ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,571
  • ມື້ວານ651
  • ອາທິດນີ້10,674
  • ອາທິດກ່ອນ5,790
  • ເດືອນນີ້12,583
  • ເດືອນກ່ອນ28,282
  • ທັງໝົດ356,955
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມປຶກສາຫາລື ບັນຫາຄຸນນະພາບການບໍລິການໂທລະຄົມມະນາຄົມ ແລະ ອິນເຕີເນັດ

ໃນວັນທີ 25 ກໍລະກົດ 2016 ນີ້, ທີ່ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໄດ້ມີກອງປະຊຸມປຶກສາຫາລື ບັນຫາຄຸນນະພາບການບໍລິການໂທລະຄົມມະນາຄົມ ແລະ ອິນເຕີເນັດ ໂດຍການເປັນປະທານຂອງທ່ານ ທອງໃສ ຊານໄຊຍະ ຮອງລັດຖະມົນຕີກະຊວງ ປທສ, ມີຄະນະຜູ້ອໍານວຍການຈາກບັນດາບໍລິສັດ, ຜູ້ທີ່ໃຫ້ບໍລິການທາງດ້ານໂທລະຄົມມະນາຄົມ ແລະ ອິນເຕີເນັດ ພ້ອມດ້ວຍພະນັກງານວິຊາການທີ່ກ່ຽວຂ້ອງ ເຂົ້າຮ່ວມ.

ກອງປະຊຸມໄດ້ຍົກໃຫ້ເຫັນສະພາບ, ບັນຫາ ແລະ ຄຸນນະພາບການບໍລິການໂທລະຄົມມະນາ ຄົມ ແລະ ອິນເຕີເນັດພາຍໃນ ສປປ ລາວ, ເຊິ່ງໄດ້ມີຜູ້ຊົມໃຊ້ຫຼາຍທ່ານມີການຕໍານິສົ່ງຂ່າວ ໂດຍຜ່ານສືສັງຄົມອອນລາຍຕ່າງໆກ່ຽວກັບຫຼາຍບັນຫາທີ່ກ່ຽວພັນເຖິງພື້ນທີ່ສັນຍານໂທລະສັບ, ຄວາມໄວຂອງສັນຍານອິນເຕີເນັດ ແລະ ອື່ນໆ, ເຊິ່ງກະຊວງ ປທສ ຈະຕ້ອງໄດ້ຮ່ວມເຮັດວຽກຢ່າງໃກ້ຊິດກັບຜູ້ໃຫ້ບໍລິການ ເພື່ອກວດຄືນ ແລະ ແກ້ໄຂບັນຫາດັ່ງກ່າວ. ໂດຍຜ່ານກອງປະຊຸມໄດ້ຕົກລົງເຫັນດີ ແລະ ເປັນເອກະພາບໃນຫົວຂໍ້ສໍາຄັນດັ່ງນີ້:

