບການຈັດຕັ້ງຢ່າງມີປະສິດທິພາບ.