ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 313
  • ມື້ວານ901
  • ອາທິດນີ້8,765
  • ອາທິດກ່ອນ5,790
  • ເດືອນນີ້10,674
  • ເດືອນກ່ອນ28,282
  • ທັງໝົດ355,046
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ທ່ານລັດຖະມົນຕີເຂົ້າຮ່ວມກອງປະຊຸມສະຫຼຸບ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ 2016 ຂອງບໍລິສັດດາວທຽມ-ປາຊີຟິກ.

ຕອນບ່າຍຂອງວັນທີ 27 ກໍລະກົດ 2016 ນີ້ ທ່ານ ປອ. ທັນສະໄໝ ກົມມະສິດ ລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ ໄດ້ເຂົ້າຮ່ວມກອງປະຊຸມສະຫຼຸບວຽກງານ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ 2016 ຂອງບໍລິສັດດາວທຽມ-ປາຊີຟິກ (LAOSAT) ທີ່ສູນບັນຊາການດາວທຽມພາກພື້ນດິນ, ຫຼັກ 14 ຖະໜົນທ່າເດື່ອ, ເມືອງຫາດຊາຍຟອງ ພາຍໃຕ້ການເປັນປະທານຂອງທ່ານ ຫຽມ ພົມມະຈັນ ປະທານບໍລິຫານ ບໍລິສັດດາວທຽມ-ປາຊີຟິກ.

ບໍລິສັດ LAOSAT ແມ່ນບໍລິສັດຮ່ວມທຶນ ທີ່ໄດ້ສ້າງຕັ້ງຂຶ້ນໃນວັນທີ 25 ກຸມພາ 2016 ເພື່ອບໍລິຫານດ້ານທຸລະກິດດາວທຽມລາວດວງທໍາອິດ ທີ່ສົ່ງຂຶ້ນສູ່ວົງໂຄຈອນໃນຕໍາແໜ່ງ 128.5 ອົງສາຕາ ເວັນອອກໃນທ້າຍເດືອນພະຈິກ 2015. ໂດຍໄດ້ຮັບການສໍາປະທານຈາກລັດຖະບານລາວ ເພື່ອດໍາເນີນທຸລະກິດກໍານົດ 15 ປີ ຕາມອາຍຸການນໍາໃຊ້ຂອງດາວທຽມ. ທຸລະກິດຂອງບໍລິສັດປະກອບດ້ວຍ 3 ຂະ ແໜງການຄື: ໃຫ້ເຊົ່າ ແລະ ບໍລິການຊ່ອງດາວທຽມ (Transponder) ໃຫ້ພາຍໃນ ແລະ ຕ່າງປະເທດຄືຄື້ນ KU-Band, ບໍລິການດ້ານໂທລະພາບ, Direct to home ຫຼື DTH ແມ່ນການບໍລິການຊ່ອງໂທລະພາບທັງພາຍໃນ ແລະ ຕ່າງປະເທດ ເຖິງເຮືອນໃນຂອບເຂດທົ່ວປະເທດ ແລະ ບໍລິການດ້ານອິນເຕີເນັດບໍ່ມີສາຍລະບົບ 4G-LTE.

ຜ່ານການດໍາເນີນທຸລະກົດຕົວຈິງແມ່ນປະມານ 3 ເດືອນເທົ່ານັ້ນກໍ່ໄດ້ຮັບຜົນສໍາເລັດດັ່ງນີ້: ດ້ານການບໍລິການຊ່ອງດາວທຽມ: ໄດ້ເຊັ່ນສັນຍາເຊົ່າ 1 ຊ່ອງກັບປະເທດອິນໂດເນເຊຍ ແຕ່ຍັງໄດ້ລໍໃຫ້ໄດ້ຮັບອານຸຍາດຈາກທາງອິນໂດເນເຊຍ ຄາດວ່າຈະສາມາດໃຫ້ບໍລິການຕົວຈິງໄດ້ໃນເດືອນໜ້າ, ໄດ້ເຊັນສັນຍາບໍລິການຊ່ອງໂທລະພາບກັບຫຼາຍໆບໍລິສັດຕ່າງປະເທດ. ສ່ວນການບໍລິການຊ່ອງ ແລະ ສະຖານີ (VSAT) ຢູ່ພາຍໃນປະເທດໄດ້ມີການຕິດຕັ້ງເພື່ອທົດລອງຢູ່ຫຼາຍກະຊວງ. ການບໍລິການໃນບັນດາບໍລິສັດຜູ້ປະກອບການດ້ານໂທລະຄົມມະນາຄົມນັ້ນ ຍັງຈະຕ້ອງລໍຖ້າບັນດາບໍລິສັດນັ້ນໝົດກໍານົດເຊົ່າຊ່ອງດາວທຽມນໍາຕ່າງປະເທດກ່ອນ, ການບໍລິການໂທລະພາບເຖິງເຮືອນ: ໄລຍະຜ່ານມາທາງບໍລິສັດໄດ້ລົງເກັບກໍາສະພາບການບໍລິການຊ່ອງໂທລະພາບໃນຕົວເມືອງໃຫຍ່ໆ ເພື່ອເປັນຂໍ້ມູນໃຫ້ແກ່ການບໍລິ ການ ເຊິ່ງເຫັນວ່າທຸລະກິດນີ້ຈະຕ້ອງໃຫ້ທັນຂອງຂົງເຂດ ແລະ ສາກົນ ທັງໃຫ້ຖືກລະບຽບກົດໜາຍຂອງສາກົນ, ສ່ວນການບໍລິການອິນເຕີເນັດ 4G ນັ້ນ, ຜູ້ຮັບເໜົາໂຄງການຍັງບໍ່ທັນສໍາເລັດໂຄງການເທື່ອ ດັ່ງນັ້ນ ຈຶ່ງສືບຕໍ່ໃຫ້ບໍລິສັດສໍາປະທານໄດ້ດໍາເນີນທຸລະກິດຕໍ່ໄປ.

ພາຍຫຼັງສະຫຼຸບການເຄື່ອນໄຫວໃນໄລຍະຜ່ານມາ ແລະ ສະເໜີແຜນການຮອດທ້າຍປີແລ້ວ ທ່ານ ປອ. ທັນສະໄໝ ກົມມະສິດ ລັດຖະມົນຕີກະຊວງ ປທສ ໄດ້ໃຫ້ຄໍາເຫັນຊີ້ນໍາແກ່ບໍລິສັດຄື: ທ່ານໄດ້ໃຫ້ຄວາມສໍາຄັນຕໍ່ວຽກງານການບໍລິການຜ່ານດາວທຽມ ເຊິ່ງທຸກປະເທດຈະຕ້ອງໄດ້ນໍາໃຊ້, ສ່ວນປະເທດທີ່ບໍ່ມີດາວທຽມກໍ່ຕ້ອງໄດ້ເຊົ່າຊ່ອງຂອງປະເທດອື່ນ. ສໍາລັບປະເທດຂອງພວກເຮົາແລ້ວ ພວກເຮົາຈະຕ້ອງນໍາໃຊ້ດາວທຽມ ແລະ ລະບົບຄົບຊຸດໃຫ້ເປັນປະໂຫຍດສູງສຸດຕໍ່ການພັດທະນາເສດຖະ ກິດ-ສັງຄົມຂອງປະເທດຊາດ ເພື່ອໃຫ້ສົມກັບຄວາມພາກພູມໃຈຂອງປະຊາຊົນລາວທີ່ປະເທດຊາດໄດ້ມີດາວທຽມເປັນຂອງຕົນເອງ.