ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,571
  • ມື້ວານ651
  • ອາທິດນີ້10,674
  • ອາທິດກ່ອນ5,790
  • ເດືອນນີ້12,583
  • ເດືອນກ່ອນ28,282
  • ທັງໝົດ356,955
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມຍົກລະດັບຄວາມຮູ້ທາງດ້ານວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ ໃນຂະແໜງໄປສະນີ, ໂທລະຄົມມະນາຄົມ ແລະ ການສື່ສານ

ໃນຕອນເຊົ້າ, ຂອງວັນທີ 9 ສິງຫາ 2016, ເວລາ 8:30 ໂມງ ທີ່ຫ້ອງປະຊຸມ ຂອງສະຖາບັນ, ໄປສະນີ ໂທລະຄົມມະນາຄົມ ແລະ ການສື່ສານ ໄດ້ມີພິທີເປີດຝືກອົບຮົມ ວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ ໂດຍໃຫ້ກຽດເຂົ້າຮ່ວມ ແລະ ເປັນປະທານເປີດໂດຍ ທ່ານ ທອງໃສ ຊານໄຊຍະ, ຮອງເລຂາຄະນະພັກ, ປະທານກວດກາ, ຮອງລັດຖະມົນຕີ ກະຊວງ ປທສ ແລະ ທ່ານ ສຸກຄຳເພັດ ເຮື່ອງບຸດສີ ຮອງປະທານກວດກາສູນກາງພັກ, ແລະ ອົງການກວດກາລັດຖະບານ. ເຊິ່ງຜູ້ເຂົ້າຮ່ວມປະກອບມີປະທານກວດກາຂອງແຕ່ລະຫນ່ວຍພັກ, ພະນັກງານຮັບຜິດຊອບວຽກງານກວດ ກາຂອງບັນດາກົມ/ທຽບເທົ່າ ແລະ ບັນດາບໍລິສັດ ລັດວິສາຫະກິດ ທີ່ຂື້ນກັບການຄຸ້ມຄອງຂອງກະຊວງ ປທສ ທັງໝົດ ຈຳນວນ 41 ທ່ານ ໃນລະຫວ່າງວັນທີ 9-10/08/2016.

ການຝຶກອົບຮົມ ໃນຄັ້ງນີ້ ເພື່ອຍົກສູງຄວາມຮູ້, ຄວາມຮັບຜິດຊອບໃຫ້ແກ່ສະມາຊິກພັກ, ຜູ້ເຮັດວຽກງານກວດກາ, ພະນັກງານ-ລັດຖະກອນ, ລວມເຖິງບັນດາ ບໍລິສັດ ລັດວິສາຫະກິດ ອ້ອມຂ້າງກະຊວງ ປທສ, ເຮັດໃຫ້ວຽກງານຕິດຕາມກວດກາ ການສໍ້ລາດບັງຫຼວງຂອງແຕ່ລະພາກສ່ວນສາມາດນຳໄປຈັດຕັ້ງປະຕິບັດ ແລະ ຮັບປະກັນໃຫ້ມີຄວາມໂປ່ງໃສ, ປະຢັດມັດຖະຍັດ ແລະ ປາດສະຈາກການສໍ້ລາດບັງຫຼວງ, ໃນການປະຕິບັດໜ້າທີ່ວຽກງານ ແລະ ດໍາເນີນໄປຢ່າງເປັນລະບົບຕໍ່ເນື່ອງ, ຖືກຕ້ອງຕາມຫຼັກການ, ມີປະສິດທິພາບ ແລະ ປະສິທິຜົນ ໂດຍສະເພາະແມ່ນໄດ້ຖືເອົາ ມະຕິກອງປະຊຸມໃຫຍ່ ຄັ້ງທີ່ I ຂອງອົງຄະນະພັກກະຊວງ ປທສ ແລະ ທິດທາງແຜນການແຕ່ນີ້ຫາປີ 2020, 25 ແລະ 30, ກໍຄືການຜັນຂະຫຍາຍຈັດຕັ້ງປະຕິບັດເນື້ອໃນກອງປະຊຸມ ຄັ້ງທີ່ 10 ຂອງພັກວາງອອກ. ໃນບັ້ນຝຶກອົບຮົມວຽກງານສະກັດກັ້ນ ແລະ ຕ້ານການສໍ້ລາດບັງຫຼວງຄັ້ງນີ້ ພວກເຮົາໄດ້ຮັບການຮ່ວມມື ແລະ ຊ່ວຍເຫຼືອທາງດ້ານເນື້ອໃນ, ຫຼັກສູດ ແລະ ນັກວິທະຍາກອນຈາກຄະນະກວດກາສູນກາງພັກ ແລະ ອົງການກວດກາລັດຖະບານ.

ຜ່ານການຝຶກອົບຮົມໃນຄັ້ງນີ້, ນັກຝຶກອົບຮົມແຕ່ລະທ່ານ ຈະສາມາດຮັບຮູ້ແລະເຂົ້າໃຈ, ນຳເອົາບົດຮຽນ ແລະ ປະສົບການທີ່ສໍາຄັນຂອງຄູອາຈານທີ່ຖ່າຍທອດໃຫ້ ໄປຜັນຂະຫຍາຍ ແລະ ປະກອບສ່ວນເຂົ້າໃນວຽກງານໃຫ້ໄດ້ຮັບຜົນສຳເລັດເປັນຢ່າງສູງ. ເພື່ອປ້ອງກັນຊ່ອງວ່າງທີ່ເປັນສາເຫດທີ່ພາໃຫ້ເກີດການສໍ້ລາດບັງຫຼວງໃນຂອບເຂດຄວາມຮັບຜິດຊອບຂອງຕົນ ແລະ ຂະແໜງ ປທສ ຂອງພວກເຮົາ.