ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1,142
  • ມື້ວານ670
  • ອາທິດນີ້8,738
  • ອາທິດກ່ອນ12,996
  • ເດືອນນີ້11,252
  • ເດືອນກ່ອນ25,285
  • ທັງໝົດ641,666
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ເປີດຊຸດຝຶກອົບຮົມ ທິດສະດີການເມືອງ ແລະ ການປົກຄອງ ຊຸດທີ IV

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດພິທີເປີດຊຸດຝຶກອົບຮົມ ທິດສະດີການເມືອງ ແລະ ການປົກຄອງໄລຍະສັ້ນ 45 ວັນ, ຊຸດທີ IV ຂຶ້ນໃນວັນທີ 13 ສິງຫາ ຜ່ານມານີ້, ທີ່ສະຖາບັນເຕັກໂນໂລຊີການສື່ສານຂໍ້ມູນຂ່າວສານ. ໃຫ້ກຽດເປັນປະທານກ່າວເປີດພິທີຂອງ ສະຫາຍ ທອງໃສ ຊານໄຊຍະ ຮອງເລຂາຄະນະພັກ, ຮອງລັດຖະມົນຕີກະຊວງ ປທສ, ເຂົ້າຮ່ວມໂດຍ ສະຫາຍ ຮສ. ສະໝຸດທອງ ສົມພານິດ ຄະນະພັກ, ຮອງຫົວໜ້າສະຖາບັນການເມືອງ-ການປົກຄອງແຫ່ງຊາດ ພ້ອມດ້ວຍຄະນະພັກກະຊວງ, ໜ່ວຍພັກບັນດາກົມ/ທຽບເທົ່າ ແລະ ຄະນະພັກຮາກຖານ ບໍລິສັດລັດວິສາຫະກິດ ໄປສະນີໂທລະຄົມມະນາຄົມ.

ການເປີດຊຸດຝຶກອົບຮົມໃນຄັ້ງນີ້ ແມ່ນມີຄວາມສໍາຄັນ ແລະ ຈໍາເປັນພາວະວິໃສ ສໍາລັບພະນັກງານຫຼັກແຫຼ່ງ ນໍາພາ-ຄຸ້ມຄອງ ສຶບທອດ ປ່ຽນແທນ ທີ່ຈະຕ້ອງໄດ້ມີຄວາມຮັບຮູ້ ເຂົ້າໃຈຢ່າງເລີກເຊິ່ງ ກ່ຽວກັບບັນຫາພື້ນຖານ ທິດສະດີ ມາກເລນິນ ເຊັ່ນ: ປັດສະຍາ, ເສດຖະສາດການເມືອງ, ລັດທິສັງຄົມນິຍົມວິທະຍາສາດ, ທິດສະດີກ່ຽວກັບການກໍ່ສ້າງພັກ, ການບໍລິຫານຫານປົກຄອງ ແລະ ນິຕິກໍາຈໍານວນໜຶ່ງ ທັງໝົດນັ້ນແມ່ນການປະກອບຄວາມຮັບຮູ້ ພື້ນຖານໃຫ້ແກ່ພະນັກງານຫຼັກແຫຼ່ງນໍາພາ-ຄຸ້ມຄອງ ເພື່ອຍົກສູງຄວາມເປັນເຈົ້າການ ຄວາມສາມາດໃນການນໍາພາ, ເຊື່ອມຊຶມນະໂຍ ບາຍຂອງພັກ ຮູ້ຜັນຂະຫຍາຍ, ຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ຄັ້ງທີ I ຂອງອົງຄະນະພັກກະຊວງ ປທສ ກໍ່ຄືຮູ້ຜັນຂະຫຍາຍ ແລະ ຈັດຕັ້ງປະຕິບັດ ທິດທາງແຜນການຂອງກະຊວງ ວາງອອກ ໃນແຕ່ລະໄລຍະໃຫ້ຟົດຟື້ນ, ແຂງແຮງ, ຕໍ່ເນື່ອງ ເຂົ້າສູ່ລວງເລີກ ແລະ ໝູນໃຊ້ເຂົ້າໃນວຽກງານຕົວຈິງ ເຮັດໃຫ້ວຽກງານບັນລຸຜົນສໍາເລັດ ດ້ວຍຄຸນນະພາບ, ແນ່ໃສ່ສ້າງພະນັກງານ ທີ່ມີຄຸນນະພາບດ້ານການນໍາພາ, ຄວາມຮູ້ຄວາມສາມາດ, ປະສົບການດ້ານວິຊາສະເພາະ ຕອບສະໜອງໄດ້ຕາມຄວາມຮຽກຮ້ອງຕ້ອງການຂອງວຽກງານ ໄອຊີທີ ໃນໄລຍະໃໝ່. ການເປີດຊຸດຝຶກອົບຮົມຄັ້ງນີ້ ແມ່ນໄດ້ຮັບການຮ່ວມມື ແລະ ຊ່ວຍເຫຼືອທາງດ້ານເນື້ອໃນຫຼັກສູດ ແລະ ອາຈານສອນ ຈາກສະຖາບັນການເມືອງ-ການປົກຄອງແຫ່ງຊາດ, ຊຶ່ງປະກອບມີ 05 ພາກ ແລະ 37 ບົົດ ພ້ອມດ້ວຍການຂຶ້ນຫ້ອງສອນຂອງຄະນະພັກຄະນະນໍາກະຊວງ.

ໃນຕອນທ້າຍ ສະຫາຍ ທອງໃສ ຊານໄຊຍະ ໄດ້ກ່າວວ່າ: ພະນັກງານແມ່ນກົກເຄົ້າຂອງວຽກງານ, ວຽກງານຈະສໍາເລັດຫຼື ປະລາໄຊ ແມ່ນຂຶ້ນກັບພະນັກງານ, ດັ່ງນັ້ນການບໍາລຸງກໍ່ສ້າງພະນັກງານ, ການພັດທະນາ ແລະ ຍົກສູງຄວາມຮູ້ ຄວາມສາມາດພະນັກງານ ແມ່ນວຽກໜຶ່ງທີ່ສໍາຄັນ ແລະ ຈໍາເປັນທີ່ສຸດ, ໂດຍສະເພາະການບໍາລຸງກໍ່ສ້າງພະນັກງານ ທາງດ້ານທິດສະດີການເມືອງ-ການປົກຄອງໃຫ້ພະນັກງານຫຼັກແຫຼ່ງນໍາພາ-ຄຸ້ມຄອງ ທີ່ເປັນເສນາທິການໃຫ້ແກ່ຄະນະພັກ, ຄະນະນໍາ ໃນການຄົ້ນຄວ້າຈັດຕັ້ງ ຜັນຂະຫຍາຍແນວທາງນະໂຍບາຍຂອງພັກ ແລະ ລັດ ໂດຍສະເພາະຍຸດທະສາດ ແລະ ວິໃສທັດຂອງກະຊວງ ກ່ຽວກັບວຽກງານ ໄອຊີທີ ໃຫ້ກາຍເປັນໃຈກາງ ໃນການຂັບເຄື່ອນເສດຖະກິດ ທີ່ທັນສະໄໝ

ຂ່າວ: ກົມຈັດຕັ້ງ-ພະນັກງານ.

ພາບ: ຫ້ອງການກະຊວງ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 1142
  • ມື້ວານ670
  • ອາທິດນີ້8738
  • ອາທິດກ່ອນ12996
  • ເດືອນນີ້11252
  • ເດືອນກ່ອນ25285
  • ທັງໝົດ641666
Loding...