ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 287
  • ມື້ວານ1,165
  • ອາທິດນີ້11,236
  • ອາທິດກ່ອນ18,595
  • ເດືອນນີ້19,870
  • ເດືອນກ່ອນ29,262
  • ທັງໝົດ593,230
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ສໍາມະນາ ນະໂຍບາຍການສົ່ງເສີມພັດທະນາທາງດ້ານໂທລະຄົມມະນາຄົມ ແລະ ຂໍ້ມູນຂ່າວສານ ໃນ ສປປ ລາວ

ເມື່ອບໍ່ດົນມານີ້, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ເປີດກອງປະຊຸມສໍາມະນາການຮ່ວມມືໃນຫົວຂໍ້: “ນະໂຍບາຍການສົ່ງເສີມພັດທະນາທາງດ້ານໂທລະຄົມມະນາຄົມ ແລະ ຂໍ້ມູນຂ່າວສານ ໃນ ສປປ ລາວ(Consultation on Policy to Promote Convergence of Telecommunications and Broadcasting Service in Lao PDR)” ຂຶ້ນ ພາຍໃຕ້ການເປັນປະທານ ຂອງທ່ານ ປອ. ທະວີສັກ ມະໂນທັມ, ຫົວໜ້າກົມ ກົມເຕັກໂນໂລຊີການສື່ສານຂໍ້ມູນຂ່າວສານ, ກະຊວງ ປທສ, ມີຄະນະກົມ, ຄະນະພະແນກ ແລະ ວິຊາການ ຈາກກະຊວງ ປທສ, ຕາງໜ້າຈາກບັນດາກະຊວງ/ທຽບເທົ່າກະຊວງ ແລະ ບໍລິສັດທີ່ກ່ຽວຂ້ອງ ເຂົ້າຮ່ວມ.

ທ່ານ ປອ. ທະວີສັກ ມະໂນທັມ ໄດ້ກ່າວວ່າ ໃນປະຈຸບັນ ວຽກງານໂທລະຄົມມະນາຄົມ/ໄອຊີທີ ຂ່າວສານ ແມ່ນມີຄວາມສໍາຄັນຫຼາຍ ໃນການນໍາໃຊ້ເຂົ້າໃນວຽກງານ ຊີວິດປະຈໍາວັນ ແລະ ບໍ່ສາມາດແຍກຂໍ້ມູນອອກຈາກກັນໄດ້, ທຸກໆຂໍ້ມູນ ແລະ ຂ່າວສານຕ່າງໆ ບໍ່ວ່າຈະເປັນ ທີວີ, ວີດີໂອ, ຂ່າວ ແມ່ນລ້ວນແຕ່ນໍາໃຊ້ໂຄງລ່າງພື້ນຖານໄອຊີທີ ເພື່ອໃຫ້ສາມາດເຂົ້າເຖິງປະຊາຊົນໄດ້. ດັ່ງນັ້ນ, ເພື່ອເປັນການຮ່ວມມືກັນລະຫວ່າງ ກະຊວງ ປທສ ແລະ ສະຖາບັນພັດທະນາສັງຄົມ ແລະ ຂໍ້ມູນຂ່າວສານ ສ. ເກົາຫຼີ (ອົງການ Korea Information Society Development Institute (KISDI)) ຈຶ່ງໄດ້ຈັດກອງປະຊຸມສໍາມະນາດັ່ງກ່າວນີ້ຂຶ້ນ ໃນການເກັບກໍາຂໍ້ມູນ, ປຶກສາຫາລື ແລະ ແລກປ່ຽນບົດຮຽນ ກັບບັນດາອົງການພາກລັດ, ເອກະຊົນ ຂອງລາວ ແລະ ຊ່ຽວຊານຈາກ ສ.ເກົາຫຼີ ກ່ຽວກັບວຽກງານໂທລະຄົມມະນາຄົມ/ໄອຊີທີ ແລະ ຂໍ້ມູນຂ່າວສານທາງດີຈີຕອນ. ນອກນີ້, ຍັງມີການນໍາສະເໜີຂໍ້ມູນ ແລະ ແລກປ່ຽນບົດຮຽນຢ່າງຈິງໃຈ, ຊຶ່ງຝ່າຍລາວ ຕາງໜ້າໂດຍ ທ່ານ ສີສຸວັນ ວັນທານະວົງ, ຫົວໜ້າພະແນກແຜນການ ແລະ ພັດທະນາ, ກົມເຕັກໂນໂລຊີການສື່ສານຂໍ້ມູນຂ່າວສານ ໄດ້ນຳສະເໜີສະພາບລວມໃນການພັດທະນາ ແລະ ການຄຸ້ມຄອງ ວຽກງານໂທລະຄົມມະນາຄົມ ໃນ ສປປ ລາວ. ໃນໂອກາດດຽວກັນນີ້ ຄະນະຊ່ຽວຊານຈາກ ສ.ເກົາຫຼີ ຊຶ່ງນຳໂດຍ ທ່ານ Jong Hwa Lee ຫົວໜ້າພະແນກຮ່ວມມືສາກົນ, ອົງການ KISDI ກໍ່ໄດ້ນໍາສະເໜີຫົວຂໍ້ຕ່າງໆ ເຊັ່ນ: ນະໂຍບາຍອິນເຕີເນັດຄວາມໄວສູງ, ນິຕິກໍາຄຸ້ມຄອງ, ການຄົ້ນຄ້ວາວຽກງານໄອຊີທີ/ຂໍ້ມູນຂ່າວສານດີຈີຕອນ ແລະ ການປະສານສົມທົບຂໍ້ມູນຂ່າວສານ ກັບ ເຕັກໂນໂລຊີໃໝ່, ການຫຼຸດຜ່ອນຄວາມແຕກໂຕນທາງດ້ານໄອຊີທີ ພາຍໃນປະເທດ ສ.ເກົາຫຼີ. ພ້ອມດຽວກັນນີ້, ບັນດາຜູ້ເຂົ້າຮ່ວມໄດ້ປະກອບຄຳຄິດເຫັນ ແລະ ສົນທະນາແລກປ່ຽນບົດຮຽນຊຶ່ງກັນ ແລະ ກັນ.

