ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 462
  • ມື້ວານ1,359
  • ອາທິດນີ້1,821
  • ອາທິດກ່ອນ7,501
  • ເດືອນນີ້18,589
  • ເດືອນກ່ອນ43,980
  • ທັງໝົດ301,421
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມວຽກງານຂະແໜງການໄປສະນີ, ໂທລະຄົມມະນາຄົມ ແລະການສື່ສານ ອັດລົງດ້ວຍຜົນສໍາເລັດ

ກອງປະຊຸມວຽກງານຂະແໜງການໄປສະນີ, ໂທລະຄົມມະນາຄົມ ແລະການສື່ສານ ປີ 2015, 2016, ແລະກອງປະຊຸມວຽກງານ ໄອຊີທີ ປີ 2017 ອັດລົງດ້ວຍຜົນສໍາເລັດທີ່ຈົບງາມ, ທີ່ຫໍປະຊຸມແຫ່ງຊາດ ໃນວັນທີ 15 ທັນວາ 2016 ນີ້, ໂດຍການເປັນປະທານຂອງ ທ່ານ ປອ. ບຸນທອງ ຈິດມະນີ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ມີທ່ານລັດຖະມົນຕີ/ຮອງລັດຖະມົນຕີ, ຮອງເຈົ້າຄອງນະຄອນຫຼວງ/ຮອງເຈົ້າແຂວງ, ຄະນະກົມ/ທຽບເທົ່າ ແລະຄະນະ ປທສ ແຂວງ ພ້ອມດ້ວຍແຂກທີ່ຖືກເຊີນເຂົ້່າຮ່ວມຫຼາຍກວ່າ 480 ທ່ານ.

ໃນກອງປະຊຸມ ທ່ານ ປອ. ທັນສະໄໝ ກົມມະສິດ ລັດຖະມົນຕີກະຊວງ ໄປສະນີ, ໂທລະຄົມມະນາຄົມ ແລະການສື່ສານ (ປທສ) ໄດ້ສະຫຼຸບວຽກງານຂະແໜງການໄປສະນີ, ໂທລະຄົມມະນາຄົມ ແລະການສື່ສານ ປີ 2015, 2016, ແລະກອງປະຊຸມວຽກງານ ໄອຊີທີ ປີ 2017, ຈາກນັ້ນກໍ່ໄດ້ສະເໜີແຜນການໃນຕໍ່ໜ້າປີ 2017 ຊຶ່ງຈະໄດ້ສືບຕໍ່ຈັດຕັ້ງຜັນຂະຫຍາຍແນວທາງຂອງພັກ ແລະ ແຜນພັດທະນາເສດຖະກິດ-ສັງຄົມ ໃຫ້ເປັນອັນລະອຽດ ໃນຂົງເຂດໄປສະນີ, ໂທລະຄົມມະນາຄົມ ແລະ ການສື່ສານ ເພື່ອເຮັດໃຫ້ວຽກງານດັ່ງກ່າວກາຍເປັນກຳລັງຂັບເຄື່ອນທີ່ແຂງແຮງ ເຂົ້າໃນການພັດທະນາເສດຖະກິດ, ສັງຄົມ, ວັດທະນະທຳ, ສິ່ງແວດລ້ອມ, ວຽກງານປ້ອງກັນຊາດ ແລະ ປ້ອງກັນຄວາມສະຫງົບ, ການເຊື່ອມຍົງກັບພາກພື້ນ ແລະ ສາກົນ.

ໃນຕອນທ້າຍຂອງກອງປະຊຸມ ທ່ານ ປອ. ບຸນທອງ ຈິດມະນີ, ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດໂອ້ລົມຕໍ່ກອງປະຊຸມ ຊຶ່ງທ່ານໄດ້ກ່າວບາງຕອນວ່າ: ການນຳໃຊ້ເຕັກໂນໂລຊີຂໍ້ມູນຂ່າວສານ ຫຼື ໄອຊີທີ ຢູ່ໃນໂລກນີ້ມີການຂະຫຍສຍຕົວໄວ ທັງທາງຂວາງ ແລະ ທາງເລິກ. ໃນສະພາບເງື່ອນໄຂໂລກາພິບັດ ແລະ ເຊື່ອມໂຍງສາກົນ, ປະເທດເຮົາຕ້ອງໄດ້ເພິ່ມຂີດຄວາມສາມາດ ເພື່ອບືນຕົວບືນໃຫ້ທັນກັບປະເທດອື່ນໆ, ຕ້ອງໄດ້ຮ່ວມແຮງຮ່ວມໃຈ ປະກອບສ່ວນຈາກທຸກໆຂະແໜງການ ທັງພາກລັດ ແລະ ເອກະຊົນ ເພື່ອນຳໃຊ້ໃຫ້ເກີດປະໂຫຍດສູງສຸດ ຫຼີກລ້ຽງສິ່ງຫຍໍ້ທໍ້, ສິ່ງທີ່ເປັນໄພຕໍ່ສັງຄົມ ແລະ ບຸກຄົນ.

ເພື່ອໃຫ້ຄຳຂວັນຂອງກອງປະຊຸມສາມາດຈັດຕັ້ງປະຕິບັດໃຫ້ເປັນຮູບປະທຳ ທ່ານ ຮອງນາຍົກລັດຖະມົນຕີໄດ້ຊີ້ນຳໃຫ້ທຸກພາກສ່ວນ ຕ້ອງເອົາໃຈໃສ່ປະຕິບັດຕາມພາລະບົດບາດຂອງຕົນຢ່າງເຂັ້ມແຂງໃນການນຳໃຊ້ເຕັກໂນໂລຊີໃຫ້ເກີດຜົນປະໂຫຍດສູງສຸດ.