ວາລະສານໄອຊີທີ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 162
  • ມື້ວານ776
  • ອາທິດນີ້12,867
  • ອາທິດກ່ອນ21,305
  • ເດືອນນີ້17,933
  • ເດືອນກ່ອນ31,769
  • ທັງໝົດ623,062
Weather, 28 November
Vientiane Weather
+14

High: +27° Low: +14°

Humidity: 87%

Wind: ENE - 16 KPH

Luang Prabang Weather
+24

High: +24° Low: +21°

Humidity: 94%

Wind: WSW - 3 KPH

Savannakhet Weather
+26

High: +26° Low: +25°

Humidity: 96%

Wind: SSW - 14 KPH

Pakxe Weather
+19

High: +19° Low: +19°

Humidity: 95%

Wind: NE - 3 KPH

ກະຊວງ ປທສ ຈັດຕັ້ງຜັນຂະຫຍາຍເນື້ອໃນຈິດໃຈ ກອງປະຊຸມໃຫຍ່ວຽກງານກວດກາ ທົ່ວປະເທດ ປະຈຳປີ 2017 ແລະ ສະຫຼຸບ, ຖອດຖອນບົດຮຽນ ການຈັດຕັ້ງປະຕິບັດວຽກງານ ກວດກາໃນໄລຍະໜຶ່ງປີຜ່ານມາ.

ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ເປີດກອງປະຊຸມ ຈັດຕັ້ງຜັນຂະຫຍາຍເນື້ອໃນຈິດໃຈ ກອງປະຊຸມໃຫຍ່ວຽກງານກວດກາ ທົ່ວປະເທດ ປະຈຳ 201, ສະຫຼຸບຖອດຖອນບົດຮຽນວຽກງານກວດກາປະຈຳປີ 2017 ແລະ ທິດທາງແຜນການປະຈຳປີ 2018 ຂອງກະຊວງ ປທສ ຂຶ້ນໃນວັນທີ 06 ມີນາ 2018 ນີ້, ທີ່ຫ້ອງປະຊຸມໃຫຍ່ກະຊວງດັ່ງກ່າວ. ໃຫ້ກຽດເປັນປະທານ ໂດຍ ທ່ານ ທອງໃສ ຊານໄຊຍະ ປະທານກວດກາຄະນະພັກກະຊວງ, ຮອງລັດຖະມົນຕີ. ມີເລຂາໜ່ວຍພັກ, ເລຂາຮາກຖານພັກ, ປະທານກວດກາໜ່ວຍພັກ, ຮາກຖານບັນດາບໍລິສັດ ລັດວິສາຫະກິດ, ຜູ້ເຮັດວຽກງານກວດກາຂອງບັນດາກົມ/ທຽບເທົ່າ ແລະ ບັນດສບໍລິສັດ ລັດວິສາຫະກິດ ເຂົ້າຮ່ວມ.

ຈຸດປະສົງໃນການຈດກອງປະຊຸມໃນຄັ້ງນີ້ ກໍ່ເພື່ອຈັດຕັ້ງຜັນຂະຫຍາຍເນື້ອໃນຈິດໃຈ ກອງປະຊຸມໃຫຍ່ວຽກງານກວດກາ ທົ່ວປະເທດ ປະຈຳປີ 2017, ພ້ອມນີ້ ກໍ່ໄດ້ສະຫຼຸບຕີລາຄາ ຖອດຖອນບົດຮຽນ ວຽກງານຕິດຕາມ, ກວດກາ ແລະ ຊຸກຍູ້ ວຽກງານກວດກາໃນໜຶ່ງປີທີ່ຜ່ານມາ ແລະ ທິດທາງຕໍ່ໜ້າໃນຂະແໜງການ ປທສ ໂດຍສະເພາະແມ່ນການຜັນຂະຫຍາຍ ແລະ ຈັດຕັ້ງປະຕິບັດ ມະຕິກອງປະຊຸມໃຫຍ່ຂອງພັກສະໄໝທີ X ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 8. ຈັດຕັ້ງປະຕິບັດບັນດາມະຕິ, ຄຳສັ່ງ, ກົດໝາຍຂອງພັກ ແລະ ນິຕິກຳອື່ນໆ, ການປະຕິບັດພາລະບົດບາດ, ສິດ, ໜ້າທີ່ຂອງບັນດາກົມ/ທຽບເທົ່າ ແລະ ບັນດາບໍລິສັດ ລັດວິສາຫະກິດ ທີ່ຂຶ້ນກັບກະຊວງ ປທສ. ເຊິ່ງສາມາດຊອກໃຫ້ເຫັນດ້ານດີຄວາມຕັ້ງໜ້າ, ດ້ານອ່ອນຂໍ້ຄົງຄ້າງທີ່ຈະຕ້ອງໄດ້ປັບປຸງແກ້ໄຂ ແລະ ມີບາງບົດຮຽນທີ່ຈະຕ້ອງເສີມຂະຫຍາຍຮ່ວມກັນ. ພ້ອມດຽວກັນນີ້, ທ່ານ ທອງໃສ ຊານໄຊຍະ ຍັງໄດ້ເຜີຍແຜ່ເອກະສານທີ່ສຳຄັນເຊັ່ນ: ບົດສະຫຼຸບວຽກງານກວດກາ ປີ 2017 ແລະ ທິດທາງແຜນການວຽກງານກວດກາ ປີ 2018 ຂອງຄະນະກວດກາສູນກາງພັກ ແລະ ບົດໂອ້ລົມຂອງ ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ຕໍ່ກອງປະຊຸມວຽກງານກວດກາທົ່ວປະເທດ ປະຈຳປີ 2017, ບົດສະຫຼຸບຜົນການຕິດຕາມ, ກວດກາ, ແລະ ຊຸກຍູ້ວຽກງານກວດກາ ປະຈຳປີ 2017 ແລະ ທິດທາງແຜນການປີ 2018 ຂອງກະຊວງ ປທສ ແລະ ເຜີຍແຜ່ເຊື່ອມຊຶມເນື້ອໃນເອກະສານສໍາຄັນຈຳນວນໜຶ່ງ;

