ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 454
  • ມື້ວານ1,359
  • ອາທິດນີ້1,813
  • ອາທິດກ່ອນ7,501
  • ເດືອນນີ້18,581
  • ເດືອນກ່ອນ43,980
  • ທັງໝົດ301,413
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກອງປະຊຸມລະດັບຊາດສໍາລັບໄວໜຸ່ມພາຍໃຕ້ຫົວຂໍ້ “ຊາວໜຸ່ມນໍາໜ້າສູ່ການພັດທະນາແບບຢືນຍົງ”

ໃນວັນທີ 12 ສິງຫາ 2016 ທີ່ ສູນກາງຊາວໜຸ່ມປະຊາຊົນປະຕິວັດລາວ ໄດ້ມີກອງປະຊຸມລະດັບຊາດສໍາລັບໄວໜຸ່ມພາຍໃຕ້ຫົວຂໍ້ “ຊາວໜຸ່ມນໍາໜ້າສູ່ການພັດທະນາແບບຢືນຍົງ” ( ຮ່ວມບໍລິຈາກເລືອດ) ກ່າວເປີດພິທີໂດຍທ່ານ ອາລຸນໄຊ ສູນນະລາດ ສະມາຊິກສະພາແຫ່ງຊາດ, ຮອງເລຂາຄະນະບໍລິຫານງານຊາວໜຸ່ມ ຊປປລ, ມີການພົບປະກັນຂອງຂັ້ນນໍາ ແລະ ໄວໜຸ່ມຫຼາຍກວ່າ 200 ຄົນ. ໃນກອງປະຊຸມຄັ້ງນີ້ແມ່ນໄດ້ເໜັ້ນໜັກໃຫ້ເຫັນຄວາມສໍາຄັນຂອງໄວໜຸ່ມ ແລະ ການມີສ່ວນຮ່ວມໃນການຈັດຕັ້ງປະຕິບັດໃນວາລະການພັດທະນາແບບຢືນຍົງໃນປີ 2030 ໂດຍລວມເອົາດ້ານສາທາລະນະສຸກ, ດ້ານການສຶກສາ, ການມີສ່ວນຮ່ວມ ແລະ ການເປັນຜູ້ນໍາ, ການຈ້າງງານ ແລະ ການເຄື່ອນຍ້າຍແຮງງານ, ຄວາມສະເໝີພາບດ້ານບົດບາດຍິງ-ຊາຍ ແລະ ການສ້າງຄວາມເຂັ້ມແຂງໃຫ້ກັບໄວໜຸ່ມຍິງ .

ໃນກອງປະຊຸມທ່ານ ສອນທະນູ ທໍາມະວົງ ເລຂາທິການສູນກາງຊາວໜຸ່ມ ຊປປລ ໄດ້ກ່າວວ່າ: ລັດຖະບານແມ່ນມີຄວາມຕັດສິນໃຈສູງທີ່ຈະສ້າງຄວາມເຂັ້ມແຂງໃຫ້ໄວໜຸ່ມໂດຍຜ່ານການສຶກສາໃຫ້ມີປະສິດທິພາບ ແລະ ການຮັກສາສຸກຂະພາບ ເຊັ່ນການສ້າງໃຫ້ມີວຽກເຮັດງານທໍາເຊີ່ງປະຊາກອນລາວສ່ວນ ຫຼາຍແມ່ນເປັນປະຊາກອນໜຸ່ມພວກເຮົາຕ້ອງເຂົ້າໃຈວ່າໄວໜຸ່ມຄວນຈະມີສ່ວນຮ່ວມໃນຂະບວນການສ້າງນະໂຍບາຍ, ປະກອບຄໍາຄິດເຫັນ ແລະ ຮັບຮອງຫຼາຍຂຶ້ນໃນສັງຄົມ.

ນາງ ດາລາພອນ ບົວສະຫວັນ ຜູ້ຕາງໜ້າໃຫ້ກັບໄວໜຸ່ມ ໄດ້ກ່າວວ່າ: ໄວໜຸ່ມສາມາດປະກອບສ່ວນທີ່ສໍາຄັນໃຫ້ແກ່ອານາຄົດທີ່ດີຂຶ້ນຂອງຊາດ, ບົນພື້ນຖານແນວທາງຂອງລັດຖະບານລາວເຂົ້າສູ່ການພັດທະນາທີ່ມີຄວາມສອດຄ່ອງກັບຄວາມເປັນຈິງຫຼາຍຂຶ້ນ ແລະ ຮຽກຮ້ອງໃຫ້ມີອີກຫຼາຍສິ່ງທີ່ ທຸກຄົນຈະຕ້ອງພ້ອມກັນເຮັດໃຫ້ສໍາເລັດ, ພວກເຮົາ ໄວໜຸ່ມຈະສືບຕໍ່ຄວາມຮອຍຄອບ ແລະ ເຮັດວຽກໜັກເພື່ອຊ່ວຍເຫຼືອປະເທດຊາດໃຫ້ບັນລຸແບບຢືນຍົງ ລວມໄປເຖິງການສ້າງນະໂຍບາຍຈະສ້າງໂອກາດໃຫ້ພວກເຮົາໄດ້ນໍາໃຊ້ຄວາມຮູ້ ແລະ ທັກສະຄວາມສາມາດ ຂອງພວກເຮົາໃຫ້ມີຄວາມເປັນໄປໄດ້ໃນການປະກອບ ສ່ວນຂະບວນການສ້າງນະໂຍບາຍ.

ທ່ານ ນາງ ເຟດເດີຣິກາ ເມເຈີ ຜູ້ຕ່າງໜ້າຈາກອົງການສະຫະປະຊາຊາດກອງທຶນ ສໍາລັບປະຊາກອນໂລກ (UNFPA) ຍັງໄດ້ກ່າວເພີ່ມອີກວ່າ: ພາລະໜ້າທີ່ຂອງພວກເຮົາກໍ່ຄືຜັນຂະຫຍາຍນະໂຍບາຍ ເພື່ອຊຸກຍູ້ໃຫ້ມີການພັດທະ ນາສິດທິໄວໜຸ່ມ ແລະ ເປັນການວັດແທກຄວາມຄືບໜ້າຂອງ SDGs ທີ່ກ່ຽວພັນ ກັບໄວໜຸ່ມ ເພາະວ່າເຂົາເຈົ້າແມ່ນຄົນລຸ້ນຫຼັງທີ່ຈະສືບທອດປະເທດຊາດ ແລະ ໂລກຂອງພວກເຮົາ.