ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,042
  • ມື້ວານ998
  • ອາທິດນີ້4,192
  • ອາທິດກ່ອນ6,922
  • ເດືອນນີ້17,574
  • ເດືອນກ່ອນ30,760
  • ທັງໝົດ223,041
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມສຳມະນາ ລາວອິນເຕີເນັດຄວາມໄວສູງ 2016 (Laos Broadband Forum 2016)

ໃນວັນທີ 30 ພະຈິກ 2016 ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ຮ່ວມກັບ ບໍລິສັດ Huawei ໄດ້ຈັດກອງປະຊຸມສຳມະນາ ລາວອິນເຕີເນັດຄວາມໄວສູງ 2016 (Laos Broadband Forum 2016) ທີ່ ໂຮງແຮມ ແລນມາກ, ນະຄອນຫຼວງວຽງຈັນ ໂດຍການເປັນປະທານຮ່ວມຂອງ ທ່ານ ປອ. ທັນສະໄໝ ກົມມະສິດ ລັດຖະມົນຕີ ກະຊວງ ປທສ ແລະ ທ່ານ Jin Yuzhi ຮອງປະທານຂົງເຂດອາຊີຕາເວັນອອກສ່ຽງໃຕ້, ບໍລິສັດ Huawei, ມີການເຂົ້າຮ່ວມຂອງທ່ານ Wang Qihui, ທູດເສດຖະກິດ ແລະການຄ້າ, ສະຖານທູດ ສປ. ຈີນ ປະຈຳລາວ, ທ່ານ Hang Khotara ຫົວໜ້າກົມນະໂຍບາຍໂທລະຄົມມະນາຄົມ, ກະຊວງ ໄປສະນີ ໂທລະຄົມມະນາຄົມ ປະເທດ ກຳປູເຈຍ, ທ່ານ Wisit Atipayakoon ຕາງໜ້າໃຫ້ສະຫະພາບໂທລະຄົມສາກົນ (ITU) ຂົງເຂດອາຊີປາຊີຟິກ, ທ່ານ Zeng Xingyun ຫົວໜ້າຝ່າຍການຕະຫຼາດ, ບໍລິສັດ Huawei, ມີບັນດາຫົວໜ້າກົມ, ຮອງກົມ ພ້ອມດ້ວຍແຂກທີ່ຖືກເຊີນຫຼາຍກວ່າ 150 ທ່ານ.

ບັນດາ ຊ່ຽວຊານຈາກບໍລິສັດ ຜູ້ໃຫ້ບໍລິການດ້ານ ໂທລະຄົມມະນາຄົມ, ອົງການຈັດຕັ້ງ ລັດ, ສະຫະພາບໂທລະຄົມ ສາກົນ (ITU), ບໍລິສັດ Huawei, ກະຊວງ ໄປສະນີ ໂທລະຄົມມະນາຄົມ ປະເທດ ກຳປູເຈຍ, ບັນດາພາກສ່ວນ ທີ່ກ່ຽວຂ້ອງ ຈາກປະເທດ ອ້ອມຂ້າງ ໄດ້ນຳສະເໜີບົດລາຍງານຕໍ່ຜູ້ເຂົ້າຮ່ວມງານ. ຊຶ່ງແມ່ນ ຜູ້ຕ່າງໜ້າຈາກ ຂະແໜງການໂທລະຄົມມະນາຄົມ ທັງພາກລັດ ແລະເອກະຊົນ.