ໃນຕອນທ້າຍ ທ່ານ ທອງໃສ ຊານໄຊຍະ ຍັງໄດ້ໂອ້ລົມຕໍ່ກອງປະຊຸມ; ໃນນາມຕາງໜ້າໃຫ້ ຄະນະພັກ-ຄະນະນຳ ກະຊວງ ປທສ ເຫັນໄດ້ຄວາມໝາຍຄວາມສຳຄັນຂອງວຽກງານກວດກາ ດັ່ງຄຳເວົ້າທີ່ວ່າ: “ ຖ້າບໍ່ມີການກວດກາ ກໍ່ໝາຍຄວາມວ່າບໍ່ມີການນຳພາ ’’ ສິ່ງດັ່ງກ່າວໄດ້ສະແດງໃຫ້ເຫັນວ່າ ວຽກງານກວດກາ ແມ່ນວຽກງານໜຶ່ງທີ່ສຳຄັນ ທີ່ຕິດພັນກັບວຽກງານທຸກຂົງເຂດ, ເປັນພາລະບົດບາດໜຶ່ງແຫ່ງການນຳພາຂອງພັກ ແລະ ການຄຸ້ມຄອງບໍລິຫານລັດ. ພ້ອມທັງແນະນຳໃຫ້ຜູ້ແທນກອງປະຊຸມນໍາເອົາເນື້ອໃນຈິດໃຈກອງປະຊຸມຄັ້ງນີ້ ໄປຈັດຕັ້ງເຜີຍແຜ່ໃຫ້ສະມາຊິກພັກ, ພະນັກງານ-ລັດຖະກອນຂອງຕົນ ນຳໄປເຊື່ອມຊຶມກຳແໜ້ນພ້ອມທັງຜັນຂະຫຍາຍຈັດຕັ້ງປະຕິບັດບົນຈິດໃຈ ບຸກທະລຸທີ່ຕັ້ງໜ້າໂດຍຕິດພັນກັບການສຶບຕໍ່ສູ້ຊົນຈັດຕັ້ງປະຕິບັດ ບັນດາຄາດໝາຍ ທີ່ກອງປະຊຸມໃຫຍ່ ຄັ້ງທີ່ X ຂອງພັກ ຕິດພັນກັບການສຶບຕໍ່ຊຸກຍູ້ຂະບວນແຂ່ງຂັນ “ ຮັກຊາດ ແລະ ພັດທະນາ ’’ ເຮັດໃຫ້ວຽກງານຕິດຕາມ ກວດກາ ໄດ້ຮັບການຈັດຕັ້ງປະຕິບັດຢ່າງແຂງແຮງທົ່ວຂະແໜງ ໄປສະນີ, ໂທລະຄົມມະນາຄົມ ແລະ ການສື່ສານ, ເວົ້າສະເພາະກໍ່ຄືການຈັດຕັ້ງປະຕິບັດແຜນການ, ໂຄງການ ໃນການປະຕິບັດແຜນພັດທະນາ 05 ປີ ຄັ້ງທີ II ຂອງຂະແໜງໄປສະນີ, ໂທລະຄົມມະນາຄົມ ແລະ ການສື່ສານ ໃຫ້ໄດ້ຮັບປະສິດທິພາບ ແລະ ປະສິດທິຜົນສູງສຸດ.

ຂ່າວ: ກົມກວດກາ, ປທສ.

ພາບ: ຫ້ອງການ, ພະແນກປະຊາສໍາພັນ


ວາລະສານໄອຊີທີ
ເຂົ້າສູ່ລະບົບ
ຈໍານວນຜູ້ເຂົ້າຊົມເວັບໄຊ
  • ມື້ນີ້ 162
  • ມື້ວານ776
  • ອາທິດນີ້12867
  • ອາທິດກ່ອນ21305
  • ເດືອນນີ້17933
  • ເດືອນກ່ອນ31769
  • ທັງໝົດ623062
Loding...