ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 48
  • ມື້ວານ964
  • ອາທິດນີ້6,678
  • ອາທິດກ່ອນ16,477
  • ເດືອນນີ້16,627
  • ເດືອນກ່ອນ27,619
  • ທັງໝົດ560,725
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ຈັດກອງປະຊຸມເປີດກວ້າງຜ່ານຮ່າງກົດໝາຍ ວ່າດ້ວຍ ລາຍເຊັນເອເລັກໂຕຣນິກ

ເມື່ອບໍ່ດົນມານີ້ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມ “ເປີດກວ້າງຜ່ານຮ່າງກົດໝາຍ ວ່າດ້ວຍ ລາຍເຊັນເອເລັກໂຕຣນິກ” ໂດຍເປັນປະທານ ຂອງທ່ານ ທອງໃສ ຊານໄຊຍະ, ຮອງລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ພ້ອມດ້ວຍ ຄະນະກົມ, ຄະນະພະແນກ ແລະ ວິຊາການ ຈາກກະຊວງ ປທສ ແລະ ບັນດາກະຊວງ/ທຽບເທົ່າ ເຂົ້າຮ່ວມກອງປະຊຸມຢ່າງພ້ອມພຽງ, ກອງປະຊຸມຄັ້ງນີ້ ໄດ້ດໍາເນີນເປັນເວລາ 2 ວັນ ແຕ່ວັນທີ 12-13 ມິຖຸນາ ຜ່ານມາ ທີ່ແຂວງວຽງຈັນ.

ໃນໂອກາດເປີດກອງປະຊຸມຄັ້ງນີ້ ແມ່ນເພື່ອຄົ້ນຄວ້າລະດົມແນວຄວາມຄິດໃສ່ຮ່າງກົດໝາຍໃຫ້ມີເນື້ອໃນຄົບຖ້ວນສົມບູນ, ເຊິ່ງໄດ້ເລີ່ມດໍາເນີນການສຶກສາຄົ້ນຄວ້າ ໂດຍໄດ້ຮັບມອບໝາຍຈາກລັດຖະບານ ຕາມແຈ້ງການເລກທີ 1414/ຫສນຍ.ກນກ ລົງວັນທີ 19.09.2017 ຂອງຫ້ອງວ່າການລັດຖະບານ ວ່າດ້ວຍ ມອບໃຫ້ກະຊວງ ປທສ ໃນນາມອົງການຄຸ້ມຄອງມະຫາພາກທາງດ້ານໄອຊີທີ ຮັບຜິດຊອບວຽກງານລາຍເຊັນເອເລັກໂຕຣນິກ ພ້ອມກັບອີງໃສ່ກົດໝາຍໄອຊີທີ ທີ່ໃຫ້ຜັນຂະຫຍາຍມາດຕາ 23; ຄະນະຮັບຜິດຊອບຂອງກະຊວງ ປທສ ຈຶ່ງໄດ້ເລີ່ມຄົ້ນຄ້ວາຜັນຂະຫຍາຍ ເປັນຮ່າງດຳລັດໃນປີ 2016 ແຕ່ຕາມການເຫັນດີຂອງລັດຖະບານ ຈຶ່ງໄດ້ປັບປຸງຮ່າງດໍາລັດຂຶ້ນເປັນຮ່າງກົດໝາຍ.

ກອງປະຊຸມໄດ້ດໍາເນີນການກໍານົດຫຼັກການ, ລະບຽບການ ແລະ ມາດຕະການກ່ຽວກັບການຄຸ້ມຄອງ, ຕິດຕາມກວດກາ ການເຄື່ອນໄຫວວຽກງານລາຍເຊັນເອເລັກໂຕຣນິກ ເພື່ອເຮັດໃຫ້ການນຳໃຊ້ ແລະ ການບໍລິການມີຄວາມຖືກຕ້ອງ ແລະ ໄດ້ມາດຕະຖານ ແນໃສ່ສ້າງຄວາມສະດວກ, ວ່ອງໄວ, ທັນສະໄໝ, ປອດໄພ ແລະ ຍຸຕິທໍາ ຕໍ່ຜູ້ບໍລິການ ແລະ ໃຊ້ບໍລິການໃນຂົງເຂດການຄ້າ, ການເງິນ ແລະ ອື່ນໆທາງເອເລັກໂຕຣນິກ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ, ຫັນເປັນທັນສະໄໝ, ຮັບປະກັນໃຫ້ປະເທດຊາດມີຄວາມໝັ້ນຄົງ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ, ພ້ອມກັນນີ້ໃນຮ່າງກົດໝາຍ ວ່າດ້ວຍ ລາຍເຊັນເອເລັກໂຕຣນິກ ສະບັບນີ້ ປະກອບມີ ທັງໝົດ 13 ພາກ ແລະ 83 ມາດຕາ ໂດຍມີເນື້ອໃນຫຼັກ ເຊັ່ນ: ກຳນົດ ລັກສະນະຂອງລາຍເຊັນເອເລັກໂຕຣນິກ, ອົງປະກອບການຮັບຮອງທາງເອເລັກໂຕຣນິກ, ປະເພດຜູ້ອອກໃບຮັບຮອງເອເລັກໂຕຣນິກ, ການອອກອະນຸຍາດດຳເນີນທຸລະກິດ ອອກໃບຮັບຮອງເອເລັກໂຕຣນິກ.

ພາຍຫຼັງສຳເລັດ ກອງປະຊຸມ ເປີດກວ້າງຜ່ານຮ່າງກົດໝາຍ ວ່າດ້ວຍ ລາຍເຊັນເອເລັກໂຕຣນິກໃນຄັ້ງນີ້ ຄະນະຮັບຜິດຊອບຈະສືບຕໍ່ຄົ້ນຄວ້າ ແລະ ປັບປຸງຕາມການປະກອບຄໍາເຫັນໃນທີ່ປະຊຸມ ຫຼັງຈາກນັ້ນກໍ່ຈະໄດ້ເປີດກອງປະຊຸມກວດກາເນື້ອໃນລະອຽດ ກັບກະຊວງ ຍຸຕິທໍາ ແລະ ພາກສ່ວນທີ່ກ່ຽວຂ້ອງກ່ອນ ຈຶ່ງສະເໜີກອງປະຊຸມລັດຖະບານ ແລະ ກອງປະຊຸມສະໄໝສາມັນຄັ້ງທີ VI ຂອງສະພາແຫ່ງຊາດໃນທ້າຍປີ 2018 ເພື່ອໃຫ້ສາມາດຈັດຕັ້ງປະຕິບັດໄດ້ໃນປີ 2019.

ໂດຍ:ກົມເຕັກໂນໂລຊີການສື່ສານຂໍ້ມູນຂ່າວສານ, ປທສ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 48
  • ມື້ວານ964
  • ອາທິດນີ້6678
  • ອາທິດກ່ອນ16477
  • ເດືອນນີ້16627
  • ເດືອນກ່ອນ27619
  • ທັງໝົດ560725
Loding...