ທ່ານ ປອ. ທັນສະໄໝ ກົມມະສິດ ລັດຖະມົນຕີ ກະຊວງ ປທສ ໄດ້ກ່າວຕໍ່ກອງປະຊຸມວ່າ: ເຕັກໂນໂລຊີການສື່ສານ ແລະ ຂໍ້ມູນຂ່າວສານ (ICT) ແມ່ນເຄື່ອງມືທີ່ສຳຄັນໃນການຂັບເຄື່ອນການພັດທະນາ ເສດຖະກິດ-ສັງຄົມ, ໃນປັດຈຸບັນນີ້ ICT ກໍ່ຍິ່ງຈະມີບົດບາດສຳຄັນ ຕໍ່ການດຳລົງຊີວິດຂອງປະຊາຊົນລາວ ແລະbroadband ຫຼື ອິນເຕີເນັດຄວາມໄວສູງນີ້ ຈະເປັນພາກສ່ວນໜຶ່ງທີ່ສຳຄັນໃນການບັນລຸວິໄສທັດດັ່ງກ່າວ. ດັ່ງນັ້ນ, ກະຊວງ ປທສ ຈຶ່ງໄດ້ມີການພັດທະນາ ICT ເພື່ອໃຫ້ປະຊາຊົນໄດ້ຊົມໃຊ້ຢ່າງທົ່ວເຖິງ, ກວ້າງຂວາງ, ສະດວກ, ວ່ອງໄວ, ມີຄຸນນະພາບ, ລາຄາເໝາະສົມ ແລະ ປອດໄພ ເພື່ອເປັນເຄຶ່ອງມືໃນຂັບເຄື່ອນການພັດທະນາເສດຖະກິດ-ສັງຄົມ ໃຫ້ເຂັ້ມແຂງ ແລະຈະສຶບຕໍ່ຜັກດັນພັດທະນາ ICT ໃນ ສປປ ລາວ ໃຫ້ກ້າວໜ້າ ຢ່າງບໍ່ຢຸດຢັ້ງ ແລະຮຽກຮ້ອງໃຫ້ ທຸກພາກສ່ວນຮ່ວມແຮງຮ່ວມໃຈເລືອກນຳໃຊ້ໄອຊີທີຢ່າງສະຫຼາດ, ມີຈັນຍາບັນ ແລະດ້ວຍຄວາມຮັບຜິດຊອບສູງ, ເພື່ອຊີວິດການເປັນຢູ່ທີ່ດີຂຶ້ນ, ສັງຄົມປອດໄພ ແລະ ເສດຖະກິດຂອງຊາດ ທີ່ເຂັ້ມແຂງ.

ກອງປະຊຸມສຳມະນາໃນຄັ້ງນີ້, ເປັນງານສຳມະນາ ບຣອດແບນ (Broadband) ແຫ່ງຊາດຄັ້ງທຳອິດທີ່ໄດ້ຈັດຂື້ນໃນປະເທດລາວ ເພື່ອເປັນເວທີໃຫ້ແກ່ການແລກປ່ຽນຄວາມຮູ້, ປະສົບການ ແລະ ທິດທາງດ້ານເຕັກນິກ ແລະ ນະໂຍບາຍ ໃນການພັດທະນາ ບຣອດແບນ ຂອງບັນດາ ອົງກອນລັດ, ບໍລິສັດ ໂທລະຄົມ ແລະ ຂະແໜງການອຸດສະຫະກຳທີ່ກ່ຽວຂ້ອງ ຈາກພາຍໃນ, ພາກພື້ນ ແລະ ສາກົນ. ໂດຍມີຈຸດປະສົງຫຼັກເພື່ອສົ່ງເສີມການພັດທະນາ ບຣອດແບນ (Broadband) ຂອງລາວ ໃຫ້ມີການຂະຫຍາຍຕົວຢ່າງຍືນຍົງ, ສາມາດເຊື່ອມໂຍງເຂົ້າກັບພາກພື້ນ ແລະ ສາກົນທັງຮັບປະກັນໃຫ້ປະຊາຊົນໄດ້ຊົມໃຊ້ເຕັກໂນໂລຊີຂໍ້ມູນຂ່າວສານ ແລະ ການສື່ສານຢ່າງສະດວກ, ວ່ອງໄວ, ມີຄຸນນະພາບ, ມີຄວາມປອດໄພສູງ ແລະໃຫ້ວຽກງານໄປສະນີ, ໂທລະຄົມມະນາຄົມ ແລະ ການສື່ສານ ເປັນເຄຶ່ອງມື ທີ່ສໍາຄັນໃນການຂັບເຄື່ອນ ການພັດທະນາເສດຖະກິດ-ສັງຄົມໃຫ້ເຂັ້ມແຂງ.