ກອງປະຊຸມດັ່ງກ່າວນີ້ ແມ່ນເປັນກິດຈະກຳໜຶ່ງຂອງໂຄງການຊ່ວຍເຫຼືອຂອງອົງການ KISDI ທີ່ມີເປົ້າໝາຍຊ່ວຍໃຫ້ ສປປ ລາວ ພັດທະນາວຽກງານໄອຊີທີ, ສົ່ງເສີມການສ້າງຂໍ້ມູນດີຈີຕອນ (Digital Content) ເພື່ອໃຫ້ປະຊາຊົນເຂົ້າເຖິງໄດ້ງ່າຍ. ໝາຍຄວາມວ່າ ຂະແໜງການໄປສະນີ, ໂທລະຄົມມະນາຄົມ ແລະ ການສື່ສານ ແລະ ຂະແໜງການ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ຕ້ອງໄດ້ຮ່ວມມືກັນໃນການສ້າງນະໂຍບາຍ ແລະ ບົດແນະນຳ ການພັດທະນາວຽກງານ ໂທລະຄົມມະນາຄົມ/ໄອຊີທີ ແລະ ວຽກງານວິທະຍຸ-ໂທລະພາບ ຢ່າງກົມກຽວ ແລະ ເຊື່ອມໂຍງກັນ ເພື່ອສ້າງຂໍ້ມູນຂ່າວສານພາສາລາວໃຫ້ປະຊາຊົນສາມາດເຂົ້າເຖິງ ແລະ ນໍາໄປໃຊ້ໃຫ້ເກີດປະໂຫຍດສູງສຸດ.

ພາບ+ຂ່າວ: ກົມເຕັກໂນໂລຊີການສື່ສານຂໍ້ມູນຂ່າວສານ, ກະຊວງ ປທສ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 287
  • ມື້ວານ1165
  • ອາທິດນີ້11236
  • ອາທິດກ່ອນ18595
  • ເດືອນນີ້19870
  • ເດືອນກ່ອນ29262
  • ທັງໝົດ593230
Loding...