ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,052
  • ມື້ວານ998
  • ອາທິດນີ້4,202
  • ອາທິດກ່ອນ6,922
  • ເດືອນນີ້17,584
  • ເດືອນກ່ອນ30,760
  • ທັງໝົດ223,051
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ງານສຳມະນາ “ການສ້າງຄວາມເຂັ້ມແຂງໃນການບໍລິຫານລັດ

ໃນວັນທີ 08 ທັນວາ 2016 ທີ່ ນະຄອນຫຼວງວຽງຈັນ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຮ່ວມກັບ ບໍລິສັດໄມໂຄຣຊອບ (Microsoft) ຈັດງານສຳມະນາກ່ຽວກັບ ແນວທາງການບໍລິຫານລັດ ພາຍໃຕ້ ຫົວຂໍ້ “ສ້າງຄວາມເຂັ້ມແຂງ ໃນການບໍລິຫານລັດ” ໂດຍ ທ່ານ ປອ.ທັນສະໄໝ ກົມມະສິດ, ລັດຖະມົນຕີ ກະຊວງ ປທສ ໄດ້ໃຫ້ກຽດເປັນປະທານຮ່ວມກັບ ທ່ານ ນາງ ມິເຊວ ຊີມມອນ, ຜູ້ອຳນວຍການຝ່າຍການຕະຫຼາດ, ບໍລິສັດໄມໂຄຣຊອບ ເຂດອາຊີຕາເວັນອອກສ່ຽງ ໃຕ້. ງານສໍາມະນາດັ່ງກ່າວ ໄດ້ຮັບຄວາມສົນໃຈເຂົ້າຮ່ວມຈາກພາກລັດ, ພາກເອກະຊົນ ທັງພາຍໃນ ແລະ ຕ່າງປະເທດ, ຊຶ່ງຈຸດປະສົງຂອງງານສໍາມະນາ ໃນຄັ້ງນີ້ແມ່ນການແລກປ່ຽນປະສົບການ ແລະ ບົດຮຽນກ່ຽວກັບ ວິທີການນໍາໃຊ້ປະໂຫຍດຈາກເຕັກໂນໂລຊີ ເພື່ອຫັນໄປສູ່ດິຈີຕອນ, ສະໜັບສະໜູນ ແລະ ປະກອບສ່ວນໃນການພັດທະນາ ເສດຖະກິດ-ສັງຄົມ ຂອງ ສປປລາວ.

ທ່ານ ທັນສະໄໝ ກົມມະສິດ ໄດ້ກ່າວໃນຕອນໜຶ່ງວ່າ: “ນໍາໃຊ້ ເຕັກໂນໂລຊີທີ່ເໝາະສົມ ຄຽງຄູ່ກັບການເລືອກນຳໃຊ້ ໄອຊີທີ ຢ່າງສະຫຼາດ, ມີຈັນຍາບັນ ແລະ ດ້ວຍຄວາມຮັບຜິດຊອບສູງ, ໂດຍສະເພາະປັດຈຸບັນ ຄວາມຫຼາກຫຼາຍ ຂອງບັນດາໄອຊີທີ ທີ່ມີການພັດທະນາແບບກ້າວກະໂດດ ແລະ ແບບລວມສູນ ຈະເປັນກຸນແຈສໍາຄັນໃນການປະກອບສ່ວນ ພັດທະນາ ເສດຖະກິດ ຂອງ ສປປ ລາວ, ແລະ ຫັນປະເທດລາວໃຫ້ກາຍເປັນ ເສດຖະກິດ-ສັງຄົມ ດິຈິຕອນ”.

