ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 211
  • ມື້ວານ776
  • ອາທິດນີ້12,916
  • ອາທິດກ່ອນ21,305
  • ເດືອນນີ້17,982
  • ເດືອນກ່ອນ31,769
  • ທັງໝົດ623,111
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ສຳເລັດການຈັດຝຶກອົບຮົມ ການບໍລິຫານ ແລະ ການສ້າງຖານຂໍ້ມູນ Digital Lao Info

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ( ປທສ ) ໄດ້ຈັດຊຸດຝຶກອົບຮົມໃນຫົວຂໍ້: ການບໍລິຫານ ແລະ ສ້າງຖານຂໍ້ມູນ Digital Lao Info ໃຫ້ແກ່ພະນັກງານວິຊາການຜູ້ຮັບຜິດຊອບວຽກງານສະຖິຕິຈາກບັນດາກົມ/ທຽບເທົ່າ ພາຍໃນກະຊວງ ປທສ ແລະ ບັນດາພະນັກງານພະແນກ ປທສ 07 ແຂວງ, ຊຶ່ງໄດ້ຈັດຂຶ້ນໃນລະຫວ່າງວັນທີ 20-23 ສິງຫາ ຜ່ານມານີ້, ທີ່ ແຂວງ ຄຳມ່ວນ ພາຍໃຕ້ການເປັນປະທານ ເປີດຮ່ວມ ຂອງທ່ານ ເສົານະຄອນ ເພັດວິຫານ ຮອງຫົວໜ້າກົມແຜນການ ແລະ ການຮ່ວມມື ກະຊວງ ປທສ ແລະ ທ່ານ ໄທຍະພອນ ສິງທອງ ຫົວໜ້າພະແນກ ປທສ ແຂວງ ຄຳມ່ວນ.

ໃນການຈັດຝຶກອົບຮົມໃນຄັ້ງນີ້ ແມ່ນເພື່ອສ້າງຄວາມເຂັ້ມແຂງ ແລະ ຖ່າຍທອດບົດຮຽນອັນໃໝ່ ໃຫ້ພະນັກງານວິຊາການ ທີ່ຮັບຜິດຊອບວຽກງານສະຖິິຕິໃຫ້ມີຄວາມຮູ້ອັນໃໝ່, ນອກນັ້ນຍັງເປັນການລວມສູນ ແລະ ອຳນວຍຄວາມສະດວກໃນການເຂົ້າຫາແຫຼ່ງຂໍ້ມູນໄດ້ສະດວກ ແລະ ວ່ອງໄວຍິ່ງຂຶ້ນ ພ້ອມທັງເປັນການຫັນລະບົບການເຜີຍແຜ່ຂໍ້ມູນສະຖິຕິໃນຂະແໜງການ ປທສ ໃຫ້ເປັນທັນສະໄໝເທື່ອລະກ້າວ ແລະ ຫຍັບເຂົ້າໄກ້ມາດຕະຖານສາກົນ.

ການຝຶກອົບຮົມ ໄດ້ຮັບການຮ່ວມມືຊ່ວຍເຫຼືອທາງດ້ານເນື້ອໃນ ຫຼັກສູດ ແລະ ອາຈານສອນ ຈາກສູນສະຖິຕິແຫ່ງຊາດ ເຊິ່ງໄດ້ລົງເລິກການຮຽນພາກທິດສະດີ ແລະ ພາກການປະຕິບັດຕົວຈິງ ໃນການສ້າງຖານຂໍ້ມູນ ເຊັ່ນ: ການກຳນົດບັນດາຂໍ້ມູນ, ຈັດເປັນກຸ່ມ, ປະເພດຊຸດຂໍ້ມູນ ຫລັກ ແລະ ຂໍ້ມູນຍ່ອຍ, ການສ້າງ Template, ການປ້ອນຂໍ້ມູນ, ການໃຊ້ເຄື່ອງມືຕ່າງໆ, ການສ້າງ Meta data (ສຳນວນສຳເນົາ ແຫຼ່ງທີ່ມາຂອງຂໍ້ມູນ ) ແລະ ການເຂົ້າເບິ່ງຂໍ້ມູນ.

ໃນຕອນທ້າຍຂອງພິທີເປີດຝຶກອົບຮົມ ທ່ານປະທານໄດ້ຮຽກຮ້ອງມາຍັງຜູ້ເຂົາຮ່ວມຝຶກອົບຮົມທັງໝົດ ຈົ່ງຕັ້ງໜ້າເອົາໃຈໃສ່ ແລະ ມີຄວາມຮັບຜິດຊອບສູງໃນການຝຶກອົບຮົມຄັ້ງນີ້ຢ່າງຕັ້ງໜ້າ ແລະ ນຳເອົາບົດຮຽນທີ່ໄດ້ຈາກການຝຶກອົບຮົມ ໄປຈັດຕັ້ງຜັນຂະຫຍາຍເຂົ້າໃນວຽກງານ ຂອງຕົນໃຫ້ມີປະສິດທິພາບ ແລະ ປະສິດທິຜົນໃຫ້ສູງຂື້ນ.

ພາບ+ຂ່າວ: ກົມແຜນການ ແລະ ການຮ່ວມມື, ປທສ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 211
  • ມື້ວານ776
  • ອາທິດນີ້12916
  • ອາທິດກ່ອນ21305
  • ເດືອນນີ້17982
  • ເດືອນກ່ອນ31769
  • ທັງໝົດ623111
Loding...