ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,133
  • ມື້ວານ670
  • ອາທິດນີ້8,729
  • ອາທິດກ່ອນ12,996
  • ເດືອນນີ້11,243
  • ເດືອນກ່ອນ25,285
  • ທັງໝົດ641,657
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ສຕສ ຊົມເຊີຍວັນຄູແຫ່ງຊາດຄົບຮອບ 24 ປີ

ເມື່ອບໍ່ດົນມານີ້, ສະຖາບັນເຕັກໂນໂລຊີການສື່ສານຂໍ້ມູນຂ່າວສານ (ສຕສ) ຂອງ ກະຊວງ ໄປສະນີ,ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີ ຊົມເຊີຍວັນຄູແຫ່ງຊາດຄົບຮອບ 24 ປີ ຂຶ້ນ ໂດຍການເປັນປະທານຂອງ ທ່ານ ທອງໃສ ຊານໄຊຍະ ຮອງເລຂາຄະນະພັກກະຊວງ, ຮອງລັດຖະມົນຕີກະຊວງ ປທສ, ຜູ້ຊີ້ນຳ ສຕສ ມີບັນດາຄະນະກົມ/ທຽບເທົ່າ ພ້ອມດ້ວຍພະນັກງານ ທະນາຄານພັດທະນາລາວ, ຄູອາຈານພາຍໃນ, ຄູອາຈານຮັບເຊີນ, ຊ່ຽວຊານຈາກອົງການ ໄນປາ ທີ່ ປະຈໍາຢູ່ ສຕສ ແລະ ອາດີດນັກສຶກສາ ຈາກ ບໍລິສັດ ລັດວິສາຫະກິດ ລາວໂທລະຄົມມະນາຄົມເຂົ້າຮ່ວມຢ່າງພ້ອມພຽງ.

ທ່ານ ນາງ ຍອດ ໄຊທົງເດດ ຮອງຫົວໜ້າ ສຕສ ໄດ້ເລົ່າຄືນມູນເຊື້ອ ແລະ ປະຫວັດໂດຍຫຍໍ້ຄວາມເປັນມາຂອງນາຍຄູຄໍາ ເພື່ອລະນຶກເຖິງຄຸນງາມຄວາມດີຂອງເພິ່ນທີ່ໄດ້ທຸມເທເຫື່ອແຮງ, ຈິດໃຈ ແລະ ຄວາມຮູ້ຄວາມສາມາດເຂົ້າໃນການສິດສອນ ແລະ ເປັນຄູຕົ້ນແບບທີ່ຄວນເອົາເປັນແບບຢ່າງ. ໃນໂອກາດດຽວກັນ ກໍ່ໄດ້ມີການ ມອບ-ຮັບ ເຄື່ອງອຸປະກອນ ແລະ ເງິນສົດອີກຈໍານວນໜຶ່ງຈາກ ບໍລິສັດ ລັດວິສະຫະກິດ ລາວໂທລະຄົມ ຈໍານວນ 2, 000, 000 ກີບ, ທະນາຄານພັດທະນາລາວ ຈໍານວນ 2, 000, 000 ກີບ ແລະ ອາດີດນັກສຶກສາ ຈໍານວນເງິນ 25,384,000 ກີບ (ລວມອຸປະກອນເຊັ່ນ: ໂຕະໂປດຽມຈໍານວນ 02 ໜ່ວຍ, ຕັ່ງເຫຼັກນວມ ຈໍານວນ 02 ໜ່ວຍ, ໂປຣເຈັກເຕີ ຈໍານວນ 02 ເຄື່ອງ ແລະ Note Book ຈໍານວນ 02 ໜ່ວຍ ) ເພື່ອຮັບໃຊ້ເຂົ້າໃນວຽກງານການຮຽນການສອນ. ພ້ອມດຽວກັນນີ້, ທ່ານ ສາຍຝົນ ບຸດຈັນທະລາດ ຫົວໜ້າ ສຕສ ໄດ້ໃຫ້ກຽດມອບໃບກຽດຕິຄຸນ ໃຫ້ກັບບັນດາບໍລິສັດ ແລະ ອາດີດນັກສຶກສາ ທີ່ໄດ້ໃຫ້ການອຸປະຖໍາດັ່ງກ່າວ.

ໃນຕອນທ້າຍ ທ່ານ ທອງໃສ ຊານໄຊຍະ ໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນຳ ໃນການປະຕິບັດວຽກງານໃນຕໍ່ໜ້າ ໂດຍສະເພາະ ໃຫ້ເອົາໃຈໃສ່ປັບປຸງທາງດ້ານການຈັດຕັ້ງໃຫ້ມີຄວາມເຂັ້ມແຂງຂື້ນຕື່ມ, ປັບປຸງພື້ນຖານໂຄງລ່າງ, ປັບປຸງຫຼັກສູດການຮຽນການສອນ ໃຫ້ແທດເໝາະກັບສະພາບຄວາມເປັນຈິງ, ພັດທະນາໂປຣແກຣມໂດຍການຊ່ວຍ ເຫຼືອຈາກໂຄງການອິນເດຍ, ພັດທະນາທາງດ້ານວິຊາການໃຫ້ມີຄວາມຮູ້ຄວາມສາມາດຊອກຮູ້ຮໍ່າຮຽນໃຫ້ມີຄຸນສົມບັດ, ສິນທໍາປະຕິວັດໃຫ້ສົມຄູ່ກັບເປັນຄູຫຼືແມ່ພິມຂອງຊາດ, ເອົາໃຈໃສ່ໃນການຊ່ວຍເຫຼືອເຊິ່ງກັນ ແລະ ກັນ, ປະຕິບັດໂມງເວລາໃນການສິດສອນ ແລະ ຊອກຮູ້ວິທີການສິດສອນໃໝ່ໆ ເພື່ອທີ່ຈະສ້າງບຸກຄະລາກອນໃຫ້ໄດ້ດີທີ່ສຸດ.

ພາບ+ຂ່າວ: ພະແນກປະຊາສໍາພັນ, ຫ້ອງການກະຊວງ


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1133
  • ມື້ວານ670
  • ອາທິດນີ້8729
  • ອາທິດກ່ອນ12996
  • ເດືອນນີ້11243
  • ເດືອນກ່ອນ25285
  • ທັງໝົດ641657
Loding...