ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 314
  • ມື້ວານ901
  • ອາທິດນີ້8,766
  • ອາທິດກ່ອນ5,790
  • ເດືອນນີ້10,675
  • ເດືອນກ່ອນ28,282
  • ທັງໝົດ355,047
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ພິທີຖະແຫຼງຂ່າວກ່ຽວກັບການຈັດງານວາງສະແດງ “Lao ICT EXPO 2016”

ໃນຕອນບ່າຍ ຂອງວັນທີ 09 ພະຈິກ 2016 ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ກະຊວງ ປທສ) ໄດ້ຈັດພິທີຖະແຫຼງຂ່າວກ່ຽວກັບການຈັດງານວາງສະແດງ “Lao ICT EXPO 2016” ຂຶ້ນທີ່ ໂຮງແຮມ ແລນມາກ (Land Mark Hotel) ເປັນກຽດຖະແຫຼງຂ່າວໂດຍ ທ່ານ ດຣ ທັນສະໄໝ ກົມມະສິດ ລັດຖະມົນຕີ ກະຊວງ ປທສ, ພ້ອມດ້ວຍແຂກທີ່ຖືກເຊີນເຂົ້າຮ່ວມທີ່ມາຈາກບັນດາກະຊວງ, ອົງການທາບເທົ່າ, ບັນດາສະຖາບັນການສຶກສາ ແລະ ບັນດາບໍລິສັດຕ່າງໆ ຫຼາຍກ່ວາ 100 ທ່ານ.

ເພື່ອປະຕິບັດຕາມພາລະບົດບາດໃນການຄຸ້ມຄອງມະຫາພາກດ້ານວຽກງານ ວຽກງານເຕັກໂນໂລຊີສື່ສານ-ຂໍ້ມູນຂ່າວສານ (ໄອຊີທີ), ກະຊວງ ປທສ ຈຶ່ງເປັນເຈົ້າພາບຈັດງານ Lao ICT Expo 2016 ຂຶ້ນເປັນຄັ້ງທໍາອິດຂອງ ສປປ ລາວ. ງານດັ່ງກ່າວຈະຈັດຂື້ນໃນລະຫວ່າງ ວັນທີ 14-18 ທັນວາ 2016 ເປັນເວລາ 5 ມື້ ທີ່ຫໍປະຊຸມແຫ່ງຊາດ ຫລັກ 6, ນະຄອນຫຼວງວຽງຈັນ. ຈຸດປະສົງແມ່ນເພື່ອສົ່ງເສີມໃຫ້ພາກລັດ, ພາກເອກະຊົນ, ບັນດາບໍລິສັດ ຫຼື ນິຕິບຸກຄົນ ທີ່ກອບການດ້ານໄອຊີທີ ແລະ ໂທລະຄົມມະນາຄົມ ໄດ້ມີໂອກາດສະແດງຜະລິດຕະພັນ, ການບໍລິການ ແລະ ນະວັດຕະກຳທາງໄອຊີທີ ຂອງຕົນ. ພ້ອມກັນນັ້ນ ກໍ່ເພື່ອແລກປ່ຽນຂໍ້ມູນຂ່າວສານ, ປະສົບການໃນການພັດທະນາຂະແໜງການ ໄອຊີທີ ທັງເປັນເວທີໃຫ້ຄວາມຮູ້ແກ່ນັກຮຽນ, ນັກສຶກສາ ແລະ ປະຊາຊົນ ໂດຍຜ່ານກອງປະຊຸມສຳມະນາ ແລະ ງານຝຶກອົບຮົມຕ່າງໆ.

ງານ Lao ICT Expo 2016 ນີ້ຖືວ່າ ເປັນງານໜື່ງອອກແບບມາໃຫ້ມີຫຼາຍສີສັນ. ຊຶ່ງຜູ້ເຂົ້າຢ້ຽມຊົມງານຈະໄດ້ທັງຄວາມຮູ້, ຄວາມບັນເທີງ ແລະ ໂອກາດໃນການຂະຫຍາຍທຸລະກິດຂອງທ່ານໃຫ້ກ້າວຫນ້າ, ທັນຍຸກທັນສະໄຫມ. ພາຍໃນງານຈະປະກອບມີ 4 ກິດຈະກຳໃຫຍ່ ທີ່ຈະຈັດໄປພ້ອມໆກັນເຊັ່ນ: ການຝຶກອົບຮົມ ແລະ ສຳມະນາ, ການສະແດງສິນຄ້າໄອຊີທີ ແລະ ສິນຄ້າອື່ນ, ການແຂ່ງຂັນດ້ານໄອຊີທີ ແລະ ການສະແດງຂອງສີລະປິນການຄັດເລືອກນາງສາວ ໄອຊີທີລາວ.

ງານ Lao ICT Expo ປີນີ້ ຈັດຂຶ້ນໂດຍການຮ່ວມມືສະໜັບສະໜຸນ ແລະ ອຸປະຖຳຈາກຫຼາຍພາກສ່ວນເປັນຕົ້ນແມ່ນ ບັນດາກະຊວງ, ສະມາຄົມ ໄອຊີທີລາວ, ບັນດາບໍລິສັດ ເຊັ່ນ: Huawei, ບໍລິສັດ ລັດວິສາຫະກິດລາວໂທລະຄົມ, ບໍລິສັດ ສະຕ້າ ໂທລະຄົມ, ບໍລິສັດ ອີທີແອຫລ ມະຫາຊົນ ແລະ ບັນດາບໍລິສັດຜູ້ປະກອບການດ້ານໄອຊີທີຕ່າງໆ.