ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 33
  • ມື້ວານ939
  • ອາທິດນີ້5,876
  • ອາທິດກ່ອນ13,248
  • ເດືອນນີ້21,323
  • ເດືອນກ່ອນ29,450
  • ທັງໝົດ537,802
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ປທສ ເຜີຍແຜ່ຄໍາແນະນໍາຂອງລັດຖະມົນຕີ ກ່ຽວກັບລະບຽບລັດຖະກອນ.

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມເຜີຍແຜ່ ຄໍາແນະນໍາຂອງລັດຖະມົນຕີກ່ຽວກັບລະບຽບ ການແຕ່ງຕັ້ງລັດຖະກອນ ດໍາລົງຕໍາແໜ່ງບໍລິຫານ ປະເພດຕ່າງໆ ຂອງຂະແໜງ ປທສ, ສະບັບເລກທີ 3578/ປທສ, ລົງວັນທີ 30 ພະຈິກ 2017 ຂຶ້ນເມື່ອບໍ່ດົນມານີ້, ທີ່ຫ້ອງປະຊຸມໃຫຍ່ກະຊວງ ປທສ. ໂດຍການເປັນປະທານຂອງທ່ານ ຄໍາພູ ດວງຖະໜອມ ຫົວໜ້າກົມຈັດຕັ້ງ-ພະນັກງານ ມີບັນດາຄະນະກົມ/ທຽບເທົ່າ ພ້ອມດ້ວຍພະນັກງານວິຊາການ ຜູ້ຮັບຜິດຊອບວຽກຈັດຕັ້ງເຂົ້າຮ່ວມ.

ທ່ານ ຄໍາພູ ດວງຖະໜອມ ໄດ້ກ່າວວ່າ ການຈັດກອງປະຊຸມໃນຄັ້ງນີ້ ແມ່ນເພື່ອໃຫ້ບັນດາກົມ/ທຽບເທົ່າ ມີຄວາມເປັນເອກະພາບ ແລະ ສາມາດກໍາໄດ້ວິທີການຂັ້ນຕອນ, ມາດຕະຖານ ການໃຫ້ຄະແນນເພິ່ງພໍໃຈຂອງລັດຖະກອນ ຕໍ່ມາດຕະຖານລວມ ແລະ ມາດຕະຖານສະເພາະ ຂອງຜູ້ທີ່ຈະຖືກ ແຕ່ງຕັ້ງດໍາລົງຕໍາແໜ່ງ ບໍລິຫານປະເພດ 3 ຫາ 8, ເພື່ອເປັນບ່ອນອີງໃຫ້ແກ່ ການຈັດຕັ້ງຂອງຫ້ອງການ, ບັນດາກົມ/ທຽບເທົ່າ, ພະແນກ ປທສ ແຂວງ/ນະຄອນຫຼວງ ແລະ ຫ້ອງການ ປທສ ຂັ້ນເມືອງ, ເທດສະບານ, ນະຄອນຫຼວງ ໃນການພິຈາລະນາສະເໜີການແຕ່ງຕັ້ງໃຫ້ມີຄວາມເໝາະສົມ ແລະ ສອດຄ່ອງກັບຕົວຈິງ. ເຊິ່ງຄໍາແນະນໍາດັ່ງກ່າວ ໄດ້ຮັບການເຜີຍແຜ່ໂດຍ ທ່ານ ຈັນທະວີພອນ ເຄືອບຄໍາວອນ ຮອງຫົວໜ້າກົມຈັດຕັ້ງ-ພະນັກງານ.

ໂດຍຄໍາແນະນໍາກ່ຽວກັບລະບຽບການ ແຕ່ງຕັ້ງລັດຖະກອນດໍາລົງຕໍາແໜ່ງບໍລິຫານປະເພດຕ່າງໆ ຂອງຂະແໜງການ ປທສ ໂດຍພື້ນຖານແມ່ນ ການຜັນຂະຫຍາຍຈາກ ດໍາລັດວ່າດ້ວຍມາດຕະຖານຕໍາແໜ່ງບໍລິຫານຂອງລັດຖະກອນ ສະບັບເລກທີ 461/ລບ, ລົງວັນທີ 9 ຕຸລາ 2012 ເພື່ອໃຫ້ສ່ອດຄ່ອງກັບຂະແໜງການ ປທສ, ພ້ອມທັງເປັນການ ແກ້ໄຂບັນຫາຄວາມບໍ່ເປັນເອກະພາບ ໃນການດໍາເນີນການຊັບຊ້ອນ, ບັນຈຸ ຫຼື ແຕ່ງຕັ້ງລັດຖະກອນດໍາລົງຕໍາ ແໜ່ງບໍລິຫານປະເພດຕ່າງໆ ໃຫ້ມີຄວາມເປັນເອກະພາບ.

ພາບ+ຂ່າວ: ກົມຈັດຕັ້ງ-ພະນັກງານ, ປທສ.


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 33
  • ມື້ວານ939
  • ອາທິດນີ້5876
  • ອາທິດກ່ອນ13248
  • ເດືອນນີ້21323
  • ເດືອນກ່ອນ29450
  • ທັງໝົດ537802
Loding...