  1. ກະຊວງ ປທສ ຈະໄດ້ອອກຂໍ້ຕົກລົງກ່ຽວກັບຄຸນນະພາບການບໍລິການໂທລະຄົມມະນາຄົມ ແລະ ອິນເຕີເນັດ ໃນຕົ້ນເດືອນສິງຫານີ້, ພ້ອມທັງ ຈະໄດ້ຈັດຕັ້ງການກວດກາຕິດຕາມ ແລະ ລາຍງານໃຫ້ເປັນຮູບປະທໍາ, ເຄັ່ງຄັດ ແລະ ຢ່າງເປັນປົກກະຕິ.
  2. ໃຫ້ບັນດາບໍລິສັດກວດກາຄືນບັນດາລາຍການ ແລະ ປະເພດການບໍລິການຂອງຕົນທີ່ສະໜອງໃຫ້ຜູ້ຊົມໃຊ້ວ່າຖືກຕ້ອງ, ເໝາະສົມ ແລະ ຮັບປະກັນຄຸນນະພາບ. ໃຫ້ບໍລິສັດເລັ່ງຂະຫຍາຍພື້ນທີ່ການບໍລິການ ແລະ ເພີ່ມເສົາສົ່ງສັນຍານໂທລະສັບ ແລະ ອິນເຕີເນັດຜ່ານມືຖືແບບ 3G ແລະ 4G ໃນທົ່ວນະຄອນຫຼວງວຽງຈັນ ແລະ ບັນດາຕົວເມືອງໃຫຍ່ໃນທົ່ວປະເທດ. ພ້ອມນັ້ນ, ໃຫ້ມີການເພີ່ມເສັ້ນທາງການເຊຶ່ອມຕໍ່ ແລະ ບໍລິມາດການເຊຶ່ອມຕໍ່ສັນຍານອິນເຕີເນັດກັບບັນດາພາກພື້ນ ແລະ ສາກົນໃຫ້ຫຼາຍຂຶ້ນ ເພື່ອຮອງຮັບການເພີ່ມຂຶ້ນຂອງຈໍານວນຜູ້ຊົມໃຊ້ ແລະ ຮັບປະກັນຄວາມໄວຂອງການບໍລິການອິນເຕີເນັດ.
  3. ໃຫ້ບັນດາບໍລິສັດ ກວດຄືນການຊົມໃຊ້, ໃຫ້ເກັບກໍາສະຖິຕິລະອຽດ ແລະ ຈັດລໍາດັບບັນດາເວັບໄຊ໌ ແລະ ຂໍ້ມູນຂ່າວສານເທິງອິນເຕີເນັດ ເປັນພາສາລາວ, ເພື່ອຄົນລາວ ແລະ ມີການຝາກຂໍ້ມູນໃວ້ໃນສູນຂໍ້ມູນ ແລະ ຂ່າວສານພາຍໃນປະເທດ, ເພື່ອເຮັດໃຫ້ການເຂົ້າຫາບັນດາເວັບໄຊ໌ ແລະ ຂໍ້ມູນຂ່າວສານໄດ້ໄວຂຶ້ນ.
  4. ໃຫ້ບັນດາບໍລິສັດຕິດຕັ້ງ ແລະ ໂຄສະນາແຈ້ງເລກໝາຍ, ສາຍດ່ວນ (Hotline) ແລະ ສູນຮັບແຈ້ງ (Call center) ເພື່ອຮັບເອົາຄໍາຕິຊົມຈາກລູກຄ້າຜູ້ຊົມໃຊ້ບໍລິການໂທລະສັບ ແລະ ອິນເຕີເນັດ. ໃຫ້ມີໜ່ວຍງານເຕັກນິກ ແລະ ໜ່ວຍງານເຝົ້າລະວັງຕະຫຼອດ 24 ຊົ່ວໂມງ ເພື່ອສາມາດກວດກາຕິດຕາມ ແລະ ແກ້ໄຂບັນຫາໃຫ້ລູກຄ້າ, ຜູ້ຊົມໃຊ້ບໍລິການໄດ້ໂດຍໄວ, ພ້ອມນັ້ນໃຫ້ສັງລວມ ລາຍງານສະພາບ ແລະ ບັນຫາທ່ີ່ເກີດຂຶ້ນໃຫ້ກະຊວງ ປທສ ເປັນປະຈໍາ.

ປະຈຸບັນ ສປປ ລາວມີຜູ້ໃຫ້ບໍລິການໂທລະຄົມມະນາຄົມຈໍານວນ 4 ບໍລິສັດ ເຊິ່ງມີຜູ້ຊົມໃຊ້ໂທລະສັບມືຖືຫຼາຍກວ່າ 85% ຂອງຈໍານວນປະຊາກອນ ໃນນັ້ນ ຫຼາຍກວ່າ 40% ຂອງຜູ້ຊົມໃຊ້ໂທລະສັບມືຖືແມ່ນມີການເປິດໃຊ້ອິນເຕີເນັດເທິງມືຖື, ເຊິ່ງທັງໝົດຂອງຜູ້ໃຫ້ບໍລິການກໍ່ມີການເປິດບໍລິ ການອິນເຕີເນັດເທິງມືຖືຜ່ານເຄື່ອຂ່າຍ 3G ແລ້ວ ແລະ ບໍລິສັດລັດວິສາຫະກິດ ລາວໂທລະຄົມມະນາຄົມ ແລະ ບໍລິສັດ ສະຕາຣ໌ ໂທລະຄົມມະນາຄົມ ຈໍາກັດ ກໍ່ໄດ້ເປິດບໍລິການ ອິນເຕີເນັດເທິງມືຖືຜ່ານເຄື່ອຂ່າຍ 4G. ມີຜູ້ໃຫ້ບໍລິການອິນເຕີເນັດຈໍານວນ 6 ບໍລິສັດ ແລະ ບໍລິມາດລວມການເຊື່ອມຕໍ່ອິນເຕີເນັດກັບສາກົນເພີ່ມຂຶ້ນເຖິງ 35 Gbps, ເຊິ່ງເຫັນວ່າໃນປີ 2010 ນັ້ນບໍລິມາດລວມພຽງ 1.5 Gbps.