ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,049
  • ມື້ວານ998
  • ອາທິດນີ້4,199
  • ອາທິດກ່ອນ6,922
  • ເດືອນນີ້17,581
  • ເດືອນກ່ອນ30,760
  • ທັງໝົດ223,048
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມປະຖະກະຖາວັນຊາດທີ 2 ທັນວາ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ

ໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 41 ປີ ( 2 ທັນວາ 1975 – 2 ທັນວາ 2016 ) ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 96 ປີ ( 13 ທັນວາ 1920 – 13 ທັນວາ 2016 ) ທີ່ໝູນວຽນມາຄົບຮອບອີກວາລະໜຶ່ງ ໃນຕອນເຊົ້າຂອງວັນທີ 09 ທັນວາ 2016 ກະຊວງໄປສະນີ,ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີຫວນຄືນມູນເຊື້ອ 2 ວັນປະຫວັດສາດດັ່ງກ່າວ ໃຫ້ກຽດປະຖະກະຖາເລົ່າມູນເຊື້ອຂອງ ທ່ານ ສີປະເສີດ ແສນສະຫວັດ ຮອງຫົວໜ້າຄະນະໂຄສະນາອົບຮົມສູນກາງພັກ ໂດຍການເຂົ້າຮ່ວມຂອງ ທ່ານ ທອງໃສ ຊານໃຊຍະ ຮອງເລຂາຄະນະພັກກະຊວງ, ຮອງລັດຖະມົນຕີກະຊວງ ປທສ, ມີຄະນະບັນດາກົມ/ທຽບເທົ່າຄະນະພັກຮາກຖານ, ຄະນະອຳນວຍການ ພ້ອມດ້ວຍພະ ນັກງານລັດຖະກອນອ້ອມຂ້າງກະຊວງເຂົ້າຮ່ວມ.

ໃນໂອກາດນີ້ ທ່ານ ສີປະເສີດ ແສນສະຫວັດ ຮອງຫົວໜ້າຄະນະໂຄສະນາອົບຮົມສູນກາງພັກໄດ້ຍົກໄຫ້ເຫັນປະຫວັດຕົ້ນກຳເນີດ, ມູນເຊື້ອວັນຊາດທີ 2 ທັນວາ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ໃຫ້ພະນັກງານການນຳຫຼັກແຫຼ່ງ ໃຫ້ມີຄວາມຮັບຮູ້ ແລະ ເຂົ້າໃຈຕໍ່ມູນເຊື້ອການຕໍ່ສູ້ຂອງປະຊາຊົນບັນດາເຜົ່າ, ໄດ້ເຊີດຊູນ້ຳໃຈຮັກຊາດເອກະລາດເປັນເຈົ້າຕົນເອງ ເພື່ອສ້າງສາປະເທດຊາດໃຫ້ມີຄວາມມັ່ງຄັ້ງແຂ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສາມັກຄີປອງດອງ, ມີຄວາມຍຸຕິທຳ ແລະ ເຊື່ອມຊຶມເຫັນໄດ້ບົດບາດການນຳພາຂອງພັກປະຊາຊົນປະຕິວັດລາວ, ປະຊາຊົນລາວມີຄວາມສາມັກຄີຕໍ່ສູ້ຢ່າງພິລະອາດຫານ ຕ້ານການຮຸກຮານ, ການຄອບຄອງຂອງພວກລ່າເມືອງຂຶ້ນແບບເກົ່າ ແລະແບບໃໝ່ ສາມາດປົດປ່ອຍຊາດໄດ້ຢ່າງມີໄຊ.

ນອກນີ້ທ່ານຍັງຍົກໃຫ້ເຫັນຜົນງານການສ້າງສາພັດທະນາປະເທດຊາດ ຂອງພັກ-ລັດ ແລະ ຄຸນງາມຄວາມດີອັນໃຫຍ່ຫຼວງຂອງປະທານ ໄກສອນ ພົມວິຫານ ທີ່ມີຕໍ່ປະເທດຊາດ, ການປະຕິວັດລາວຊຶ່ງທ່ານເປັນຜູ້ນຳທີ່ມີນ້ຳໃຈເສຍສະຫຼະເພື່ອຊາດ ແລະເພື່ອປະຊາ ຊົນທີ່ແທ້ຈິງ, ເປັນແບບຢ່າງໃນການຊີ້ນຳໆພາ, ເຮັດວຽກມີແບບແຜນ, ດຳລົງຊີວິດແບບລຽບງ່າຍ, ບໍ່ຟູມເຟືອຍ, ເປັນຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ ຊຶ່ງພວກເຮົາຄົນຮຸ່ນໜຸ່ມຈະຕັ້ງໜ້າຮ່ຳຮຽນ ແລະ ສືບທອດມໍລະດົກອັນລ້ຳຄ່າ ຂອງທ່ານປະທານ ໄກສອນ ພົມວິຫານ ໄດ້ສ້າງໄວ້ ເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດ ໃຫ້ມີຄວາມຈະເລີນກ້າວໜ້າຕະຫຼອດໄປ.