ທ່ານ ວິເວກ ພູທູໂຄດ (Vivek Puthucode), ຜູ້ອຳນວຍການຝ່າຍລັດ ບໍລິສັດໄມໂຄຣຊອບ ໄດ້ກ່າວວ່າ: “ປັດຈຸບັນນີ້ ເຖີງແມ່ນວ່າຈະມີການພັດທະນາແບບລວມສູນຂອງຍຸກດີຈິຕອນ, ແຕ່ຍັງມີຊ່ອງຫວ່າງ ແລະ ຫຼາຍຄົນ ຍັງບໍ່ສາມາດເຂົ້າເຖິງປະໂຫຍດຂອງເສດຖະກິດດິຈີຕອນເທື່ອ, ເຖິງແມ່ນວ່າ ຈະມີບັນດາຂະແໜງການດ້ານອຸດສາຫະກໍາທີ່ຮອງຮັບຢູ່ແລ້ວກໍ່ຕາມ. ເປົ້າໝາຍຂອງພວກເຮົາແມ່ນຈະເຮັດວຽກຢ່າງໃກ້ຊິດ ກັບພາກລັດຖະບານ ແລະ ສັງຄົມ ໃນການສະໜັບສະໜູນ ແລະການອໍານວຍຄວາມສະດວກ ເພື່ອກ້າວຜ່ານ ສິ່ງທ້າທາຍຕ່າງໆ ແລະ ສ້າງສະພາບແວດລ້ອມໃນການເຮັດວຽກໃນລະບົບຄລາວ (Cloud) ເພື່ອເພີ່ມຄວາມສາມາດໃນການແຂ່ງຂັນທາງທຸລະກິດ, ການຜະລິດ ແລະ ການບໍລິຫານ ທີ່ທັນສະໄໝ ໂດຍການນໍາໃຊ້ເຕັກໂນໂໍລຊີ ທີ່ເໝາະສົມ ແລະ ຮັບປະກັນຄວາມປອດໄພ”. ບໍລິສັດໄມໂຄຣຊອບຍັງມີເປົ້າໝາຍ ໃນການຄິດຄົ້ນຜະລິດຕະພັນໃໝ່ໆທີ່ແທດເໝາະສໍາລັບຜູ້ປະກອບການພາຍໃນປະເທດ, ອີກທັງເພື່ອຫັນປ່ຽນ ຮູບແບບວິທີການໃນການຮ່ວມມື ແລະ ການເຮັດວຽກຮ່ວມກັນຂອງຜູ້ໃຫ້ບໍລິການ ແລະ ຜູ້ໃຊ້ບໍລິການ ຜ່ານລະບົບຄລາວ.

ທ່ານ ມິເຊວ ຊິມມອນ ໄດ້ກ່າວວ່າ: “ນອກຈາກ ການເຂົ້າເຖິງເຄື່ອງມືທີ່ເໝາະສົມ, ເຮົາຍັງຕ້ອງຮູ້ວິທີການໃນການນໍາໃຊ້ ຢ່າງຖືກຕ້ອງ”, ທ່ານຍັງໄດ້ກ່າວອີກວ່າ “ສິ່ງສໍາຄັນໃນການພັດທະນາ ປະເທດລາວ ໃນຕໍ່ໜ້າ ແມ່ນການເພີ່ມຄວາມຮູ້ຄວາມສາມາດດ້ານໄອຊີທີ ໃຫ້ແກ່ປະຊາຊົນ. ພວກເຮົາກໍາລັງເຮັດວຽກຮ່ວມກັບລັດຖະບານ ເພື່ອສ້າງບັນດາ ໂປຣແກຣມ ແລະ ແຜນງານສົ່ງເສີມ ຄວາມຮູ້ ດ້ານຕ່າງໆ, ແລະ ຊ່ວຍສະໜັບສະໜູນໂຄງການ ການສຶກສາ ດ້ວຍການນໍາໃຊ້ ຊັບພະຍາກອນທີ່ເໝາະສົມ ເພື່ອເພີ່ມທັກສະ ແລະ ຄວາມຮູ້ດ້ານວິທະຍາສາດ, ເຕັກໂນໂລຊີ, ວິສະວະກໍາ ແລະ ຄະນິດສາດ (STEM) ໃຫ້ແກ່ເຍົາວະຊົນ ແລະ ໄວໜຸ່ມ ຢູ່ທ້ອງຖິ່ນ ເພື່ອກະກຽມໃຫ້ເຂົາເຈົ້າ ສາມາດປະກອບອາຊີບໃນອະນາຄົດ”.